John 5:18 - Sei di Uka Ago Ruaka di Buka Bedakai

¹⁸ Jew vene bi besa umuyegika maina regamadi mina ago dada, adina Sabati meda di ago gira ukero vau reyo maka de, idu ka nigamo Sei bi ini Baba ma mina ago yaku ina bi Sei sa moi yokoi maka riyo.

John 5:18 交叉參考

John 10:33

Ma nikabai reyadi, “Una bi mina reremama buni reyo dada fore dudu de ya ugi resifa, idu Sei di roka moi no riyo dada! Adina ya bi amiye maka, idu ya kaya moi Sei vo nisa dada!”

John 10:30

Nai Baba nasa bi yokoi maka.”

John 19:7

Jew vene nikabai reyadi, “Una bi ago gira nufa ma mirona ago gira dada bi muyeyaine, ina kaya moi Sei di mida niyo dada.”

John 8:58

Ma nikabai reyo, “Rama iniye ya nida, Abraham vata nina koderi, ‘Na bi’.”

John 14:23

Ma nikabai reyo, “Amiye yokoi na uka mado vonisi, bi nai ago neidego ma nai Baba yaku uka mago, ma ina rofu desi uni amena sana inasa rigifa.

John 5:23

ye amiye tau gade ini Mida kikifa regedi, Baba rofu rededi kana. Amiye kaere ini Mida kikifa de redo, bi Baba kaere nifeideyo ina ka kikifa de redo.

Philippi vene 2:6

kaere bi Sei kana ini vava nufa, idu bi Sei sa gogo nina yokoi maka kana, mokena moigi de mokeyo.

Niokuna sina 22:3

Beika baika tau Sei yaku kiraini niyo bi koina nigo. Idu taoni ideri, bi Sei ma Mamoe mida di ourefeidena amena fata mini ma ini moimai rei tavoi rededi vene nivakegedi.

Niokuna sina 22:1

Mina usi Sei di naivo vima yaku vegu amena di koru na oteimaro; bi neva dabu dabu garasi rama guta kana ma Sei ma Mamoe mida di ourefeidena amena fata gutuna iyana reyo.

John 8:54

Kamini nikabai reyo, “Na kaya nai roka moi odoro rigida vonisi, bi de iniye iniye. Nai roka moi odoro rido amiye bi nai Baba, kaere bi yi Sei vo nidedi mini.

John 7:19

Moses yaku ago gira ya maro ba? Idu ya yokoi yaku mina ago gira de neidedo. Beika resi ya na umuyegika na maina rededi?”

John 7:1

Mina usi Iesu Galilee ri diga boga regamo. Judea gagani rofu nena bi ura de reyo, adina Jew vene yaku umuyegika maina regamadi.

John 5:16

Mina resi Jew vene yaku Iesu esika esika maradi, bi Sabati medari mina vegu reyo dada.

John 14:9

Ma nikabai reyo: “Philip, yasa ari doba amei baegamaka idu toga na toto ba? Kaere na veyo amiye bi nai Baba ka veyo. Gokai resi nisa, ‘Baba una oteima’?

Matthew 12:5

O ya bi bura de veyadi ago gira di bukari ye Sabati medari Sei nivakena yavari Sei ma amiye utari naivo vene yaku mina meda di ago gira bi ukero vau rededi idu vegu no yokoi de nufa?

John 1:19

Ye Jew vene di ourefeidena vene yaku Sei ma amiye utari naivo vene ma Levi rubu di vene be Jerusalem gutuna nifeideyadi, ma John Baptist nikaiteyadi, “Ya bi kaere?”

John 5:15

Kamini mina amiye disi Jew vene nioteimaro ina bi Iesu kaere yaku moi buni riyo.

John 5:17

Idu ina vene rofu niyo, “Nai Baba bi gua toga mina medari mamo moimai redo, ma na ka moimai reida.”