2 Peter 1:21 - Sei di Uka Ago Ruaka di Buka Bedakai

²¹ Adina Sei di ago niogau rena yokoi de, bi toga amiye di mokenari gutuna de baeyo, idu amiye bi Vima kikifa di vava gabireri Sei di ago nigamadi.

2 Peter 1:21 交叉參考

1 Peter 1:11

Ina vene bi maina regamadi goina medari vata nigo ma gokai kana dudu ogau nigo. Mina bi meda Keriso di vima, kaere ina vene dudu yaku ninegau reyo; niyadi Keriso bi esika esika moigo, ma gabi bi ini vabara ogau nigo.

Luke 1:70

Sei di ago niyadi vene kikifa yaku mina amiye fafau senagi senagi niyadi,

Moimai di vegu 1:16

“Usika ourena vene, Sei di agori beika bura reyadi mina rama niyo bi Vima kikifa yaku David di venari Judas rofu niyo kana: Ina yaku Iesu moi gira reyadi vene moi ourefeideyo.

Hebrew vene 10:15

Kamini Vima kikifa ka una rofu ninegau redo; ouresi yomakai niyo:

Moimai di vegu 3:18

Sei yaku senagi ini ago nidedi vene di vena dudu niyo bi, Keriso esika esika moigo, ye mina ago bi baesi rama aeyo mini.

Mark 12:36

David iniye Vima kikifa di vava dudu niyo: ‘Varika amiye yaku nai Varika amiye rofu niyo: Nai vana rama eta rofu ameinu re bogo na yaku yi tuma vene yi yuka aena sana kana rigida mamo.’

Niokuna sina 19:10

Ma nivakegi ini yukari yarei neyaka, idu na rofu niyo, “Makai ga re! Na bi ya ma yi usika ourena, kaere Iesu di niokuna ago moi gira ridedi, yasa naivo amiye yokoi. Sei rofu nivake.” Adina Iesu yaku ini niokuna ago, bi ini Vima dudu Sei di ago nidedi vene rofu mado.

Hebrew vene 3:7

Mina dada Vima kikifa niyo kana: “Ini goroka gua neidegedi vonisi,

Moimai di vegu 28:25

Paul yaku ago yokoi maka niyori, amiye bi iniye iniye rofu uka yokoi maka de nisi fereyadi. Paul di ago bi yomini: “Vima kikifa yaku rama iniye Sei di ago niyo amiye Isaiah dudu yi tutubena rofu ago niyo!

Hebrew vene 9:8

Mina ourena daiyutu are rego fuofuori, Vima kikifa yaku oteimaro mina sana kikifa di boi dui rena ida bi eke feidena kode.