John 5:5 - Sei di Uka Ago Ruaka di Buka Bedakai

⁵ Mironari bi amiye yokoi kaere bi lagani 38 gauka reyo.

John 5:5 交叉參考

Moimai di vegu 3:2

Amiye yokoi yuka no vata niyo bi uakaiyadi. Ari neinei Sei nivakena yava di ida vena roka “buni iniye” atafuri moi bosi dui rei bogamadi vene rofu fore usa usa nigi aegamadi.

Luke 8:43

Rema yokoi bi lagani 12 rema di gauka guraugamo. Ini fore tau gade gauka dogo vene rofu makuyo, idu yokoi yaku moi buni de riyo.

Mark 9:21

Iesu yaku mina mida di baba nikaiteyo, “Gokaisanu meda mina gauka baku reyo?” Ma nikabai reyo, “Ina mida kakuari gutuna.

Moimai di vegu 14:8

Lystra taoniri bi yuka no amiye yokoi amegamo, kaere bi vata nisi yuka no niyo. Ina ka bi nana de regamo.

Luke 13:16

Mina rema bi Abraham di tutubena, kaere bi Satani yaku lagani 18 moi gira regamo; Sabati medari de erufugiya, ba?”

Moimai di vegu 9:33

Mironari bi amiye yokoi ini roka bi Aeneas baku reyo. Mina amiye bi dibo anua amiye lagani 8 ekamari maka varegamo.

John 9:1

Iesu bogasa ne taufa vata niyo amiye veyo

John 5:14

Mina usi Sei nivakena yavari baku resi niyo, “Neide, ya bi buni niyo; besa vegu no ga re, de bi beika yokoi no iniye ya rofu vata nigo baebu.”

Moimai di vegu 4:22

Mina amiye, kaere bi mina moi buni riyo rebe ina fafau reyo, di lagani bi 40 ebu reyo.

John 9:21

Idu gua ini nemoko gokai dudu nene redo o kaere yaku ini nemoko moi buni riyo bi una toto. Nikaitefa; ina bi amiye tora niyo. Ina kaya ya nioteimaraine!”

John 5:6

Iesu yaku mina amiye varegamo vegasa diba niyo ina bi ari doba tora makai varegamo. Ye nikaiteyo, “Ya ura reisa buni nigiya ba?”