Mark 16:20 - Sei di Uka Ago Ruaka di Buka Bedakai

²⁰ Iesu di usi dina vene yaku disi gagani tauri ago buni nirausi reyadi, ma Varika amiye moimai regamo ina venesa ma ini ago rama aeyo ini rebe auta regamadiri.]

Mark 16:20 交叉參考

Moimai di vegu 14:3

Paul ma Barnabas bi mironari amei doba resi Varika amiye di ago ori de dudu nigamadi. Ina niyo ini buni tora gade di sina nigamadi bi rama ye vava maro ma mokena vegu ma rebe regamadi.

Hebrew vene 2:4

Mironari Sei ka ini ura dada rebe, mokena vegu bedakai ma beika baika Vima kikifa yaku rau reyo, mina tau dudu mina ago bi rama, mina fafau ninegau regi tanu reyo.

Rome vene 15:19

rebe ma mokena vegu di vava dudu, ma Sei di Vima di vava dudu—ye Jerusalem gutuna yavoi resi Illyricum gaganiri bosi idau Keriso di ago buni di moimai rei vau reyaka.

Moimai di vegu 5:12

Nifeidena vene yaku mokena vegu tau ma rebe tau amiye di fogori regamadi. Mokena vari gira aeyadi vene tau vakoi uka yokoi maka dudu Solomon di yorori egogo regamadi.

Moimai di vegu 4:30

Yi vava oteima kumo amiye buni niyagane ma yi naivo amiye kikifa Iesu di roka dudu rebe ma mokena vegu re.”

2 Corinth vene 6:1

Una bi vakoi Sei di moimai resifa vene, ye una yaku ya niguba resifa Sei di buni tora gade una maro, bi ga tovo ni tavoi reyaine.

Mark 16:19

Kamini Iesu Varika amiye ina vene rofu ago nioteimaro, gabi rofu bi Sei yaku omari afei boyo ma Sei di vana ramari ameyo.

Luke 1:1

Theophilus amiye tora, amiye tau tora ya beika vegu una rofu Sei yaku moi ogau riyo, bi sena bura reyadi. Mina vegu vata ni baeyo rofu, mina nifeidena vene ini ouresi ini ne yaku mina vegu veyadi, ma ina ka bi mina ago di naivo vene. Kamini ini sina niodoro reyadi, resi nidedi mini, una rofu. Mina dada, Theophilus, nai mokena bi mina sina dudusa bura rei mona regida, resi moi feidegida ya rofu, adina mina vata niyo vegu bi, sena baku rei mona reyaka, ini vata ni baeyo gutuna.

Hebrew vene 2:3

Ye moi vegu rina buni iniye gedu magifa vonisi, bi gokai ida dudu ori digifa? Varika amiye siko fafau niyo ma ini ago neideyadi vene yaku una rofu niyadi bi rama.