Luke 21:36 - Sei di Uka Ago Ruaka di Buka Bedakai

³⁶ Mina dada ari neinei nari regasa usa usa nifa, ya bi yeiva moisi beika tau vata nigo mina rofu ebu regi Amiye di mida di nemokori are regedi.”

Luke 21:36 交叉參考

1 John 2:28

Ma gua nai mida mida, inasa amebifa, ye ogau nigori, una bi mokena buni moisi ini dego medari, maena dudu ina rofu de sui nigifa.

1 Peter 5:8

Ya kaya vesi nari refa; yi tuma amiye Bodaka bi lion goroka tora nido kana, dibo resi amiye iri vau regi maina redo.

Matthew 25:13

“Mina dada nari refa, adina ya ya toto mina meda o mina meda nemoko bi.

Matthew 24:42

“Mina dada toro dudu amefo, ini adina ya ya toto beika medari yi Varika amiye dego.

1 Peter 4:7

Beika tau koina nigedi meda bi negau niyo. Mina dada yuka vana nari resi yi guriguri dada yi mokena nari refa.

1 Corinth vene 16:13

Nari rei mona resi mokena vari gira aena dudu are rei gira resi ori de dudu amesi yeiva refa.

Luke 18:1

Kamini Iesu yaku mokena ago yokoi ina rofu nisi oteimasi ari neinei usa usa niyaganedi, ma kosika bi ga reyagane.

Mark 13:33

Ya vene bi nari rei mona refa! Adina ya ya toto ari metona baego bi.

Jude 1:24

Vabara ina rofu nigo, kaere yaku keto renari ya moi are rego ma ada tora gade dudu, ini vabara iniye di budari, goina bi yi no yokoi de minari ya aego.

Matthew 26:41

Nemoko kikigasa usa usa nifa kumo yi uka maina regika nivego baebu. Vima bi regi ura redo, idu roaita bi afi niyo.”

1 Thessalonica vene 5:17

usa usa toga nigasa amebifa;

Mark 13:37

Beika ya vene rofu ya nida, amiye tau rofu nigida: nemoko kikifo!”

2 Timothy 4:5

Idu ya kaya gokai beikari ma toe baegori, ini esika esika fadimagasa ago buni niogau rena amiye di moimai resi yi naivo naivo tau Sei rofu, bi rei mona re.

Colossae vene 4:2

Nari rei mona renari, buni tora gade mana dudu toga toga usa usa nibifa.

Moimai di vegu 10:2

Ina bi Sei di mokena kana regamo amiye; ina ini yava vene tausa bi Sei nivakegamadi. Vegu buni tora gade iniye Jew vene di irava vene rofu resi ari neinei Sei rofu ka usa usa nigamo.

Luke 20:35

idu kaere vene Sei yaku niyo bi buni bi muyena gutuna dadi rae resi mina meda baegori ameyaine, bi iniye iniye de megedi.

Matthew 8:20

Ma nikabai resi niyo, “Sufa auna bi ini fore ruba nufa ma erena odoro didedi bi ini buri nufa, idu Amiye di mida bi ini ada aesi raudai rena sana bi koina.”

Matthew 24:43

Idu ya ya diba nifa, yava biyaguna amiye siko diba nigo vonisi duma amiye baego meda nemoko bi, ina bi varena de rego ini yava ideri ga baeyainedi.

Matthew 24:44

Mina ye, ya ka toro dudu amefa, adina Amiye di mida bi mokena de rededi meda nemokori baego.

Luke 1:19

Ma nikabai resi niyo, “Na bi Gabriel, na bi Sei di nemokori are reida. Ya rofu na nifeideyo, mina sina buni ya nigida.

Luke 21:35

Adina mina meda bi kono tora noibanu vene tau rofu baesi ogau nigo.

2 Corinth vene 4:14

Adina una una diba Varika amiye Iesu moi dadi rae reyo amiye yaku ka Iesu sa una moi dadi rae resi ini budari una yasa afei baesi moi are rego.

Niokuna sina 6:17

adina ini gubuyo tora iniye di meda bi okiyo mini, ma kaere bi are rei gira rego?”

Niokuna sina 7:9

Mina usi amiye tau gade gade iniye veyaka; amiye yokoi yaku de nigo gokaisanu bi. Bi gagani gagani vene, rubu, amiye idana idana ma ago idana idana vene tau vanu gutuna, ye ourefeidena amena fata ma Mamoe mida di budari, are regasa varuka doba feyo akugasa vatoru iye moi gira resi

Niokuna sina 8:2

Ma Sei di budari are reyadi naivo naivo vima 7 veyaka ma kibi 7 bi maro.

Niokuna sina 11:4

Mina amiye remanu bi olive yabo remanu, ma ramefa ini amedo sana remanu mina bi kono ourefeidedo Varika amiye di budari are rededi.