Matthew 27:24 - Sei di Uka Ago Ruaka di Buka Bedakai

²⁴ Kamini veyo beika yokoi de rego ma siboroka regi kora reyadiri, koru moisi amiye tau di nemokori ini vana koitesi niyo, “Mina amiye di muyena bi nai vanari de; mina bi yi vanari amedo!”

Matthew 27:24 交叉參考

Matthew 27:4

niyo, “Na bi vegu no reyaka, vegu buni no nufa de amiye siri reyaka ma umuyegedi dada!” Nikabai reyadi, “Una yaku beika regifa? Mina bi yi vanari!”

2 Corinth vene 5:21

Keriso, kaere bi vegu no de reyo amiye, bi una dada vegu no rena amiye kana niyo, ye ina dudu Sei di mokena rorobo kana nigifa dada.

1 Peter 3:18

Adina Keriso mokena rorobo de amiye ka uru yokoi maka vegu no fafau, mokena vari gira de aededi vene rofu esika moiyo, ye makai Sei rofu ya moi bogo di; ina bi roaita iniye dudu emuyeyadi, idu vima iniye dudu moi vegu riyo.

Matthew 26:5

niyadi, “Idu mina irakuna fuofuori bi de regifa, adina bi amiye siboroka regedi baebu.”

Moimai di vegu 3:14

Ina bi kikifa ma mokena rorobo amiye, idu moi etofa resi Pilate rofu bi amiye umuyeyo amiye usa niyadi ma ya maro.

John 19:4

Ma Pilate dudusa desi niyo, “Vefa kumo, na yaku ya rofu afei yaku deida, ye vegu no ini ideri yokoi de baku reyaka diba niyagane dada.”

Matthew 27:54

Ma iya rededi vene di ourefeidena amiye tora ma kaere amiye inasa Iesu nari regamadi, bi kono yagayaga reyo ma beika tau vata niyadi mina vesi ori tora resi niyadi, “Rama mina bi Sei di mida!”

Matthew 27:9

Mina usi beika Sei di ago niyo amiye Jeremiah yaku niyo bi bae rama aeyo: “Ye siriva fore 30 moiyadi; mina bi Israel vene be yaku ini davana reyadi kana.

Matthew 27:19

Kamini bi ini kota rena fata ameinu reyori, ini rema yaku ago nifeideyo: “Mina mokena rorobo amiye rofu bi beika yokoi ina rofu ga re. Adina na bi gua yaduka veyakari, nai mokena yaku esika esika na maro ina dada.”

Matthew 27:23

Idu nikaiteyo, “Beika resi, ina bi beika vegu no be reyo?” Idu besa imuna niyadi, “Ina bi satauro ikoko reyaine!”

John 13:9

Ye niyo, “Varika amiye e, nai yuka rafo maka de, idu nai vana ma nai ada ka koite!”