Mark 12:1 - Sei di Uka Ago Ruaka di Buka Bedakai

¹ Kamini mokena ago nigi kora reyo: “Amiye yokoi bi waini meko di muro varisi kota mina buru risi waini meko etei rina di kono ruba goesi ota rina vene di fata risi muro nari rena vene be ini nanaka moigika nimasi yava ika oto diyo.

Mark 12:1 交叉參考

Mark 13:34

Mina bi amiye yokoi yava ika oto dina kana: Ini yava feresi ini moimai rei tavoi rededi vene vanari aesi ina yokoi yokoi ini moimai neinei mago. Ye yava ida vena nari rego amiye maka bi nioteimago, nemoko kikigasa amego.

Mark 4:2

Kamini mokena ago dudu ago tau gade nioteimasi niyo:

Matthew 25:14

“Adina Sei di ourefeidena amena sana omari bi amiye yokoi yava ika oto dina kana, kaere bi ini moimai rei tavoi rededi vene raka nisi ini gugura nari regika maro.

Moimai di vegu 7:38

Mina bi Israel venesa gagani autu sanari egogo reyadi. Ina bi uni tutubena venesa mironari ma Sinai omuna ikari Sei di naivo naivo vima yaku sina nimarori, bi ina ka mironari Sei di vegu ago moisi una rofu gua magi dada.

Luke 19:12

Mina resi niyo, “Amiye yokoi, kaere bi varika amiye kana, dadisi gagani maike yokoiri iniye kini rigi disi dairiyo.

Luke 15:13

Meda be koina niyori, mina usika mida yaku ini gugura tau moisi ini rautu ferei dadi diyo. Gagani maike tora yokoiri disi ini fore tau ini mokena dada maku vau reyo.

Luke 8:10

Kamini niyo, “Ya bi Sei di ourefeidena amena sana di sui ago diba nigika bi ya maro, idu idana vene rofu mokena ago maka nida; ye vededi, idu vei mama de rededi; ma neidededi, idu diba de nidedi.

Matthew 21:28

“Ya beika mokededi? Amiye yokoi bi ini mida remanusa amegamadi. Ini ourena mida nesi niyo, ‘Gua nesi waini meko murori moimai re.’

Luke 22:9

Kamini nikaitesi niyadi, “Yi ura bi goinari dogo regifa?”

Matthew 13:3

Kamini mokena ago dudu ago tau gade nioteimasi makai niyo: “Amiye yokoi ini yo varigi diyo.

Matthew 21:33

“Mokena ago yokoi neidefo: Yava biyaguna amiye yokoi bi waini meko muro varisi kota mina buru risi waini meko itei rina di kono ruba goesi ota rina vene di fata risi muro nari rena vene be ini nanaka moigika nimasi yava ika oto diyo.

Matthew 21:34

Mina usi butu rena di meda okiyori, ini moimai rei tavoi rededi vene muro nari rena vene rofu nifeidesi ini waini meko butu riyadi moiyaganedi.

Mark 3:23

Ye Iesu bi amiye raka niegogo resi mokena ago nioteimagamo. Resi yomakai ago niyo, “Gokai dudu Satani yaku iniye meki rego?

Mark 11:33

Ye nikabai reyadi, “Una una toto.” Ma niyo, “Na yaku ka makai de ya nigida na bi beika vava dudu mina vegu reida bi.”