John 6:9 - Sei di Uka Ago Ruaka di Buka Bedakai

⁹ “Mida keika yokoi minari bi barley beredi 5 ma oyena remanu nufa, idu mina bi una egere de nigo, amiye bi tau gade gade dada.”

John 6:9 交叉參考

Luke 9:13

Idu ina rofu niyo, “Ya yaku iruku mafo kumo iriyaganedi.” Idu nikabai resi niyadi, “Una bi beredi 5 ma oyena remanu maka. Yi mokenari bi mina amiye tau di iruku voi regifa ba?”

Mark 6:38

Ma ina yaku niyo, “Beredi gokaisanu? Disi vefa.” Ye baku resi niyadi, “Beredi 5 ma oyena remanu mini.”

Matthew 14:17

Idu nikabai reyadi, “Unasa bi beredi 5 ma oyena remanu maka.”

Matthew 16:9

Ya bi toga veifatededi ba ide? Ya bi mokededi ba ide, mina beredi bado 5 mina vene 5,000 rofu, ma foroka gokaisanu moi vata baeyadi?

Mark 8:19

Amiye 5,000 dada beredi 5 odeyakari, tuta moisi bi foroka gokaisanu moi vata baeyadi?” Ma niyadi, “12.”

2 Corinth vene 8:9

Adina uni Varika amiye Iesu Keriso di buni tora gade bi ya ya diba, gokai ina bi tau gade nufa, idu ya vene dada doke doke ma niyo, ye ya bi ini doke doke ida dudu makai, bi tau gade nufa nibiyagane.

Niokuna sina 6:6

Ma vegu amededi vibani di fogori, beika yokoi goroka kana niyo ma neideyaka, “Amiye bi meda yokoi makari, moimai rena di davana fore dudu, kilogramme afona kana witi, ba kilogramme yokoi ini afonasa kana barley voi rego; idu olive yabo di meko diga ma waini bi moi no ga reyaine!”

John 11:32

Ye Mary yaku Iesu ameyo sanari nesi vegasa ini yuka adinari raudai resi niyo, “Varika amiye e, ya minari ameyagadu vonisi, nai tobaini bi de muyeyagadu!”

John 11:21

Ye Martha niyo, “Varika amiye e, ya minari ameyagadu vonisi, nai tobaini bi muyena de reyagadu!

John 6:7

Philip yaku nikabai reyo, “Siriva fore 200 dudu beredi voi regifa vonisi, bi keika maka moigedi ka egere de nigo.”

John 6:11

Mina dada beredi moisi Sei rofu buni tora gade masi konori ameinu regamadi vene yokoi yokoi rofu rau reyo. Oyena ka makai reyo, ina ura reyadi kana.

John 21:9

Ye rou rigasa bi minari ita guruma oyena fafau ma beredi be veyadi.

John 21:10

Ma Iesu yaku niyo, “Oyena be na mafa ruika moiyadi mini.”

John 21:13

Ye boi nesi beredi moisi maro ma oyena ka makai reyo.