Matthew 19:14 - Sei di Uka Ago Ruaka di Buka Bedakai

¹⁴ Idu niyo, “Mida keika keika bi ferefo kumo na rofu baeyagane; ga meki refo, adina Sei di ourefeidena amena sana omari bi mina kana vene di.”

Matthew 19:14 交叉參考

Matthew 18:3

niyo, “Rama ya nida, ya bi diya vegu no gedu masi mida keika kana nigedi vonisi, bi toga Sei di ourefeidena amena sana omari dui de regedi.

1 Corinth vene 14:20

Nai usika ourena, yi mokenari bi mida kakua kana ga nifa. No dada bi mida kakua kana nifa, idu yi mokenari bi amiye tora nifa.

Mark 10:14

Ye Iesu mina veyori, gubuyo resi niyo, “Mida keika keika bi ferefo kumo na rofu baeyagane; ga meki refo, adina Sei di ourefeidena amena sana bi mina kana vene di.

Matthew 11:25

Mina ituari, Iesu yaku niyo, “Baba, oma ma kono di Varika amiye, yi roka moi odoro rida, adina ya bi mina vegu mokena tora vene rofu moi sui risi mokena keika keika vene kaere bi mida mida kana rofu moi ogau riyo.

Matthew 5:3

“Kaere amiye ina diba ini vimari Sei di gugura buni yokoi de bi ada regedi; adina bi Sei di ourefeidena amena sana omari bi ini!

Matthew 5:10

Kaere vegu rorobo dada esika esika moidedi vene bi ada regedi; ini adina Sei di ourefeidena amena sana omari bi ini!

Matthew 19:15

Ye ini vana ina fafau aesi mina sana feresi diyo.

Mark 10:15

Rama ya nida, kaere amiye yaku Sei di ourefeidena amena sana mida keika kana de moigo vonisi, bi de iniye iniye dui rego.”