John 18:3 - Sei di Uka Ago Ruaka di Buka Bedakai

³ Kamini bi iya vene tau, Sei ma amiye utari naivo vene di varika vene, ma Pharisee vene di naivo vene bedakai afesi baeyadi; bi ramefa, keroko, ma ora mari moisi mironari boyadi.

John 18:3 交叉參考

John 18:12

Mina usi iya rededi vene tau ma ini ourefeidena amiye, ma Jew vene di naivo vene yaku Iesu moi gira resi ini vana misi

Moimai di vegu 1:16

“Usika ourena vene, Sei di agori beika bura reyadi mina rama niyo bi Vima kikifa yaku David di venari Judas rofu niyo kana: Ina yaku Iesu moi gira reyadi vene moi ourefeideyo.

John 13:2

Uriyenau iruku irina koderi, Bodaka yaku Judas Iscariot, Simon di mida, di mokenari Iesu siri regi sena aeyo.

Matthew 25:1

“Kamini Sei di ourefeidena amena sana omari bi rema ofi 10 kaere bi ini keroko moisi rema mego amiye baku regika neyadi mina kana.

John 7:32

Amiye tau gade yaku Iesu rofu mumugu nigamadi ma Pharisee vene mina ago neideyadi, ye Sei ma amiye utari naivo vene di varika venesa iya rededi vene nifeideyadi moi gira reyaganedi.

John 18:18

Itu reyo dada, moimai rei tavoi rededi vene ma naivo naivo vene ita orisi are rei buru risi ita imigamadi. Ma Peter ka vava regika ina venesa are regamo.

John 18:22

Mina niyori, nari redo amiye yokoi kaere minari are regamo bi ini ne vana dudu famasi niyo, “Ya yaku makai kana Sei ma amiye utari naivo amiye tora nikabai reisa ba?”

John 19:6

Mina dada Sei ma amiye utari naivo vene di varika vene ma naivo naivo vene vegasa imuna niyadi, “Satauro ikoko re, satauro ikoko re!” Idu Pilate yaku niyo, “Ya kaya moisi satauro ikoko refa; na bi vegu no yokoi ini ideri baku de reyaka dada.”

Moimai di vegu 10:1

Amiye yokoi di roka bi Cornelius kaere bi Caesarea ri amegamo. Ina bi iya rededi vene 100 di ourefeidena amiye yokoi Rome vene di rafu tora yokoi roka, “Italy vene di iya rafu.”