Matthew 16:18 - Sei di Uka Ago Ruaka di Buka Bedakai

¹⁸ Ma ya nida yi roka bi Peter, ma mina fore fafau nai dubu akugida, ma muyena vene di amena sana di vava yaku ka ebu rena de rego.

Matthew 16:18 交叉參考

Colossae vene 1:18

Ma roaita kana, ina bi dubu di ada, kaere bi vegu di adina. Ina bi muyenari gutuna siko dadi rae reyo, ye beika baika tau fafau bi ourena amiye.

John 1:42

Resi Iesu rofu afei boyo. Ma vesi niyo, “Ye ya bi Simon, John di mida, idu bi yi roka Cephas (ini adina bi Peter o ‘fore’) nigedi.”

Hebrew vene 12:28

Mina dada, ourefeidena amena sana moi tururu de rego mina moigifa, ye mina rofu buni tora gade manadi, ye makai kikifa ma ori dudu, Sei rofu nivakena nimana ina rofu manadi;

Moimai di vegu 2:47

Sei rofu nivakegamadi ma amiye tau vakoi ina vene rofu uka ada regamadi. Ari neinei Varika amiye yaku moi vegu rigamo vene bi yokoi yokoi ini rafuri moi dui regamo.

1 Timothy 3:15

Idu evade de bae negida vonisi, bi makai Sei di yavari gokai vegu rei mona reyagane diba nigiya; mina yava bi Sei vegu amedo di ekalesia vene, kaere bi ago rama di gado gira ma ini adina kana.

Ephesus vene 5:32

Mina sui ago bi tora iniye, ye mina ago nida bi Keriso ma ekalesia vene di.

Ephesus vene 3:10

Ye gua oma sanari amededi ourefeidena vene ma vava nufa vene yaku ekalesia vene dudu, Sei di mokena vabara bouna bouna diba niyaganedi.

Niokuna sina 21:14

Mina taoni di kota bi fore 12 fafau akuyadi; ina fafau bi Mamoe mida di nifeidena amiye 12 di roka neinei.

Moimai di vegu 8:1

Ma Saul yaku Stephen umuyeyadi mina moi rama aeyo. Stephen umuyeyadi ariri gutuna bi Jerusalem ri amegamadi ekalesia vene rofu esika esika iniye magamadi. Ekalesia vene ori resi Judea ma Samaria gagani tauri rerevaida nisi diyadi. Nifeidena vene maka ori dina de reyadi.

1 Timothy 3:5

Adina bi, amiye yokoi ini yava vene ourefeidegi toto vonisi, bi gokai kana Sei di ekalesia vene nari rego?

Galatia vene 2:9

James, Peter ma John, kaere bi tobo gado kana, Sei yaku buni tora gade na maro mina vei mama reyadiri, Barnabas ma na rofu vana tuka resi auta reyadi, una bi tutubena idana vene rofu moimai regi dada, idu ina yaku Jew vene rofu bogedi.

Matthew 18:17

Idu ina vene di ago de neidego vonisi, bi ekalesia vene nifo. Ye ekalesia vene di ago ka de neidego vonisi, bi yi mokenari ofa sei nivakedo amiye kana o fore butu rina amiye kana ya dada nigo.

Matthew 11:23

Ma ya Capernaum vene! Ya bi omari moi odoro de rego! Idu, muyena vene di amena sanari negedi! Mina mokena vegu ya ideri bi Sodom ri reyagadu vonisi, bi gua ka toga amebiyaidu!

Matthew 10:2

Ye mina nifeidena vene 12 di roka roka bi: ouresi bi Simon (ini roka yokoi bi Peter) ma ini usika Andrew; Zebedee di mida mida James ma ini dubuini John;

Niokuna sina 11:15

Kamini naivo naivo vima 7 ere yaku ini kibi fu reyori, omari goroka tora dudu raka niyadi, “Gua mina kono di ourefeidena amena sana bi uni Varika amiye ma ini Keriso di, ma ina yaku toga toga ourefeidebobigedi!”

1 Corinth vene 15:55

“Muyena, ya ebu rena di moi rama rina bi goidu? Yi esika mana di vava bi goidu?”

Matthew 4:18

Iesu Galilee moka daidai tora seriri nana digasa uba dubuisa veyo, Simon (Peter vo niyadi) ma ini usika Andrew, kaere bi koruri fate makugamadi, adina bi oyena rutu vene.

Matthew 7:24

“Mina dada amiye kaere yaku nai ago neidesi regedi, bi mokena tora amiye kaere yaku ini yava abita fore fafau akuyo kana.

Moimai di vegu 20:28

Ye ya kaya nari rei mona refo, ma mamoe tau vakoi kaere Vima kikifa yaku sena yi vanari aeyo, mina ka nari rei mona refo. Sei di ekalesia vene rofu nari rena vene nifo, adina Sei yaku ini Mida di dava dudu ina vene moisi iniye di ini riyo.