John 13:2 - Sei di Uka Ago Ruaka di Buka Bedakai

² Uriyenau iruku irina koderi, Bodaka yaku Judas Iscariot, Simon di mida, di mokenari Iesu siri regi sena aeyo.

John 13:2 交叉參考

Moimai di vegu 5:3

Kamini Peter yaku ina rofu niyo, “Ananias, yi kono sero regasa fore be bi moi gira reyo. Beika resi Satani fereyo ma baesi yi uka vata baeyo ma Vima kikifa rofu ofa niyo?

Niokuna sina 17:17

Adina Sei yaku ini nirorotari regi mokena ini uka meko ideri aeyo, ye mokena yokoi maka dudu, makai resi ini ourefeidena vava mina tuma dona nadina maragane bogo Sei di ago moi rama aego mamo.

Ephesus vene 2:3

Ari yokoiri ina vene di fogori, una tau vakoi uni roaita di udu dada, amesi roaita ma mokena di ura usi digamadi, bi amiye tau noibanu kana Sei di gubuyo iniye bi moigedi.

2 Corinth vene 8:16

Idu Sei rofu buni tora gade maida, kaere bi ya vene ya mokeida kana, Titus di ukari ka mina kana mokena aeyo!

Luke 22:31

Kamini Iesu yaku Peter rofu niyo, “Simon, na neide! Satani yaku Sei rofu usa niyo, yi uka maina regika nivego, ini mokena yaku yi uka mokena gira moi yaregedi, vo niyo.

Luke 22:3

Minari bi Satani yaku Judas, kaere bi roka Iscariot vo nigamadi, di ukari dui reyo. Ina ka bi Iesu di usi dina amiye 12 yokoi.

John 13:4

Resi iruku iriyadi utari dadisi ini fafau varuka erufusi tauwera ini gagabari iru riyo.

Matthew 10:4

Simon kaere bi zealot amiye yokoi ma Judas Iscariot kaere bi Iesu siri reyo.

John 13:11

(Adina bi sena diba niyo kaere yaku siri rego; mina dada niyo, “Ya tau vakoi bi ruaka de.”)