John 2:1 - Sei di Uka Ago Ruaka di Buka Bedakai

¹ Meda regodenu koina niyori, bi mena irakuna yokoi Cana, Galilee gaganiri. Ma Iesu ini nono ka mironari boyadi

John 2:1 交叉參考

John 4:46

Ye dudusa Cana taoni Galilee gaganiri dairiyo; minari bi sena koru moi kero resi waini riyo. Ma mironari Capernaum ri bi ourefeidena amiye yokoi kaere ini mida gauka varegamo.

John 21:2

Minari bi Simon Peter, Thomas (ini roka ka bi Kakafasina), Nathanael (Cana Galilee amiye), Zebedee di mida ma ini usi dina vene remanu.

John 1:43

Ari uveyori Iesu Galilee bogika mokeyo. Philip baku resi niyo, “Na usi bae!”

Matthew 12:46

Ye amiye tau gade rofu ago niyori, ini nono ma ini dubuiyaka baesi etofaro are resi bi inasa ago nigedi ura reyadi.

John 1:29

Ari uveyori John yaku Iesu ina rofu baedo ma vesi niyo, “Sei di Mamoe mida mini, kaere yaku kono tora noibanu vene di vegu no erufudo!

Hebrew vene 13:4

Amiye tau noibanu yaku mena vegu emagui rebi; ma rema maruka di ekama moi kino ga reyaganedi, ini adina Sei yaku mena de vene ma mena vene koa regediri moi kota aego.

John 1:35

Ari uveyori John bi mironari ini usi dina amiye remanusa dudusa are regamadiri,

John 2:11

Mina bi ini ouresi mokena vegu, Cana Galilee gaganiri reyo; mironari ini vabara moi ogau riyo ma ini usi dina vene ina rofu mokena vari gira aeyadi.