Mark 8:29 - Sei di Uka Ago Ruaka di Buka Bedakai

²⁹ Ma nikaiteyo, “Idu ya yaku nidedi na bi kaere?” Peter nikabai resi niyo, “Ya bi Keriso.”

Mark 8:29 交叉參考

1 John 4:15

Ye kaere yaku Iesu bi Sei di Mida niogau rego vonisi, bi Sei bi inasa amedo, ma ina ka Sei sa amedo.

1 John 5:1

Kaere amiye Iesu bi Keriso rofu mokena vari gira aego, bi Sei di mida kana vata niyo, ma kaere amiye yaku Baba uka mago, bi ini odiyo mida ka uka mago.

John 11:27

Ma niyo, “Yo, Varika amiye; ya bi Keriso, Sei di mida, kaere bi konori dego, mina rofu mokena vari gira aeda.”

Luke 9:20

Ma nikaiteyo, “Idu ya nidedi na bi kaere?” Ye Peter nikabai resi niyo, “Ya bi Sei di Keriso.”

Moimai di vegu 9:20

Evade usa usa yavari dui resi Iesu bi Sei di mida nirausi regi kora reyo.

John 4:42

Mina rema rofu yomakai niyadi, “Una bi mokena vari gira aeyafa, idu diya ya beika niyo dada; idu gua uniye neide mama resi diba niyafa rama iniye mina bi kono tora noibanu di moi vegu rina amiye.”

1 Peter 2:7

Mina fore bi buni vayavaya, kaere mokena vari gira aededi vene rofu di; idu kaere mokena vari gira aena de vene bi: “Yava akuna vene moi kekevata uyadi fore bi yava moi gira redo fore iniye niyo.”

John 6:69

Una bi mokena vari gira aesi una una diba ya bi Sei di amiye kikifa.”

Moimai di vegu 8:36

Ida boyadiri, bi koru sana yokoiri baesi okiyadi ma ourefeidena amiye yaku niyo, “Koru bi mini. Beika resi bi na bi babatiso de regida?”

Mark 4:11

Ina rofu niyo, “Ya bi Sei di ourefeidena amena sana di sui ago moiyadi, idu etofaro vene bi mokena ago dudu maka tau vakoi moigedi,

John 6:68

Simon Peter yaku nikabai reyo, “Varika amiye e, una bi kaere rofu digifa? Toga toga ameibobina vegu di ago bi yasa amedo.