Matthew 26:56 - Sei di Uka Ago Ruaka di Buka Bedakai

⁵⁶ Idu mina beika tau bi vata niyadi, ye beika Sei di ago niyadi vene yaku bura reyadi bi bae rama aeyainedi.” Mina usi ini usi dina vene tau vakoi bi feresi ori diyadi.

Matthew 26:56 交叉參考

John 16:32

Ari bi baedo ma sena baeyo, ya yokoi yokoi bi yi rautu rauturi rerevaida nisi na feregedi. Idu na bi naike maka de, adina Baba bi nasa mini.

Matthew 26:31

Mina usi Iesu yaku ina vene rofu niyo, “Gua mina urusari, na dada ya tau vakoi na feresi ori digedi, adina bi bura reyo, ‘Mamoe dogo redo amiye umuyegida ma mamoe tau bi rerevaida nigedi.’

Matthew 26:54

Idu makai regidari, Sei di ago bi gokai rama aego, ini niyo kana mina tau bi makai dudu vata niyaine?”

2 Timothy 4:16

Ouresi nai vegu nigira regi na kota reyori, amiye yokoi yaku na aedegi de okiyo, idu amiye tau noibanu bi na feresi diyadi. Ina rofu bi toe ga iki maraine!

Moimai di vegu 1:16

“Usika ourena vene, Sei di agori beika bura reyadi mina rama niyo bi Vima kikifa yaku David di venari Judas rofu niyo kana: Ina yaku Iesu moi gira reyadi vene moi ourefeideyo.

Matthew 26:24

Adina Amiye di mida bi muyego, bura reyadi kana, idu mina amiye rofu bi iriyeduka no iniye, kaere bi Amiye di mida siri rego! Buni bi mina amiye bi vata de niyagadu vonisi.”

Moimai di vegu 2:23

Sei yaku ini mokena dudu bi sena yo niyo, Iesu ya vene di vanari aego bi; ya vene yaku vegu no vene di vanari aegedi ma sataurori ikoko regedi di.

Matthew 21:42

Iesu niyo, “Ya bi toga Sei di agori bura veyadi ba? ‘Yava akuna vene moi kekevata uyadi fore bi yava moi gira redo fore iniye niyo. Mina bi Varika amiye yaku reyo; ma uni nemokori bi buni vayavaya!’