24 Adina: “Amiye tau bi oruma kana, ma ini vabara bi suma dakimu di farofaro kana. Oruma rarako nigedi ma farofaro yaregedi,
Sei yaku sufari farofaro imu mado—mina farofaro bi gua vegu amedo mini, idu agiya bi kufusi makugedi, ma roko nigediri, bi ita mokari origedi. Ye yi varuka dudu ya nari rei mona iniye rego, ya kaere bi mokena vari gira keika aededi vene!
Ya ya toto iniye agiya gokai beika yi veguri baego bi! Adina ya bi miya nimunimu kana, doba de ogau nido ma kamini roro nido.
Mina kono ma beika tau ini vene yaku ura resi mokededi bi kamini roro nido, idu kaere Sei di ura rego, bi toga toga ameibobigo.
