Mark 8:12 - Sei di Uka Ago Ruaka di Buka Bedakai

¹² Ma ini vima dudu ababa nisi niyo, “Beika resi gua amededi vene yaku rebe maina rededi? Rama iniye ya nida, rebe yokoi mina vene rofu de mago.”

Mark 8:12 交叉參考

Mark 7:34

Ne odoro risi oma vesi ababa nisi niyo, “Ephphatha!” Mina bi “Ne are!”

Matthew 16:4

Vegu no resi mokena vari gira de aesi gua amededi vene yaku rebe nikaitededi; rebe yokoi de mago, idu Jonah rofu vata niyo rebe mina maka maro.” Kamini mina vene feresi boyo.

Luke 19:41

Jerusalem kaira nigasa ne rei veyori, bi iriyeduka resi isaka niyo.

Mark 9:19

Ma nikabai reyo, “Ya gua mokena vari gira de aena vene, gokaisanu ari doba yasa amegida? Meda gokaisanu yasa moimai regida? Na rofu afei baefo!”

Mark 3:5

Iesu bi gubuyo resi ina vene nene resi iriyeduka reyo, adina bi uka gira resi de neideyadi. Mina amiye rofu niyo, “Yi vana ae roto ri.” Ini vana ae roto riyori, dairi buni niyo.

Matthew 12:38

Mina usi ago gira oteimana vene ma Pharisee vene be yaku Iesu nikabai resi niyadi, “Oteimana amiye, una ura resifa ya bi una rofu rebe yokoi regiya.”

Mark 8:13

Kamini mina vene feresi dudusa bouti keu risi berou eta rofu ugasi boyo.