1 Peter 4:14 - Sei di Uka Ago Ruaka di Buka Bedakai

¹⁴ Keriso di roka dada ya nikiraini regedi vonisi, ya rofu buni tora gade mago, adina Vima vayavaya, mina bi Sei di Vima, ya fafau amedo.

1 Peter 4:14 交叉參考

Matthew 5:11

“Amiye yaku na dada nifafana resi esika esika masi ya fafau ago no tau ofa ofa ago dudu nibigediri, bi ada regedi.

Matthew 5:16

Mina ida dudu maka, yi vabara bi amiye budari vabara niyaine, ye yi beika vegu buni bi amiye yaku vegedi rofu yi Baba omari mina ini roka moi odoro riyaganedi.

Luke 6:22

“Amiye yaku ya rofu gubuyo resi fufuta masi ya rofu nifafana resi yi roka moi no rigediri, Amiye di mida usi dina dada, bi ada regedi!

John 15:21

Idu nai roka dada mina tau vakoi ya fafau regedi, ye kaere na nifeideyo amiye toto dada.

John 8:48

Ye Jew vene yaku nikaiteyadi, “Una rama nisifa ya bi Samaria amiye ma vima no bi yasa!”

John 9:28

Kamini ina rofu ago no nigasa niyadi, “Ya bi ini usi dina amiye, idu una bi Moses di usi dina vene.

John 9:34

Kamini nikabai reyadi, “Ya vegu no tausa vata niyo, idu una oteimagika reisa ba?” Ye ini usa usa yava rofu umeki rei makuyadi.

Moimai di vegu 13:45

Idu Jew vene yaku amiye tau veyadiri, bi ini uka gonema yaku vata baeyo. Paul yaku ini beika sina niyo rofu nikayamo resi nifafana reyadi.

Moimai di vegu 18:6

Idu Jew vene bi biri risi nifafana resi ina rofu nigamadiri, bi Paul bi ini varukari budoka mina varaka resi nikaka resi niyo, “Yi dava di kino bi ya kaya yi vanari! Nai moimai gabireri na bi no yokoi de. Gua ari gutuna bogo, na bi tutubena idana vene rofu digida.”

Moimai di vegu 28:22

Uni ura bi yi mokena sina neidegifa, ini adina una diba gagani tau yaku mina vene fafau ago no nidedi.”

Moimai di vegu 5:41

Nifeidena vene kanisoro vene ferei yakugasa bi ada reyadi, adina bi Sei yaku ina vene rofu mokei buni resi moi odoro riyo Iesu di roka fafau maena moiyadi dada.

2 Corinth vene 12:10

Kamini Keriso dada, na bi roaita yau nina, nifafana rena, toe moina, esika moina ma uka vorivori nufa ada reida. Adina nai roaita yau nidori, bi yeiva moida.

2 Corinth vene 4:10

Una yaku Iesu di muyena, mina bi uni roaitari toga uakaigasa moi disifa, ye uni roaitari Iesu di vegu amena ka oteimaraine.

2 Corinth vene 4:16

Mina dada uni uka yau de nidedi. Kamini gokai uni roaita iniye bi iko nidedi, idu ideri uni vima bi ari yokoi yokoiri moi ruaka ridedi.

Galatia vene 1:24

Ye na dada Sei di roka moi odoro riyadi.

Hebrew vene 11:26

Kamini mokeyo Keriso fafau nifafana rena bi gugura tau nufa kana, Egypt gagani di gugura buni kana de, ini adina obini maina reyo.

James 1:12

Kaere amiye ebene renari udiko redo bi ada rego, adina bi ebene renari, are rei gira regasa toga ameibobina vegu di obini moigo; mina bi Sei yaku ina rofu uka madedi vene nitore reyo.

James 5:11

Neidefo, gokai una yaku are rei gira regamadi vene, buni tora gade moiyadi vene kana mokesifa. Ya bi mina amiye Job yaku are rei gira reyo sina neidesi Varika amiye bi metonari, ina rofu beika reyo ka veyadi, Varika amiye bi iriyeduka tora iniye yaku vata baeyo dada.

1 Peter 2:12

Yi reremama rededi tutubena idana vene di fogori bi kikifa dudu buni maka ameyaine, ye vegu no rededi vene kana no nigediri, yi reremama buni reyadi vei mama resi Sei di dego medari, ini roka moi odoro rigedi.

1 Peter 3:14

Idu mokena rorobo rena fafau, ka esika esika moigedi vonisi, buni tora gade ya rofu mago. Amiye rofu ori ga resi mokena tau ga moifa.

1 Peter 3:16

Idu ave nina ma kikifa rena dudu mina moimai refa. Ye yi uka di mokena buni dudu ka refa, ye kaere ya ni no regediri, yi reremama buni rena Keriso ideri, ni no rededi vene bi maena regedi.

1 Peter 4:16

Idu ekalesia amiye dada esika moigo vonisi bi, maena ga revo, idu Keriso di roka dudu Sei di roka moi odoro ri.

2 Peter 2:2

Ye amiye tau gade ka makai ini koa rena vegu mina tari regedi; ma mina no rededi dada, bedakai yaku bi ago rama di Ida rofu nifafana regedi.