1 Peter 5:6 - Sei di Uka Ago Ruaka di Buka Bedakai

⁶ Mina dada, Sei di vana di vava gabireri ya kaya moi ave rifa, ye ini ari buniri, ya moi odoro rigo dada.

1 Peter 5:6 交叉參考

Matthew 23:12

Idu kaere iniye moi odoro rigo bi Sei yaku moi ave rigo ma kaere iniye ave nigo bi Sei yaku moi odoro rigo.

Luke 1:52

Ina yaku ourefeidena vene di amena vava sanari eyarei vau reyo, resi matuka de vene, bi ina yaku moi odorori vau reyo.

Luke 14:11

Adina kaere iniye moi odoro rigo, bi Sei yaku moi ave nigi rigo. Ma kaere iniye ave nigo, bi Sei yaku moi odoro rigo.”

Luke 18:14

Resi Iesu yaku niyo, “Ya nida, mina amiye remanu ini yavari dairiyadiri, bi Sei yaku fore butu redo amiye rofu niyo ini vegu bi rorobo, idu mina Pharisee amiye bi de. Adina kaere iniye moi odoro rigo, bi Sei yaku moi di nigo, idu kaere iniye ave nigo, bi Sei yaku moi odoro rigo.”

Rome vene 5:6

Adina una yeiva yokoi deri, meda ramari maka, Keriso yaku una Sei di mokena kana de resifa vene rofu muyeyo.

1 Corinth vene 10:22

Varika amiye moi maunu resi moi gubuyo regika regifa ba? Uni yeiva bi ini yeiva ebu redo ba?

1 Timothy 2:6

Ina yaku amiye tau noibanu davana regika ini vegu maro; mina bi Sei di meda ramari ini nirorotari rena ida moi ogau rigo.

Titus 1:3

Ma iniye ini niyo ariri ini ago moi ogau riyo; Sei una Moi vegu rina amiye di ago gira fafau mina oteimana moimai na nimaro.

James 4:10

Varika amiye di nemokori ya kaya moi ave rifa, ye ya moi odoro rigo.

James 4:7

Mina resi Sei di vava gabireri ya kaya aefa. Bodaka di ida biri rifa kumo ya rofu ori diyaine.

James 5:10

Nai usika ourena, Sei di ago niyadi vene, kaere ini esika moina ma toro rena Varika amiye di roka dudu ago niyadi, mina mokegasa ina tari rebifa.