Matthew 19:29 - Sei di Uka Ago Ruaka di Buka Bedakai

²⁹ Ma kaere ini yava o usika ourena, o nono baba, o mida, o kono nai roka dada fereyadi, bi tau 100 kana besa ma toga toga ameibobina vegu moigo.

Matthew 19:29 交叉參考

Philippi vene 3:8

Idu rama, mina beika tau gade reyaka ka nai mokenari bi boiyo reyadi, adina nai Varika amiye Iesu Keriso diba nina, mina tau gade ebu redo. Ina dada, tau gade boiyo reyadi ma nai mokenari bi sanika maka, ye Keriso asanu resi

Luke 14:26

“Amiye yokoi na rofu baesi na uka tora de masi ini baba, ini nono, ini rema, ini mida, ini usika ourena ma iniye rofu ka uka keika de mago vonisi, nai usi dina amiye anua rego.

Matthew 16:25

Adina kaere ini vegu moi gira rigi ura rego, bi de moigo, idu kaere na dada ini vegu youfeidego, bi moigo.

Matthew 6:33

Idu Sei di ourefeidena amena sana ma ini mokena rorobo siko maina refa kumo mina beika baika tau ya mago.

1 Peter 4:14

Keriso di roka dada ya nikiraini regedi vonisi, ya rofu buni tora gade mago, adina Vima vayavaya, mina bi Sei di Vima, ya fafau amedo.

Matthew 10:22

Amiye tau gade yaku nai roka dada ya rofu gubuyo regedi, idu kaere are rei gira rego bogo ari metonari mamo bi moi vegu rigo.

John 15:19

Ya bi kono tora noibanu di vene vonisi, ini vene ya uka magedi iniye di kana; idu ya bi mina kono tora noibanu di vene de dada, ya kono tora noibanu gutuna ya raka niyaka. Mina dada kono tora noibanu di vene ya rofu gubuyo rededi.

Luke 6:22

“Amiye yaku ya rofu gubuyo resi fufuta masi ya rofu nifafana resi yi roka moi no rigediri, Amiye di mida usi dina dada, bi ada regedi!

Matthew 5:11

“Amiye yaku na dada nifafana resi esika esika masi ya fafau ago no tau ofa ofa ago dudu nibigediri, bi ada regedi.

1 Corinth vene 2:9

Idu bura reyo kana: “Beika amiye yokoi di ne yaku vena de reyo ma anema yaku neidena de reyo, ma beika amiye di ukari mokena de reyo, mina bi beika Sei yaku ina uka madedi vene ina rofu dogo reyo.”

Moimai di vegu 9:16

Resi na dada esika tau moigo mina oteimagida.”

Matthew 25:34

Mina usi Kini yaku ini vana rama vene rofu nigo, ‘Baefa, nai Baba yaku buni tora gade ya vene ya maro; Sei di ourefeidena amena sana di gugura moifa, goina bi oma ma kono rigamori ya dogo reyo.

Matthew 19:16

Ma amiye yokoi ina rofu baesi nikaiteyo, “Oteimana amiye, beika vegu buni regida bi toga toga ameibobina vegu moigida?”

Matthew 13:23

Ma kono buniri yo yareyadi kana, bi kaere mina ago neidesi diba nigo; rama nido, be bi 100 nido, be bi 60 nido, ma be bi 30 nido.”

2 Corinth vene 5:16

Mina dada gua gutuna bobigori, amiye yokoi ini roaita di vegu maka dada de mokebigifa. Mina mo sena meda yokoiri, roaita di vegu maka dada Keriso mokeyafa, ye gua dudusa makai kana bi de mokesifa.

Matthew 25:46

Ye mina vene toga toga esika esika moina sanari digedi, idu mokena rorobo vene bi toga toga ameibobina vegu di sanari digedi.”

Matthew 13:8

Idu be bi kono buniri yaresi rama niyadi; be bi 100, be bi 60, ma be bi 30 niyadi.

3 John 1:7

Keriso di roka dada, yava ika oto diyadi. Ini makai dibo regasa bi tutubena idana vene rofu aedena buni yokoi be de moiyadi.

Luke 5:11

Ini bouti vasari rutu rei baeyadi fufutari, bi ini beika baika feresi Iesu usi diyadi.

John 4:36

Amiye kaere butu butu redo bi sena ka ini moimai rena di davana moisi toga toga ameibobina vegu di iruku ka butu butu redo; ye varido amiye ma butu butu rena amiye vakoi ada regedi dada.