Mark 4:3 - Sei di Uka Ago Ruaka di Buka Bedakai

³ “Neidefo! Amiye yokoi ini yo varigi diyo.

Mark 4:3 交叉參考

James 2:5

Nai uka maida usika ourena nai ago neidefo. Sei yaku mina kono tora di irava vene mokena vari gira aenari, gugura tau kana ma ini ourefeidena amena sana di biyaguna kana bi auba reyo ba? Ye Sei yaku kaere amiye ina rofu uka madedi bi mina sana nitore reyo.

Matthew 13:26

Mina witi meto bosi rama niyadiri, oruma no ka mina fogori dadiyadi.

Niokuna sina 2:29

“Kaere anema nufa amiye bi beika Vima kikifa yaku ekalesia vene rofu nido bi neideyaine!

Niokuna sina 2:11

“Kaere anema nufa amiye bi beika Vima kikifa yaku ekalesia vene rofu nido bi neideyaine! “Ebu redo amiye bi muyena remanu ere di esika baku de rego.

Niokuna sina 2:7

“Kaere anema nufa amiye bi beika Vima kikifa yaku ekalesia vene rofu nido bi neideyaine! “Ebu redo amiye rofu toga toga ameibobina vegu mana yabo di meko irigi di vava magida. Mina bi Sei di ada rena sanari amedo.

Moimai di vegu 2:14

Kamini Peter dadisi ini nifeidena vene 11 sa are resi ago ni tora resi mina amiye tau rofu niyo, “Judea vene ma ya kaere Jerusalem ri amededi vene, nai ago nigida neidefo gua yomina vegu vededi di adina rama iniye bi beika.

Mark 4:23

Amiye neidego vonisi, bi neideyaine!”

Mark 4:14

Yo varina amiye bi Sei di ago varigamo.

Mark 4:9

Kamini niyo, “Kaere neidego, bi neideyaine!”

Matthew 13:24

Iesu yaku mokena ago yokoi dudusa nioteimaro: “Sei di ourefeidena amena sana omari bi amiye yokoi yoyava buni ini murori variyo kana.

Matthew 13:3

Kamini mokena ago dudu ago tau gade nioteimasi makai niyo: “Amiye yokoi ini yo varigi diyo.

Mark 4:2

Kamini mokena ago dudu ago tau gade nioteimasi niyo:

Mark 4:4

Ye yo moi faraka reyori, bedakai bi ida sanari yareyadi ma erena yaku okisi iri vau reyadi.