John 9:4 - Sei di Uka Ago Ruaka di Buka Bedakai

⁴ Ariu bi na nifeideyo amiye di moimai rebigifa; uru baebigo ma amiye yokoi kamini moimai de rego.

John 9:4 交叉參考

John 12:35

Ye ina vene rofu niyo, “Mina vabara bi yasa de amei doba rego. Vabara yasa amedori, diga bogasa rebifa, de bi mukuna yaku ya ebu rego baebu. Kaere mukunari diga bogasa redo amiye goinari dido bi ina toto.

Ephesus vene 5:16

Meda yasa amedediri, vegu buni rei mona rebifa, mina bi no rededi ari dada.

John 4:34

Ma niyo, “Nai iruku bi nai Baba, kaere na nifeideyo amiye, di ura resi ini moimai rei vau regida.

Galatia vene 6:10

Mina dada kafu amedori, una yaku vegu buni amiye tau gade rofu renadi ma besa uni usika ourena kana, mokena vari gira aededi vene rofu makai.

John 17:4

Na yaku konori yi roka moi odoro riyaka, adina moimai regi na maro bi mina rei vau reyaka.

Colossae vene 4:5

Mokena vabara dudu ekalesia vene de, ina fafau ya kaya ya kaya reremama rorobo resi meda yasa amedediri, vegu buni rei mona rebifa.

John 5:36

Nai niogau rena ago yaku John di ago ebu reyo. Adina vegu regi Baba na maro, mina reida ma mina niogau rededi, Baba bi na nifeideyo dada.

John 10:32

Ma Iesu niyo, “Reremama buni buni nai Baba gutuna ya oteimaraka, idu goina dada fore dudu na ugi regedi?”

John 10:37

Nai Baba di reremama de reida vonisi, bi na rofu mokena vari gira ga aefa.

Moimai di vegu 4:20

Adina bi beika vesi neideyafa mina rofu nisifa bi de feregifa.”

John 5:19

Mina resi Iesu yaku niyo, “Rama iniye ya nida: Mida yaku inike beika yokoi de rego; ini Baba yaku beika redo, mina vesi maka redo. Adina beika Baba yaku redo bi Mida ka makai redo.

John 7:33

Ye Iesu niyo, “Na yasa bi de amei doba regida; gabi kaere na nifeideyo amiye rofu dairi digida.

Matthew 20:7

Ma nikabai reyadi, ‘Yokoi yaku moimai renadi vo de una niyadi dada.’ Ina yaku niyo, ‘Ya ka bosi nai waini meko murori moimai regedi.’

Mark 3:3

Ma Iesu yaku mina vana kevo amiye rofu niyo, “Mina amiye tau di nemokori dadisi are re.”