Mark 5:15 - Sei di Uka Ago Ruaka di Buka Bedakai

¹⁵ Iesu rofu okiyadiri, bi mina amiye veyadi, kaere bi vima no tau gade gade ini roaita ideri amegamo. Ina bi mironari amegamo roaita dogo resi mokena rorobo dudu, ma ina tau noibanu ori reyadi.

Mark 5:15 交叉參考

Matthew 12:29

“O gokai dudu amiye yokoi yaku amiye yeiva di yava dui resi ini gugura fore duma rego? Makai siko bi mina amiye yeiva ukita rigo kumo ini gugura fore duma rego.

Matthew 26:53

Ya yaku mokeisa bi nai Baba raka nigi anua reida ma naivo naivo vima tau gade gade ruda omana vene 12 kana besa nifeideyaine ma na aedegedi ba?

Matthew 4:24

Ye ini beika regamo sina bi Syria gagani torari okuyo, ye mina vene ka ini gauka reyadi vene, esika reyadi vene, yuka vana kevo vene, ini roaitari vima no nufa vene, ma ada gauka vene afei baeyadi—ma Iesu yaku moi buni riyo.

Matthew 9:33

Ma Iesu mina vima no meki reyori, mina amiye ago niyo, ma amiye tau gade tururu resi niyadi, “Israel gaganiri mina kana vegu yokoi bi sena vena de!”

Mark 5:14

Dona vana regamadi vene bi ori disi beika vata niyo taoniri ma gagani gaganiri vene rofu sina ni digamadi. Amiye bi beika vata niyo mina vegi diyadi.

Mark 5:16

Ma mina vegu veyadi vene yaku amiye nioteimaradi beika vima no nufa amiye ma dona rofu vata niyo bi.

Mark 5:18

Ma bouti odoro keu riyori, sena vima no nufa amiye bi inasa digi niguba reyo.

Mark 5:4

Uru tau gade ini yuka ma ini vana ukita reyadi, idu toga toga seini ubaki resi auri ini yukari moi fufuta regamo. Ini yeiva bi tora gade iniye, ye amiye yaku moi gira kiki rena de.

Mark 5:9

Kamini Iesu yaku nikaiteyo, “Yi roka bi beika?” Ma nikabai reyo, “Nai roka bi ‘Tau gade gade,’ adina una bi tau gade!”

Luke 10:39

Ina bi ini rasini nufa, ini roka bi Mary. Mary bi Varika amiye di yuka atafu amesi ini sina nigamo mina neidegamo.

Luke 8:27

Soka reyori, mina taoni amiye yokoi vima no nufa baeyo ma baku reyo. Ina bi senagi iniye varuka rina de digamo. Ina bi yavari amena de, idu bi amiye guri sana fore rubari amegamo.

Colossae vene 1:13

Ina yaku mukuna di vava gabireri una erufusi moi yakusi ini uka mado Mida di ourefeidena amena sana di vava gabireri una afei baeyo.

2 Timothy 1:7

Adina Sei yaku vima una maro bi ori di vima de, idu vava, uka mana ma uniye dogo rena di vima.