John 17:4 - Sei di Uka Ago Ruaka di Buka Bedakai

⁴ Na yaku konori yi roka moi odoro riyaka, adina moimai regi na maro bi mina rei vau reyaka.

John 17:4 交叉參考

Luke 22:37

Makai ya nida bi Sei di ago ideri beika bura reyadi mina baesi vata niyainedi. Bi yomakai bura reyo, ‘Ina bi vegu no rededi venesa nikake reyadi,’ adina beika na dada bura reyadi bi baesi rama aego.”

John 12:28

Baba, yi roka moi odoro ri!” Ma goroka yokoi omari gutuna deyo, “Sena nai roka moi odoro riyaka, ma dudusa regida.”

John 14:13

Beika nai roka dudu usa usa nigedi bi regida, makai dudu na, ini Mida, yaku nai Baba di roka moi odoro rigida.

John 14:31

idu nai Baba ago gira na maro kana reida, ye kono tora noibanu di vene bi diba niyaganedi nai Baba uka maida. “Dadisi mina sana feresi dinadi.

John 15:10

Nai ago gira neidegedi vonisi, nai uka manari amegedi, nai Baba di ago gira neideyaka ma ini uka manari ameida kana.

John 19:28

Gabi mamo tau vakoi rei vau reyadi diba niyo, ye Sei di ago moi rama aeyaine dada, “Na bi koru vaiyaka,” vo niyo.

John 19:30

Waini viniga moigasa niyo, “Kamini koina niyo!” Mina nisi kuri agu risi ini vima maro.

John 4:34

Ma niyo, “Nai iruku bi nai Baba, kaere na nifeideyo amiye, di ura resi ini moimai rei vau regida.

John 5:36

Nai niogau rena ago yaku John di ago ebu reyo. Adina vegu regi Baba na maro, mina reida ma mina niogau rededi, Baba bi na nifeideyo dada.

John 9:3

Ma nikabai reyo, “Diya mina amiye o ini nono baba vegu no reyadi dada, idu Sei di reremama rena ina fafau vei mama riyaganedi dada.

Moimai di vegu 20:24

Ye na kaya nai vegu bi beika rama mokei tora ide regida. Nai ura bi nai raga reida di moimai, Iesu Varika amiye yaku na maro, mina maka moi koina regida. Mina bi Sei ini buni tora gade di ago buni niokuna.

2 Timothy 4:7

Na bi ruda buni ruda reyaka moi koina resi toga mokena vari gira aegamaka.