Luke 20:35 - Sei di Uka Ago Ruaka di Buka Bedakai

³⁵ idu kaere vene Sei yaku niyo bi buni bi muyena gutuna dadi rae resi mina meda baegori ameyaine, bi iniye iniye de megedi.

Luke 20:35 交叉參考

2 Thessalonica vene 1:5

Mina vegu rededi yaku nido Sei di kota rena bi mokena rorobo redo, ye makai esika moi amededi dada, ini ourefeidena amena sana ideri amegedi.

John 5:29

ini guri gutuna dadi rae regediri: kaere vegu buni reyadi vene bi dadisi veguri amegedi, ma kaere vegu no reyadi vene bi dadigedi ma kota regedi.

Matthew 12:32

Ma kaere amiye yaku Amiye di mida rofu ago no nigo, ini vegu no koite makugo, idu kaere yaku Vima kikifa rofu ago no nigo, gua o meda baegediri, ka de koite makugo.

Moimai di vegu 24:15

Mina vene kana, na ka uka mokena Sei rofu moida bi yomini: amiye tau, mokena rorobo vene ma mokena vari gira de aededi venesa vakoi dadi rae regedi.

Moimai di vegu 5:41

Nifeidena vene kanisoro vene ferei yakugasa bi ada reyadi, adina bi Sei yaku ina vene rofu mokei buni resi moi odoro riyo Iesu di roka fafau maena moiyadi dada.

Luke 21:36

Mina dada ari neinei nari regasa usa usa nifa, ya bi yeiva moisi beika tau vata nigo mina rofu ebu regi Amiye di mida di nemokori are regedi.”

Niokuna sina 3:4

Idu ya Sardis vene fogori, amiye tau de bi ini varuka moi kino de riyadi, ye varuka feyo dudu nasa nana regedi, adina makai bi buni.

Hebrew vene 11:35

Rema vene di muyeyadi vene bi dudusa dadi rae reyadi ma moiyadi. Bedakai erufugika moi kekevata usi bi esika maro ma muyeyadi, ye vegu burefe rofu dudusa dadi rae regedi.

Mark 12:24

Ma nikabai reyo, “Ya forovai rededi ba, Sei di ago ma ini vava ya ya toto dada?

Matthew 22:29

Ma nikabai resi niyo, “Ya forovai rededi, Sei di ago ma ini vava ya ya toto dada.

Mark 10:42

Ma Iesu yaku raka nisi niegogo resi niyo, “Ya ya diba tutubena idana vene di ourefeidena vene, kaere vei mama rededi, yaku amiye fafau ini vava moi raga rededi; ma ini tora vene yaku ini vava dudu beika vegu rigedi, amiye ini gabireri ago gira nidedi.

Luke 16:8

“Gabi ini amiye tora yaku makai reyo mina neideyo dada, ini roka niodoro reyo, adina bi mokena buni dudu ini moimai reyo; dada mina kono vene diba mokena buni dudu ini moimai rededi, idu vabara vene ini diba bi keika bi mokena buni dudu ini moimai rededi.”