John 1:44 - Sei di Uka Ago Ruaka di Buka Bedakai

⁴⁴ (Philip bi Bethsaida taoni amiye, Peter ma Andrew yaku amededi taoni.)

John 1:44 交叉參考

John 12:21

Ye Philip, kaere bi Bethsaida rofu Galilee amiye, ina rofu baesi niyadi, “Amiye tora, una ura Iesu vegi resifa.”

Matthew 11:21

“Chorazin vene ya rofu bi iriyeduka iniye ma Bethsaida vene ya rofu ka bi iriyeduka iniye! Adina bi, senagi mokena vegu ya vene rofu reyaka kana mina Tyre taoni ma Sidon taoniri reyagadu vonisi, bi mirona vene bi senagi guruo amena kana varuka akusi udo ini roaita ifi rei boga degasa reyaidu, mina yaku oteimaragadu ina bi ini vegu no feresi moi etagae riyadi!

Luke 10:13

“Chorazin vene ya rofu bi iriyeduka iniye, ma Bethsaida vene ya rofu ka bi iriyeduka iniye! Adina bi, mokena vegu ya vene rofu reyaka kana, mina Tyre taoni ma Sidon taoniri reyagadu vonisi, bi mirona vene bi senagi guruo amena kana varuka akusi udo ini roaita ifi rei boga degasa reyaidu, mina yaku oteimaragadu, ina bi ini vegu no feresi moi etagae riyadi!

Luke 9:10

Kamini ini nifeidena vene dairisi ini beika tau reyadi kana, mina nigamadi. Ma inasa taoni roka Bethsaida ri sui dudu boyadi.

Mark 8:22

Bethsaida taoniri okiyadiri, amiye yaku ne taufa amiye yokoi afei okisi Iesu guyaguya niyadi, ina yaku avaka moiyainedi.

Mark 6:45

Ye amiye tau gade nifeidegasa evade ini usi dina vene rofu ago maro bi bouti keu risi ina siko Bethsaida ri moka daidai tora berou eta rofu boyaganedi.

Mark 3:18

ma Andrew, Philip, Bartholomew, Matthew, Thomas, ma Alphaeus di mida James, ma Thaddaeus, ma Simon, kaere bi zealot di amiye yokoi.

Matthew 10:3

Philip ma Bartholomew; Thomas ma Matthew, fore butu rena amiye; Alphaeus di mida James, ma Thaddaeus;

Moimai di vegu 1:13

Jerusalem ri dui reyadiri, bi ini amededi daiyuturi boyadi. Mina bi Peter, John, James, Andrew, Philip, Thomas, Bartholomew, Matthew, Alphaeus di mida James, zealot amiye Simon, ma James di mida Judas.

Luke 6:14

Simon (Iesu ini roka maro bi Peter) ma ini usika Andrew; James ma John, Philip ma Bartholomew,

John 1:43

Ari uveyori Iesu Galilee bogika mokeyo. Philip baku resi niyo, “Na usi bae!”

John 1:45

Philip yaku Nathanael baku resi niyo, “Una bi Moses yaku ago girari ma Sei di ago niyadi vene ka bura reyadi dada di amiye baku reyafa. Ina bi Iesu Nazareth amiye, Joseph di mida.”

John 1:46

Ye Nathanael yaku niyo, “Beika buni Nazareth gutuna baego?” Ma nikabai reyo, “Baesi ve.”

John 1:48

Ma nikaiteyo, “Gokai ida dudu na vei mama reyo?” Ma nikabai reyo, “Philip ya raka nina koderi, ya bi fuka yabo gabireri na bi sena ya veyaka.”

John 6:5

Iesu yaku ini ne moi odoro resi amiye tau gade gade ina rofu baegamadi vegasa Philip rofu nikaiteyo, “Una bi goidu beredi voi regifa mina amiye yaku iriyaganedi?”

John 6:7

Philip yaku nikabai reyo, “Siriva fore 200 dudu beredi voi regifa vonisi, bi keika maka moigedi ka egere de nigo.”

John 12:22

Philip nesi Andrew nioteimaro, ma vakoi Iesu rofu nesi nioteimaradi.