John 8:11 - Sei di Uka Ago Ruaka di Buka Bedakai

¹¹ Ma nikabai reyo, “Varika amiye e, amiye yokoi de.” Ma niyo, “Na ka ya nifafana de reyaka; disi besa vegu no ga re.”]

John 8:11 交叉參考

John 3:17

Adina Sei yaku ini Mida konori bi kono amededi vene kota regika de nifeideyo, idu ina dudu moi vegu rigi dada.

John 5:14

Mina usi Sei nivakena yavari baku resi niyo, “Neide, ya bi buni niyo; besa vegu no ga re, de bi beika yokoi no iniye ya rofu vata nigo baebu.”

John 8:15

Ya bi amiye di mokena kana kota rededi; na bi amiye yokoi kota de reida.

Luke 15:7

Makai ya nida, omari amededi vene ada regedi, amiye yokoi maka ini vegu no feresi moi etagae riyo dada. Idu mokena rorobo vene 99 bi ini vegu no de feresi moi etagae de riyadi dada, omari amededi vene ada de regedi.

Luke 5:32

Na bi mokena rorobo vene rofu disi raka nigi de okiyaka, idu vegu no rededi vene rofu okiyaka, ina yaku ini vegu no feresi moi etagae riyaganedi.”

Rome vene 2:4

Sei yaku ini uka buni dudu vegu no feresi moi etagae rigi ya ourefeideyaine; ye ya diba nisa ba ide? O ya bi ini uka buni vayavaya, tua rena ma toro rena rofu mokei itu reisa ba?

Luke 13:3

Ide iniye! Idu ya nida, ya vene yi vegu no de feresi moi etagae rigedi, bi ya tau noibanu makai muyegedi.

Luke 15:10

Mina ida kana dudu ya nida, Sei di naivo naivo vima bi ada regedi amiye yokoi maka ini vegu no feresi moi etagae rido dada.”

John 18:36

Ye niyo, “Nai ourefeidena amena sana bi diya mina konori di. Mina kono di vonisi, bi nai naivo naivo vene yaku ruda reyagadu, ye Jew vene na de moiyagadu. Idu nai ourefeidena amena sana bi diya mina kono di!”

Luke 15:32

Idu buni bi ada resi irakuna renadi, adina yi dubuini bi muyeyo, idu gua bi vegu niyo; disi forovai reyo, idu, gua baku reyafa.’ ”

Luke 13:5

Ide iniye! Idu ya nida ya vene yi vegu no de feresi moi etagae rigedi, bi ya tau noibanu makai muyegedi.”

2 Peter 3:15

Uni Varika amiye di kiya kiya tua rena amiye rofu vegu moi vegu rina kana vefa. Adina uni uka masifa dubuini Paul yaku ka ya rofu bura reyo, Sei yaku mokena tora maro kana.

1 Corinth vene 5:12

Adina na bi beika resi etofaro vene moi kota regida? Ya bi ekalesia vene di fogori vene moi kota reyaganedi.

Luke 9:56

Kamini rautu yokoiri boi neyadi.