John 3:8 - Sei di Uka Ago Ruaka di Buka Bedakai

⁸ Aura yaku yomina eta ma yomirona eta rofu fu resi kukuroka nido ma neideisa, idu ya ya toto goina esona gutuna baedo ma goina dakai dido bi. Ye mina bi amiye tau noibanu Vima dudu vata nina bi makai.”

John 3:8 交叉參考

1 Corinth vene 2:11

Adina amiye di vima ini ideri amedo, ina maka iniye ini mokena diba. Ye makai Sei di Vima yaku maka Sei di mokena diba nido.

Moimai di vegu 2:2

Kamini minari maka oma odorori kukuroka yokoi aura tora baedo kana bi baesi ini amegamadi yava noibanuri vata baeyo.

1 John 2:29

Ya ya diba bi mokena rorobo amiye vonisi, mina resi diba nigedi, kaere amiye mokena rorobo rebigo bi Sei di mida kana vata niyo.

Moimai di vegu 4:31

Usa usa koina niyadiri, bi egogo reyadi sana mina yaga reyo. Vima kikifa yaku ina tau vakoi di uka vata baeyo ma Sei di sina bi ori de dudu kamini nigi kora regamadi.

1 Corinth vene 12:11

Ye mina beika baika tau vakoi bi mina Vima yokoi maka dudu vata nidedi, kaere yaku ina ura redo dada, amiye neinei rofu mado.

John 1:13

Sei di mida mida niyadi, una vata nisifa kana de, ma baba ura redo vata nigedi kana de, idu Sei iniye rofu vata niyadi.

John 3:7

Tururu ga refa mina ago ya nidari, ‘Ya dudusa dairisi vata niyagane.’

John 3:9

Ma dudusa nikaiteyo, “Mina bi gokai makai?”