1 Peter 3:11 - Sei di Uka Ago Ruaka di Buka Bedakai

¹¹ Ina bi vegu no rofu etagae risi buni mina reyaine; ina bi uka amuta maina resi usi diyaine.

1 Peter 3:11 交叉參考

Matthew 5:9

Kaere uka amuta rededi vene bi ada regedi; ini adina Sei yaku ini mida mida vo nigo!

Hebrew vene 12:14

Amiye tau gadesa uka amuta dudu va amegi resi vegu kikifa refa, adina amiye yokoi mina nufa de bi Varika amiye vena de rego.

Rome vene 14:19

Mina ye, beika yaku uka amuta ma uniye uniye uni uka egira regi moi baego, mina maina renadi.

Colossae vene 3:15

Resi Keriso di uka amuta yi uka ideri ourefeideyaine; ya ka roaita yokoi maka dudu mina rofu roka niyo dada. Ya ka buni tora gade mabifa.

Rome vene 14:17

Ini adina Sei di ourefeidena amena sana bi diya beika una yaku iri-iri o koru gaga resifa di, idu bi Vima kikifasa mokena rorobo ma uka amuta ma ada rena.

Rome vene 12:18

Ya dada amiye tau gadesa uka amuta dudu amebifa; ya makai regedi bi buni.

3 John 1:11

Nai uka maida amiye, vegu no mina tari ga re, idu vegu buni mina maka tari re. Kaere amiye yaku vegu buni redo, bi Sei di; kaere amiye yaku vegu no redo bi Sei de vego.

James 4:17

Ye kaere amiye ina bi vegu buni rena ina diba, idu de redo, ina rofu mina bi vegu no reyo.

Hebrew vene 13:16

Vegu buni resi ya beika nufa rau regika, mina ga vei feidefa, ini adina ori sisika makai kana redediri, bi Sei di uka moi ada redo.

1 Timothy 6:18

Vegu buni resi reremama buni tau gade resi gugura anarauda resi idana vene rofu rau reyagane.

Galatia vene 6:10

Mina dada kafu amedori, una yaku vegu buni amiye tau gade rofu renadi ma besa uni usika ourena kana, mokena vari gira aededi vene rofu makai.

Galatia vene 5:22

Idu Vima bi yomina moi ogau rido: uka mana, ada rena, uka amuta, toro rena, uka buni, buni iniye, mokena vari gira aena,

Rome vene 8:6

Adina roaita di ura rofu moke moke rena yaku muyena rofu ourefeidedo, idu Vima rofu mokena aena yaku vegu amena ma uka amuta rofu ourefeidedo.

Rome vene 7:21

Mina resi mina ida veitao reyaka: vegu buni regi ura regidari, vegu no bi nasa amedo.

Rome vene 5:1

Mina resi, mokena vari gira aena dudu vegu rorobo niyafa dada, uni Varika amiye Iesu Keriso dudu, una bi Sei sa uka amuta nufa.

John 17:15

Na bi konori moi etagae rigi ya usa de nida, idu amiye no rofu nari regi mina usa nida.

Matthew 6:13

Ma uka maina regika nivena rofu ga una moi ourefeide, idu amiye no rofu una moi vegu ri.’

Matthew 5:45

ye ya bi yi Baba omari di mida mida nigedi. Adina ina yaku ini meda bi vegu no rededi vene ma buni vene fafau mado. Resi mokena rorobo nufa vene ma mokena rorobo nufa de vene fafau ini miya moi dedo.

Rome vene 7:19

Adina beika buni regi ura reida, mina bi de reida; idu vegu no ura de reida, mina bi toga reida.

Luke 6:35

Idu yi tuma vene rofu uka mafa. Vegu buni ina rofu resi masi ya dairi moigedi mokena bi ga mokefa. Makai dudu bi yi buni tora gade moigedi, ma ya bi Sei odoro iniye di mida vene nigedi. Adina kaere amiye ni buni de rededi vene ma vegu no rededi vene rofu ka mokei tora redo.

Luke 6:9

nikaiteyo, “Ya usa nida, ago gira dada beika vegu bi buni Sabati medari regedi? Vegu buni regedi, o vegu no regedi ba? Amiye di vegu moi vegu rigedi, o umuyegedi ba?”

Luke 1:79

Mukuna ideri ma muyena tumusa vene rofu mina vabara mago, resi ina yaku uka amuta di ida dudu una ourefeidebogo.”

Mark 14:7

Adina irava vene bi yasa toga amebigedi, ma goina medari yi mokegedi, bi mina vene aedegedi. Idu na bi toga yasa de amebigida.

1 Peter 3:12

Adina Varika amiye yaku ini nemoko dudu, mokena rorobo vene vesi ini anema dudu ini usa usa neidedo; idu ini seira, kaere vegu no rededi vene, bi gedu mado.”