1 Peter 3:4 - Sei di Uka Ago Ruaka di Buka Bedakai

⁴ Idu mina kana bi, yi uka ide reremamari ini buni mina ogau niyaine; mina buni bi de tarego, idu bi vima amuta ma bere nina dudu autu nidedi, adina Sei di nemokori ini davana bi tora iniye.

1 Peter 3:4 交叉參考

Colossae vene 3:12

Mina dada, Sei di kikifa ma uka masi auba reyo vene kana, uka di iriyeduka, uka buni, ave nina, iniye rofu mokei mona rena ma toro rena varuka kana akufa.

Rome vene 2:29

Idu Jew amiye rama bi makai ini ideri, ma ini roaita nugana bi uka meko di, Vima dudu, vana yaku bura rena ago gira dudu de. Ma amiye ini roka moi odoro rina bi de, idu Sei rofu.

Matthew 11:29

Nai maduna moisi ya fafau aesi na rofu diba nifa, adina nai ukari na bi ave nida; ma yi vima di sifere rena bi makai baku regedi.

Titus 3:2

Resi amiye rofu nifafana rena de, idu amiyesa ave nisi auta regasa amena maka rebiyagane, ye mina vegu rama amiye rofu reisa bi amiye oteimago ya bi gokai kana amiye.

Matthew 23:26

Ya ne taufa Pharisee vene, ouresi biyo ma siua ideri siko koitefa kumo etofaro ka ruaka nigo!

Rome vene 7:22

Adina nai uka ideri na bi Sei di ago gira rofu ada reida.

2 Corinth vene 4:16

Mina dada uni uka yau de nidedi. Kamini gokai uni roaita iniye bi iko nidedi, idu ideri uni vima bi ari yokoi yokoiri moi ruaka ridedi.

1 Thessalonica vene 4:11

Ya sena niyafa kana, yi mokena moi tora rifo kumo kimo amebina vegu niyaine, yi moimai iniye maka resi yi vana dudu maka moimai refo.

Ephesus vene 4:2

Ya kaya moi egona rina, ave nina ma toro rena tau noibanu dudu, ya kaya ya kaya uka mana dudu udiko rebifo.

1 Peter 3:15

Idu yi ukari Varika amiye Keriso moi kikifa rifa. Ari tau bi toro dudu amefa, ye amiye yaku yi uka mokena yi ideri ini rama ya nikaitegori, mina bi nikabai resi nirorotari refa.

1 Timothy 2:2

mina bi kini ma vava iniye nufa amiye tau rofu, uka amuta ma bere dudu, Sei di mokena kana rena ma vegu rorobo rena dudu, una vegu amebigifa dada.

Luke 11:40

Ada de vene! Sei yaku etofaro riyo vonisi, bi ideri ka riyo ba ide?

James 1:21

Mina dada beika kino tau ma vegu no iniye tau vata baeyadi, mina makusi ave nina dudu mina varido ago moifa; mina ago yaku yi uka moi vegu rigo.

2 Timothy 2:25

Ka bi ina rofu tourage rededi ave nina vegu rorobo reyaine, kamini Sei yaku vegu no feresi moi etagae rina vegu mago baeko, ye makai ago rama diba nigedi.

2 Thessalonica vene 3:12

Varika amiye Iesu Keriso di roka dudu mina vene rofu ago gira nisi sisiba masifa, vegu rorobo dudu amesi moimai dudu iniye ini vegu baku rebiyagane.

Matthew 5:5

Kaere bi ave nidedi ada regedi; ini adina bi mina kono noibanu moigedi!

Rome vene 6:6

Kamini una una diba uni vegu kori bi inasa satauro ikoko reyo, ye vegu no rena roaita bi moi no riyaine, ye makai una vegu no rena rofu dudusa naivo naivo rei tavoi de regifa dada.

Luke 16:15

Idu ina vene rofu niyo, “Ya vene yaku amiye di nemokori ya kaya yi vegu bi rorobo moi ofa ofa ago vo nigasa rededi, idu Sei bi ina diba yi uka mokena; adina beika gugura bi buni iniye amiye di mokenari, mina bi Sei di nemokori no iniye iniye kino nufa.

1 Peter 1:23

Ya bi dudusa vata niyadi, yi nono baba muyededi dudu de, idu vegu toga toga amena di mida mida kana, Sei di ago toga vegu amedo dudu.

Colossae vene 3:3

Adina ya bi muyeyadi ma yi vegu bi Keriso sa Sei ideri sui niyo.

Galatia vene 5:23

ave nina ma yuka vana nari rena. Mina kana vegu bi ago gira yokoi amena de.

2 Corinth vene 10:1

Na Paul, ya niegira reida—na kaere bi yi fogori ave nida, idu ya ferei gaima reidari bi ori de dudu ameida, vo nidedi. Keriso di uka ave ma amuta dudu

Matthew 21:5

“Zion di vefa nifa, Vefa, yi kini ya rofu baedo! Ave nisi donkey fafau ma ini rumana mida fafau amesi baedo mini.”

Rome vene 1:23

resi Sei kaere toga toga amedo di vabara fufuta masi vana dudu riyo vima amiye muyego kana ma erena, vibani yuka 4 nufa ma variva kana nivakegamadi.