Luke 23:34 - Sei di Uka Ago Ruaka di Buka Bedakai

³⁴ Ma Iesu yaku niyo, “Baba, ini vegu no koite maku; adina bi ina toto dada makai rededi.” Ma iya rededi vene laki isira dudu ini varuka ina yokoi yokoi moiyadi.

Luke 23:34 交叉參考

Matthew 5:44

Idu ya vene rofu nida, yi tuma vene rofu uka masi kaere yaku ya esika esika magedi bi ina dada usa usa nifa,

Moimai di vegu 7:60

Ini efuka meimisi goroka tora dudu ababa nigasa niyo, “Varika amiye, mina vegu no rededi bi ini kaunava mana mokena bi ga moi!” Mina nisi muyeyo.

1 Peter 3:9

Ya rofu vegu no regori dairi, vegu no ga refa, o ya kovai nigori, dairi kovai ga nifa. Makai bi de, idu buni tora gade dairi mafa, ini adina Sei yaku mina dada ya raka niyo, ye buni tora gade magedi dada.

Rome vene 12:14

Kaere ya esika esika madedi vene rofu buni tora gade mafa—buni tora gade masi nikiraini ga refa.

1 Corinth vene 2:8

Gua ari di ourefeidena vene yokoi mina toto, adina diba niyagadu vonisi, bi vabara nufa Varika amiye satauro ikoko de reyagadu.

1 Timothy 1:13

Idu sena na bi Keriso di roka moi no risi esika esika masi nifafana regamaka. Idu Sei yaku na iriyeduka reyo, adina mokena vari gira de aena dudu, beika regamaka mina diba de niyaka.

Moimai di vegu 3:17

“Usika ourena vene, na na diba bi ya toto dada reyadi, ma yi ourefeidena vene ka toto dada reyadi.

1 Corinth vene 4:12

Uni vana dudu moimai rei gira resifa. Una kovai nidediri, bi buni tora gade masifa; esika esika una madediri, bi are rei gira resifa;

Matthew 11:25

Mina ituari, Iesu yaku niyo, “Baba, oma ma kono di Varika amiye, yi roka moi odoro rida, adina ya bi mina vegu mokena tora vene rofu moi sui risi mokena keika keika vene kaere bi mida mida kana rofu moi ogau riyo.

John 19:11

Ye nikabai reyo, “Sei ya rofu vava de maro vonisi, ya bi vava na fafau bi de. Mina dada kaere yaku yi vanari na aeyo ini vegu no bi tora iniye.”

Mark 15:24

Ma kamini satauro ikoko resi laki dudu isira reyadi kaere yaku bi ini varuka yokoi yokoi moigedi.

Matthew 11:26

Baba, yi ukari mokeyo kana, makai vata niyo.

Luke 22:42

niyo, “Baba, ya ura reisa vonisi, bi mina esika esika di biyo na rofu moi etagae rigiya. Idu, ya yaku yi beika mokeisa mina resi nai mokena dudu bi ga re.”

John 17:9

“Ina vene rofu usa usa nida. Kono vene rofu diya usa usa nida, idu kaere ya yaku na maro vene rofu, ini adina ina bi yi.

Moimai di vegu 16:28

Idu Paul yaku imuna nisi niyo, “Ya kaya esika mana ga re! Una tau vakoi bi mini!”