John 1:14 - Sei di Uka Ago Ruaka di Buka Bedakai

¹⁴ Ma mina Ago bi amiye iniye nisi uni fogori amegamo. Ini vabara bi veyafa; mina vabara bi Baba rofu ini Mida yokoi maka fafau deyo kana, ma ini Baba bi buni tora gade ma rama iniye yaku vata baeyo.

John 1:14 交叉參考

1 John 4:9

Mina bi gokai uni fogori Sei yaku ini uka mana una oteimaro: ini Mida yokoi maka mina kono tora noibanuri nifeidei deyo, ye ina dudu vegu amegifa.

1 Timothy 3:16

Ye Sei di sui ago bi tora yo nisifa: Amiye di roaita dudu ogau niyo, ma Vima yaku ina bi rama mina nioteimaro, ma Sei di naivo naivo vima yaku veyadi. Gagani gagani di vene di fogori ago nirausi reyadi, ma kono tora noibanu vene mokena vari gira ina rofu aeyadi, ma vabara dudu omari afei boyo.

John 1:1

Senagi beika baika rina koderi, Ago bi sena amegamo; mina Ago bi Sei sa, ma mina Ago bi Sei.

Galatia vene 4:4

Idu ini meda rama okiyori, Sei yaku ini Mida nifeideyo, kaere bi rema di rivori vata niyo; mina rema bi ago gira gabireri amegamo.

Hebrew vene 1:3

Ina yaku Sei di vabara kikisi Sei iniye ogau nisi ini ago vava dudu beika baika tau vakoi moi gira redo. Uni vegu no koitesi bi omari Odoro iniye amiye di vana rama eta rofu ameinu reyo.

John 6:51

Na bi mina omari gutuna deyo vegu amedo beredi. Amiye yokoi yaku mina beredi irigo vonisi, bi toga toga ameibobigo. Ma kono tora noibanu di vene di vegu rofu magida beredi bi nai roaita.”

Colossae vene 1:19

Adina Sei ini Mida ideri, iniye kana vata bae vau resi amedo vegasa ada regamo.

1 Corinth vene 15:47

Ouresi amiye bi kono gutuna baeyo, budoka dudu riyo; gabi amiye bi oma gutuna deyo.

Rome vene 8:3

Ini adina, ago gira beika anua regi regamo, roaita di ura yaku moi yau riyo dada, Sei yaku mina reyo. Ini Mida vegu no di roaita kana, ma vegu no rofu konori nifeidesi vegu no roaitari nifafana reyo.

1 John 4:14

Ma vesi niogau reyafa, Baba yaku kono tora noibanu di vene di moi vegu rina amiye nigi ini Mida nifeideyo.

Colossae vene 2:9

Adina Keriso di roaita ideri, Sei di vegu noibanu vata baesi amedo.

2 John 1:7

Adina eru rededi vene tau bi kono tora noibanuri diyadi, kaere Iesu Keriso bi amiye roaita kana nisi soka reyo, mina niogau de rededi. Mina kana amiye bi eru redo amiye ma Keriso di tuma amiye.

Niokuna sina 21:3

Kamini ourefeidena amena fata gutuna goroka tora niyo ma neideyaka. Niyo: “Aiyo, Sei di amena sana bi amiyesa. Ina venesa amebigo ma ina bi ini vene. Sei iniye bi ina venesa ini Sei kana amebigo.

Hebrew vene 5:5

Ye Keriso ka, Sei ma amiye utari naivo amiye tora nigi bi inaike kikifa de reyo, idu abidi reyo amiye yaku ina rofu yomakai niyo: “Ya bi nai Mida; na bi gua yi Baba niyaka.”

Hebrew vene 10:5

Mina resi, Keriso konori digasa yomakai niyo: “Ya bi ori sisika rena ma aira mana ura de reyo, idu ya yaku roaita yokoi na rofu dogo reyo.

John 11:40

Ma niyo, “Na sena ya niyaka mokena vari gira aeyagadu vonisi, bi Sei di vabara veyaidu.”

John 3:16

Adina Sei yaku konori amededi vene besa uka maro, ye ini Mida yokoi maka maro, ye kaere ina rofu mokena vari gira aego, bi de muyego idu toga toga ameibobina vegu baku rego dada.

