Matthew 22:22 - Sei di Uka Ago Ruaka di Buka Bedakai

²² Mina neidegasa tururu resi ina feresi diyadi.

Matthew 22:22 交叉參考

Mark 12:12

Ma ina moi gira regika ida maina reyadi, adina diba niyadi mina mokena ago ina vene fafau niyo. Idu amiye tau gade rofu ori reyadi, dada feresi diyadi.

Colossae vene 4:6

Ramena iruku moi guta redo kana, yi ago toga buni tora gade dudu niyagane, ye ya bi amiye neinei ini ago gokai nikabai regi diba niyagane.

Moimai di vegu 6:10

Idu Vima yaku mokena tora Stephen maro, dada ini sina nigamori, bi ina vene yaku ini ago dairi nikabai rena bi anua reyadi.

Matthew 22:46

Ye amiye yokoi yaku ago nikabai regi anua reyo, ma mina meda gutuna boyo yokoi yaku dudusa nikaitegika de reyadi.

Matthew 22:33

Mina amiye tau mina neidegasa ini beika oteimado rofu bi tururu reyadi.

Matthew 10:16

“Mokefa; na yaku mamoe kana sufa gadeva auna di fogori ya nifeideida. Ye aruma kana mokei mona resi pune erena kana ave nifa.

Luke 21:15

adina na yaku ago ma mokena tora ya magida. Ye yi tuma vene tau bi yi ago kebi rina anua regedi.

Matthew 8:10

Iesu mina ago neidesi bi tururu resi kaere usi diyadi inasa rofu niyo, “Rama ya nida, Israel ri amiye yokoi di mokena vari gira aena makai de baku reyaka.