Mark 4:20 - Sei di Uka Ago Ruaka di Buka Bedakai

²⁰ Idu amiye be bi kono buniri yo yareyadi kana; ago neidesi moi gira risi rama nido; be bi 30 nido, be bi 60 nido ma be bi 100 nido.”

Mark 4:20 交叉參考

Colossae vene 1:10

Resi Varika amiye rofu nana rei mona resi ina moi ada rei vau resi vegu buni noibanu dudu, meko varesi Sei di diba ninari tora niyagane.

Luke 8:15

Idu amiye be bi kono buniri yo yareyadi kana; ago neidesi ini uka buniri moi gira ri yavoi resi toro dudu rama nidedi.

Mark 4:8

Ma be bi kono buniri yaresi meto fatesi imu resi rama niyadi. Be bi 30, be bi 60, ma be bi 100 niyadi.”

Matthew 13:23

Ma kono buniri yo yareyadi kana, bi kaere mina ago neidesi diba nigo; rama nido, be bi 100 nido, be bi 60 nido, ma be bi 30 nido.”

2 Peter 1:8

Ye mina vegu buni buni asanu regedi ma rei tora regediri, yi diba nina uni Varika amiye Iesu Keriso rofu, yeiva dudu yi moimai buni toga resi rama moigedi.

Rome vene 7:4

Kamini, nai usika ourena, ya ka Keriso di roaita dudu ago gira rofu muyeyadi, ye ya bi amiye bouna di nigedi, mina Keriso kaere bi muyena gutuna dadi rae reyo. Makai una yaku Sei rofu meko varegifa.

John 15:16

Ya na auba de reyadi, idu na yaku ya auba resi abidi reyaka, ye disi meko varegedi, ma yi meko bi toga amebigo. Makai beika baika nai roka dudu nai Baba rofu usa nigedi, bi ya mago.

1 Thessalonica vene 4:1

Usika ourena, una yaku gokai ameyaganedi, bi ago ya marafa, mina yaku Sei moi ada regedi, bi gua amededi mini. Ye metonari, bi ya usa nisi ago niegira resifa Varika amiye Iesu ideri, bi mina vegu bi besa besa rebiyagane.

Philippi vene 1:11

Ye yi veguri bi mokena rorobo butu resi vata baego; mina bi Iesu Keriso dudu baego, ini vabara ma Sei di roka moi odoro rina rofu.

Matthew 13:8

Idu be bi kono buniri yaresi rama niyadi; be bi 100, be bi 60, ma be bi 30 niyadi.

John 15:2

Ina yaku nai teteka neinei meko de moina bi moi tae rido; ma teteka neinei meko moina bi koroto redo, besa meko varego dada.