Matthew 27:4 - Sei di Uka Ago Ruaka di Buka Bedakai

⁴ niyo, “Na bi vegu no reyaka, vegu buni no nufa de amiye siri reyaka ma umuyegedi dada!” Nikabai reyadi, “Una yaku beika regifa? Mina bi yi vanari!”

Matthew 27:4 交叉參考

Matthew 27:19

Kamini bi ini kota rena fata ameinu reyori, ini rema yaku ago nifeideyo: “Mina mokena rorobo amiye rofu bi beika yokoi ina rofu ga re. Adina na bi gua yaduka veyakari, nai mokena yaku esika esika na maro ina dada.”

Matthew 27:54

Ma iya rededi vene di ourefeidena amiye tora ma kaere amiye inasa Iesu nari regamadi, bi kono yagayaga reyo ma beika tau vata niyadi mina vesi ori tora resi niyadi, “Rama mina bi Sei di mida!”

Luke 23:22

Ma uru regode kamini niyo, “Beika resi, ina bi beika vegu no be reyo? Vegu no dada umuyeyaine di adina bi baku de reyaka! Mina dada buburu vai maka resi moi feidegida.”

Luke 23:41

Una beika moisifa bi uni vegu reyafa kana; rama moisifa mini. Idu yomina amiye bi vegu no yokoi rena de.”

Luke 23:47

Ma iya rededi vene di ourefeidena amiye tora yaku beika vata niyo mina vegasa Sei di roka moi odoro rigasa niyo, “Rama iniye ina bi vegu no nufa de amiye!”

John 19:7

Jew vene nikabai reyadi, “Una bi ago gira nufa ma mirona ago gira dada bi muyeyaine, ina kaya moi Sei di mida niyo dada.”

Moimai di vegu 13:28

Ye umuyegika di ida maina reyadi ka vegu no baku rena de reyadi, dada Pilate usa niyadi ina umuyeyainedi.

Rome vene 3:19

Gua una diba beika ago gira yaku nido, bi kaere ago gira di vava gabireri amedo ina rofu nido, ye vena biri risi ago nina de, ma kono tora noibanu di vene tau bi Sei di nemokori ini vegu dada kota regi are reyaganedi.

1 Timothy 4:2

Ofa ofa vene kaere ini uka di mokena bi auri vava kiyoma yaku emuyeyadi kana, bi ofarosi sina dudu mina oteimana ago nidedi.

Titus 1:16

Ina iniye nikake redo bi Sei ina diba, idu ini reremama rededi yaku nido ina bi Sei ina toto. Sei yaku ini vegu no ura de iniye rededi, ma Sei di ago gira neidena ura de resi beika buni rena bi de rededi.

Hebrew vene 7:26

Ini adina bi buni iniye una bi Sei ma amiye utari naivo amiye tora mina kana nufa, kaere bi kikifa, vegu no nufa de, ini vegu bi kino de, ma vegu no rededi vene moi tae risi oma odorori ini roka moi odoro riyo.

1 Peter 1:19

Idu mina bi Keriso ini dava dudu davana tora mina maro, kaere bi ori sisika mamoe mida, ini roaitari no yokoi de o ara yokoi de mina kana.

1 John 3:12

Cain yaku reyo kana bi ga renadi. Ina bi amiye no di, ma ini usika Abel umuyeyo. Beika resi umuyeyo? Adina ini vegu bi no ma ini dubuini di vegu bi mokena rorobo nufa.

Niokuna sina 11:10

Kono amededi vene ada resi pati resi gugura buni buni iniye iniye nifeidegedi, mina Sei di ago nidedi amiye remanu kono amededi vene esika esika maradi dada.