John 2:11

Mina bi ini ouresi mokena vegu, Cana Galilee gaganiri reyo; mironari ini vabara moi ogau riyo ma ini usi dina vene ina rofu mokena vari gira aeyadi.

John 14:6

Ma nikabai reyo, “Na bi ida, ma ago rama, ma vegu. Amiye yokoi nai Baba rofu de bogo, idu na dudu maka.

Hebrew vene 1:5

Adina Sei yaku ini naivo naivo vima bedakai rofu toga de niyo: “Ya bi nai Mida; na bi gua yi Baba niyaka.” O dudusa de niyo, “Na bi ini Baba nigida, ma ina bi nai Mida nigo.”

John 14:9

Ma nikabai reyo: “Philip, yasa ari doba amei baegamaka idu toga na toto ba? Kaere na veyo amiye bi nai Baba ka veyo. Gokai resi nisa, ‘Baba una oteima’?

Luke 9:32

Peter ini asiyakasa bi varei muyeyadi. Varena dudu dadisi ne regasa Iesu di vabara ma inasa are regamadi amiye remanu veyadi.

John 17:22

Vabara na maro, mina ina rofu maraka, mina dada bae yokoi maka niyaganedi, una bi yokoi maka kana:

John 3:18

Kaere ina rofu mokena vari gira aedo bi kota de rego, idu kaere yaku mokena vari gira de aedo bi sena kota reyo, adina bi Sei di mida yokoi maka di roka rofu mokena vari gira de aeyo.

Luke 2:11

Adina gua mina mida, David di taoniri, ya vene di Moi vegu rina amiye sena vata niyo. Mina bi Keriso Varika amiye!

Hebrew vene 2:11

Adina moi kikifa riyo amiye ma kaere moi kikifa riyo ina tau vakoi bi Baba yokoi maka di. Mina resi usika ourena vo nina maena de resi

2 Corinth vene 12:9

Idu na rofu niyo: “Nai buni tora gade ya rofu bi kaini, ini adina nai vava bi roaita di yau ninari moi rorobo rido.” Mina dada, nai roaita di yau nina fafau besa ada tora dudu ni-ika regida, ye Keriso di vava na fafau ameyaine dada.

Matthew 1:16

Jacob bi Joseph di baba, Mary di maruka ina rofu Iesu vata niyo kaere roka niyadi bi Keriso.

Colossae vene 2:3

ma mokena vabara ma diba nina di gugura buni tau noibanu bi ini ideri moi sui rido.

Ephesus vene 3:8

Na bi Sei di vene tau noibanuri egona iniye, idu mina buni tora gade na maro. Ye Keriso rofu maina de rena buni tau tora, mina di ago buni tutubena idana vene rofu niokugida.

Rome vene 9:5

Ini tutubena bi roka tora nufa vene, ma Keriso ina vene rofu vata niyo, kaere bi beika baika tau noibanu odoro di Sei ma toga toga buni tora gade mado! Rama.

Luke 2:7

Mary yaku ini ourena rumana mida odisi varuka dudu kumu risi, kamini boromakau di iruku iridedi mauari moi aeyo, adina bi oto vene di amena varena yava bi vata baeyo.

Moimai di vegu 13:33

bi una rofu moi rama reyo, kaere bi ina vene di tutubena vene. Iesu moi dadiyo resi moi vegu riyo. Psalms remanu ereri bura reyo kana: ‘Ya bi nai Mida; na bi gua yi Baba niyaka.’

John 8:32

ago rama diba nigedi ma ago rama yaku ya erufugo.”

John 17:24

“Baba, na ura reida kaere na maro vene, bi goidu ameida sanari nasa ka amegedi, ye vabara na maro veibiyaganedi, senagi kono rina koderi na uka maro dada.

John 18:37

Mina dada Pilate yaku nikaiteyo, “Makai bi, ya bi kini ba?” Ma nikabai reyo, “Ya nisa na bi kini. Na vata nisi mina konori okiyaka bi mina rofu, ago rama rofu niogau regika dada. Kaere bi ago rama di, bi nai ago neidego.”

Niokuna sina 19:13

Ini akuyo varuka doba bi davari biriyo. Ini roka bi “Sei di ago,” vo nido.