Philip 2:12 - Sră Goh 2018

¹² Behơ̆ gen, ơ ală cau đềt mềr añ jê, be oh mi neh dòn bơr sùm sùm, ò di mìng tòm tŭ gơs añ lơm ò, mơya tòm tŭ do añ neh ngkòi, gen oh mi pal sơlo dòn bơr rlau tai, ai tĕ nùs rngòt rơm să nàng lơh gơs bơta dong klàs oh mi dê.

Philip 2:12 交叉參考

Ejra 10:3

Behơ̆ tŭ do, lòi tĕ bol hi bơtào dô bơta ho bal mơ Yàng Tom Trồ bol hi dê, nàng sang jơh ală bau ùr hơ̆ bal mơ ală kòn bol khai dê, jat be jơnau bơyai cau tòm bol hi mơ ală cau rơm să rngòt di bơta sồr lam Yàng Tom Trồ bol he dê. Lơh tĕ bơta hơ̆ jat be bơta boh lam.

Đơs Crih 119:120

Poac să añ rơm rngòt di Yàng, Kung rngòt di bơta cahrña Yàng dê sơl.

Đơs Crih 2:11

Duh tĕ broă Yàng Jehôwa dô bă duh rngòt, Mơ hòn chò tĕ dô bă rơm să.

Jơnau Pơnđik 10:16

Bơta kong bòl glar cau song ring dê lam tus hơ bơta kis: Ai cồng nha cau iơh rmơh dê lam tus hơ tồi glài.

Jơnau Pơnđik 13:4

Nùs cau lơh alah kơp kòñ mơ ò geh phan lơi; Ai nùs cau tơryang tơryồng geh lìu làc phan ngui sa.

Esai 66:2

Jơh ală bơta do la bơh tê Añ neh lơh gơs, mơ jơh ală bơta do gơrê mơ Añ.” Yàng Jehôwa đơs behơ̆. “Mơya do la cau mơ Añ sền dờng màng: hơ̆ la cau pơndêt să mơ gơs hwềng nùs jê sồt moat jrùng bơh tồi glài, mơ rơm să rngòt tòm tŭ kơno jơnau đơs Añ jê.

Esai 66:5

Iat tĕ jơnau Yàng Jehôwa dê, Ơ bol mê la cau kơno jơnau Kơnràñ dê mơ rngòt rơm să: “Làng bol bol mê dê gơjrañ di bol mê, mơ sang lòi bol mê tài bơh sơnđan Añ; mơ neh đơs lah: ‘Dan Yàng Jehôwa in geh gơklŏ, nàng bol hi in gŏ bơta hòn chò bol mê dê!’ Mơya bol khai la cau rơp kong ƀàssìl.”

Mathiơ 11:12

Bơh ngai Jang Ƀaptis dê jơl tus tŭ do, lơgar đang trồ neh geh bơtào tơngguh pràn kơldang, mơ cau pràn kơldang tòmpìt geh gơ.

Mathiơ 11:29

Bol mê tui tĕ yô Añ jê mơ bơtê jat Añ, bơh Añ gơs nùs niam lơnhơn mơ pơndêt să, gen hwềng soàn bol mê rơp geh rlô bòl.

Broă 16:29

Cau at bồ hìu jàm hòi cau ai ồs, mut sơrbac sơrbang, rơm să rngòt, mơ tơmbic să di jơng Pol mơ Sila,

Broă 9:6

mơya ntào tĕ, mut tòm ƀòn dờng, cau rơp yal mê in ală bơta mê pal lơh.”

Rôma 2:7

Cau lơi kơ̆ nùs lơh bơta niam, mơ jòi jat bơta gơklŏ, sền dờng màng mơ bơta ò ồm lề, gen Yàng Tom Trồ tơm wơl bol khai in bơta kis gam sùm sùm;

I Kôrintô 15:58

Behơ̆, ơ oh mi kòñ gơboh añ jê, kơ̆ nùs tĕ, bañ lơh wil wơl, lơh tĕ broă Yàng dô bă tơngkah tơngkañ sùm, bơh oh mi git lah bơta bòl glar lơh broă oh mi dê tòm Yàng ò di la ò kwơ.

I Kôrintô 2:3

Mơ añ neh tus hơ oh mi tòm bơta lơbơn lơño, mơ tòm bơta rngòt rngơt mơ rơm să ngan.

I Kôrintô 4:14

Añ cih ală jơnau do ò di nàng lơh ală oh mi in ƀàssìl, mơya nàng bơto tơngkah ală oh mi be ală kòn kòñ gơboh añ jê.

II Kôrintô 7:15

Dơ̆ khai kah wơl bơta dòn bơr jơh tơl nă oh mi dê, mbe lơi oh mi ai bơta rngòt rơm să mơ wă rò khai, gen nùs kòñ gơboh khai dê gơwèt mơ oh mi sơlo oă tai.

