Luke 23:26 - Sei di Uka Ago Ruaka di Buka Bedakai

²⁶ Iya rededi vene Iesu afei bogasa Cyrene gagani amiye yokoi roka Simon, kaere bi taoni etofaro gutuna digamori, bi moi gira resi satauro ina fafauri aeyadi ma uakaigasa Iesu usi boyo.

Luke 23:26 交叉參考

Moimai di vegu 6:9

Idu amiye be bi uka yokoi maka de dudu ini beika regamo mina rofu; ina vene bi usa usa yava yokoi roka Erufuna vene, kaere bi gagani gagani roka Cyrenia, Alexandria, Cilicia ma Asia ri amededi Jew vene. Ina vene vakoi gogo resi kamini Stephen sa kayamo reyadi.

Moimai di vegu 6:6

Mina vene bi nifeidena vene rofu maradi; dada usa usa nisi mina vene vana fafau aeyadi.

Moimai di vegu 2:10

ma Phrygia ma Pamphylia, ma Egypt ma Libya gagani rautu rautu, Cyrene taoni atafu rofu vene. Ma una be bi Rome rofu vene,

Luke 14:27

Kaere amiye ini satauro de uakaisi na usi baego, bi nai usi dina amiye anua rego.

Luke 9:23

Resi ina tau noibanu rofu niyo, “Kaere amiye ini ura bi na usi digi ura rego, bi ina kaya ni de resi meda neinei ini satauro moisi na usi baeyaine.

Moimai di vegu 13:1

Antioch duburi bi Sei di ago niyadi vene be ma oteimana vene be amegamadi. Ina vene di roka bi mini: Barnabas, Simeon (ini roka nigika bi amiye gabu), Lucius (kaere bi Cyrene gagani amiye), Manaen (kaere bi gavana Herod sa moi tora reyadi) ma Saul.

Luke 23:25

Mina ruda resi amiye umuyeyo amiye, kaere bi dibura yavari aeyadi, bi kamini erufuyo, kaere bi usa nigamadi. Idu Iesu ina vene di vanari aeyo, ini mokeyadi kana reyaganedi.

Matthew 5:41

Ma amiye yokoi yaku ya ni duri duri resi kilometre yokoi bovo ya nigo vonisi, bi kilometre yokoi inasa dudusa bo.