1 Peter 5:14 - Sei di Uka Ago Ruaka di Buka Bedakai

¹⁴ Ya kaya ya kaya ekalesia di uka mana dudu fuka refa. Uka amuta ya tau fafau ameyaine, ya kaere bi Keriso di.

1 Peter 5:14 交叉參考

Rome vene 16:16

Ya yokoi yokoi ekalesia vene di fuka refa. Keriso di ekalesia vene tau gade ya rofu yuata nifeidededi.

Ephesus vene 6:23

Baba Sei ma Varika amiye Iesu Keriso yaku usika ourena uka amuta ma uka mana mokena vari gira aenasa maraine.

Rome vene 8:1

Mina dada amiye kaere bi gua Iesu Keriso sa auta rededi bi nifafana de rego.

1 Corinth vene 16:20

Usika ourena tau noibanu ya yuata nifeideyadi. Ya kaya ya kaya ekalesia vene di fuka refa.

Rome vene 1:7

Mina sina bi Rome ri amededi vene tau rofu, kaere bi Sei ini uka masi iniye ini vene roka nido: Uni Baba Sei ma Varika amiye Iesu Keriso di buni tora gade ma uka amuta ya maragane.

2 Corinth vene 5:17

Mina dada amiye yokoi Keriso sa kake rigo vonisi, bi amiye ruaka Sei yaku riyo. Vegu kori bi tatava niyo; va vefa, amiye bi ruaka niyo!

1 Corinth vene 1:30

Idu Sei dada, Iesu Keriso sa, vegu amededi, ina kaere bi Sei yaku uni mokena vabara, mokena rorobo, moi akeke rina ma vegu no di voi rena kana riyo.

John 20:26

Gabi fura yokoi koina niyori, ini usi dina vene bi dudusa yava ideri amegamadi ma Thomas bi inasa. Bi yava ida biri risi ae gira reyadi, idu Iesu ini utari baesi are resi niyo, “Uka amuta bi yasa.”

John 20:19

Fura di ourena meda uriyenauri, ini usi dina vene bi egogo sanari ida birisi ae gira resi ideri amegamadi, Jew vene rofu ori reyadi dada. Ye Iesu baesi ini utari are resi niyo, “Uka amuta bi yasa ameyaine.”

John 16:33

Mina ago ya rofu niyaka, ye na dudu uka amuta baku regedi dada. Konori esika esika iniye moigedi. Idu yi uka moi gira rifa; na yaku kono di vegu ebu reyaka dada!”

John 14:27

“Na yaku uka amuta yasa fereida; bi nai uka amuta ya maida. Mina ya maida bi mina kono vene yaku madedi kana de. Yi uka moi kenoka ga resi ori ga refa.

1 Thessalonica vene 5:26

Usika ourena tau yuata nisi ekalesia vene di fuka refo.

2 Corinth vene 13:12

Ya kaya ya kaya yuata nigasa ekalesia vene di fuka refo. Sei di vene tau gade ya yuata nifeideyadi.

1 Peter 1:2

Baba Sei senagi ya diba nisi auba reyo ma ini Vima ya akeke rigo, ye Iesu Keriso di ago neidegedi ma ini dava yaku ya moi ruaka rigo. Sei di buni tora gade ma ini uka amuta ya rofu besa tanu maraine.

Matthew 5:47

Ma yi usika ourena maka yuata nigedi vonisi, ya bi amiye bedakai kana de beika rededi? Ye tutubena idana vene ka makai rededi.

3 John 1:14

Nai uka mokena bi agiya aineka ya vesi ago nigida.