Ephesô 6:5

Ơ cau la dĭ gơna, pal rngòt rơm să tĕ, ai nùs song ngan mơ dòn bơr cau tòm he dê jat đah poac să, be gơwèt mơ Bơtau Krist,

Philip 1:27

Mìng ală oh mi pal kis dô bă di pal mơ Jơnau Niam Bơtau Krist dê, tồ bulah añ lòt tus còp ală oh mi hala añ neh ngkòi, añ kung geh kơno bơh oh mi lah oh mi dô nùs bal mơ kơ̆ wền, dô nùs nhơm bal bơh bơta dòn nàng tòmlơh bơh Jơnau Niam,

Philip 1:29

Tài bơh Yàng Tom Trồ neh ai bơta nđàc ală oh mi in ò di mìng dòn Kơnràñ lơm ò, mơya kung pal kong jê sồt bơh Kơnràñ sơl;

Philip 1:5

tài bơh ală oh mi neh gơs pơnah tòm broă bơto Jơnau Niam dê bơh ngai sơnròp jơl tus di tŭ do.

Philip 1:6

Añ dòn nền ngan lah Bơtau neh sơntòm lơh broă niam tòm ală oh mi kung rơp lơh wil tơl jơl tus di ngai Yàng Krist Jesu dê.

Philip 2:19

Añ gơn kơnòm di Yàng Jesu, añ kơp kòñ sồr Timôthe mhar tus hơ oh mi tồ añ in geh iang tòm nùs tòm tŭ kơno ală bơta bơh oh mi.

Philip 4:1

Behơ̆ gen, ơ ală oh mi đềt mềr ngan, la bơta hòn chò mơ sơgơn bơtau añ jê, ơ cau kòñ gơboh ngan añ jê, ntào kơ̆ tĕ tòm Yàng.

Philip 4:15

Ơ cau Philip, să tòm oh mi kung git lah dơ̆ añ rơp sơntòm bơto Jơnau Niam, tòm tŭ añ sang lơgar Masedoan, gen rlau mơ oh mi ò gơs Hìu Jum Goh lơi ndai gơs pơnah bal mơ añ tòm bơta ai phan ngui sa añ jê;

I Tesalônika 1:3

bơh di đap Yàng Tom Trồ la Bèp bol he dê, bol hi kah sùm bơh tơngai broă bơta dòn dê, bơta kong bòl glar lơh broă nùs kòñ gơboh dê, mơ ntào kơ̆ tòm bơta gơn kơnòm oh mi dê tòm Yàng Jesu Krist bol he dê.

II Timôthe 2:10

Behơ̆ tàng tài bơh ală cau neh geh sac rwah mơ añ kong jơh ală bơta, tồ bol khai in kung geh bơta dong klàs tòm Yàng Krist Jesu, bal mơ bơta gơklŏ gam sùm sùm.

Hebrơ 12:1

Behơ̆ gen, bơh bol he neh gơs oă cau lơh cơng gơrwàng gùt dar be dô puk mhwal dờng ngan, bol he kung pal sơrbì sang jơh ală bơta be phan àñ kơnjơ̆ bal mơ tồi glài gơđềt di he, pal kơ̆ cê ntoat jat bơta ntoat pơrlòng neh ràng tơlik di đap bol he;

Hebrơ 4:1

Tŭ do, Yàng Tom Trồ neh ai jơnau ho pơgon bơh bơta mut tòm bơta rlô lơngai Kơnràñ dê, gen bol he pal kơlôi rngòt, nàng ò gơs cau lơi tòm oh mi rơp gơkòl sang lòi.

Hebrơ 4:11

Behơ̆ gen, bol he pơnđơl tĕ jơh nùs nàng mut tòm bơta rlô lơngai hơ̆, tồ ò gơs dô nă cau lơi rơp gơpừ đòm krơh cau ò gơs bơta dòn ne.

Hebrơ 5:9

mơ dơ̆ Kơnràñ neh geh wil tơl rau, gen gơlik gơs tòm ryas bơta dong klàs gam sùm sùm jơh ală cau in dòn bơr Kơnràñ,

I Pier 2:11

Ơ ală cau kòñ gơboh, oh mi be cau nac crih mơ be cau ơm ing, añ bơto tơngkah oh mi pal ơt tĕ ală bơta hàm kòñ is poac să dê, la ală bơta gơtòmlơh mơ hwềng soàn.

II Pier 3:18

Mơya sơlo dờng tĕ tòm bơta nđàc mơ tòm bơta dòp git Yàng la Yàng Dong Klàs bol he dê la Yàng Jesu Krist. Dan bơta gơklŏ gơrê bal mơ Kơnràñ bơh do jơl sùm sùm. Amen.