Ñìm Rac 2:9 - Sră Goh 2018

⁹ Ală mpồng ƀòn dờng gơkram tòm ù; Kơnràñ neh tơnroh mơ dơrkă ală kai kal gơ dê. Cau bơtau mơ ală kwang at bồ gơ dê ơm digùl ală lơgar ò gơs bơta sơnio lam tai! Ală cau gơnoar hwơr ò dòp bơta tơnggŏ bơh Yàng Jehôwa.

Ñìm Rac 2:9 交叉參考

II Ală Bơtau 25:7

Bol khai tơnchơt ală kòn klau Jedekia di đap mat khai; bol khai kơlwĕ mat Jedekia, kơt khai mơ sreng kòng, mơ cèng khai tus hơ Babilôn.

II Yal Yau 15:3

Neh jŏ rau Israel kis ò gơs Yàng Tom Trồ song ngan, ò gơs dô nă cau gơnoar ơn phan duh khoai la cau bơto, mơ ò gơs bơta boh lam.

Nehemi 1:3

Bol khai yal mơ añ lah: “Ală cau hơ̆ gam wơl tòm ƀòn dờng neh klàs bơh bơta kup cèng, gen bol khai kòl bơta bòl glar kalke dờng ngan mơ bơta ƀàssìl; mơ dơrñang Jerusalem dê neh tơrlah jơh mơ ală mpồng gơ neh kong tơnroh bơh ồs.”

Đơs Crih 74:9

Bol hi ò gŏ tai ală tềl sơnio bol hi dê; Ò tai gơs cau gơnoar hwơr, Mơ digùl bol hi kung ò gơs cau lơi git gam nđò jŏ tai.

Esai 24:12

Ƀòn dờng mìng gam rhàng srau gòi, mpồng ƀòn dờng neh tơrlơm lề lac;

Jeremi 14:14

Yàng Jehôwa đơs tai mơ añ lah: “Ală cau gơnoar hwơr ai sơnđan Añ mơ đơs hwơr blac, Añ ò tŭ lơi sồr bol khai, hala òhềt ai gơnoar sồr mơ òhềt đơs mơ bol khai. Bol khai đơs hwơr bol mê in bơh dô bơta gơtơnggŏ ma blac, bơta juh proh roh lơm, mơ bơta blac pơrlồm bơh nùs is bol khai dê!”

Jeremi 23:16

Yàng Jehôwa Gơnap Gơnoar dờng đơs be do: “Bañ iat ală jơnau ală cau gơnoar hwơr hơ̆ đơs hwơr mơ bol mê. Bol khai bơto bol mê in ală bơta gơn kơnòm ò kwơ, Mơ đơs bơta gơtơnggŏ bơh nùs is bol khai dê, ò di bơh bơr Yàng Jehôwa.

Jeremi 39:2

Nam dơ̆ jơt dùl rài Jedekia, kơnhai poan, ngai dơ̆ sin, ƀòn kong phà tơrlah.

Jeremi 39:8

Cau Kalde ngui ồs chu gơlang bơtau mơ hìu làng bol dê, phà tơrlah dơrñang ƀòn Jerusalem.

Jeremi 51:30

Ală cau ling jak tòmlơh Babilôn dê ơm ò tòmlơh tai, bol khai ơm wơl tòm ală theng kìng crŭ; bơta pràn bol khai dê neh roh jơh, bol khai gơlik gơs be ală cau ùr. Ală hìu ơm kong chu tòm ồs, Kai mpồng neh kong tơrpă.

Jeremi 52:14

Jơh mpồl ling cau Kalde, neh lòt bal mơ cau kwang at bồ ling kơp gàr bơtau, phà tơrlah jơh ală dơrñang ƀòn gùt dar Jerusalem.

Ñìm Rac 1:3

Juda kong kup cèng pơrdô kong jê sồt bòl glar lơh broă kơnjơ̆ be cau dĭ. Tŭ do khai ơm digùl ală làng bol, mơ jòi ò geh tiah ơm rlô. Ală cau ting jat kup khai cèng digùl bơta bòl glar khai dê.

Ñìm Rac 4:15

Cau driau dờng di bol khai lah: “Lik tĕ ngài, ò goh!” “Lik tĕ ngài! Lik tĕ ngài! Bañ ƀư!” Behơ̆ bol khai gơlik gơs cau dô pleh mơ lòt nrah nring, làng bol tòm ală lơgar driau lah: “Bol khai rơp ò ơm tơn tềng do tai.”

Ñìm Rac 4:20

Cau kong bong mơñà Yàng Jehôwa dê, hơ̆ la nhơm tă bơta kis bol hi dê, neh kong yar tòm dă bol khai dê rau, Bơh ñcau, bol he òs đơs lah: “Hơđơm mƀur Kơnràñ dê bol hi rơp ơm kis digùl ală lơgar.”

Ejekiel 12:13

Añ rơp dang bơtơng Añ jê nàng kup khai, mơ khai rơp yar dă Añ jê. Añ rơp cèng khai tus hơ Babilôn, la lơgar cau Kalde, mơya khai rơp ò gŏ lơgar hơ̆, mơ khai rơp chơt tềng hơ̆.

Ejekiel 17:20

Añ rơp dang bơtơng Añ jê nàng kup khai mơ khai rơp yar tòm dă Añ jê. Añ rơp cèng khai tus hơ Babilôn mơ tềng hơ̆ Añ rơp cahrña khai tài bơh khai ò dòn song mơ Añ.

Ejekiel 7:26

Rung rài do gơbơtơl hơđang rung rài ndai, jơnau pơnro do gơpơnjat jơnau pơnro ne. Bol khai rơp pơnđơl jòi bơta gơtơnggŏ bơh di cau gơnoar hwơr; jơnau bơto tơngkah bơh cau gơnoar ơn phan duh khoai rơp roh rui, jơnau bơto sơnio bơh di ală cau kwang kra kung rơp ò gơs.

Sră Ôse 11:6

Đào rơp sreh tơnchơt bol khai tòm ală ƀòn dờng bol khai dê, rơp tơnroh ală mpồng ƀòn dờng bol khai dê, mơ sa loan jơh bol khai. Tài bơh bơta ma blac bol khai dê

Sră Ôse 3:4

Bơh làng bol Israel rơp kis jŏ ngai mơ ò gơs bơtau, ò gơs kwang at bồ, ò gơs phan ơn duh khoai, ò gơs cơnòng duh khoai, ò gơs ephot, mơ kung ò gơs theraphim.

Amôs 1:5

Añ rơp dơrkă kai mpồng dờng Damas dê; mơ tơnroh ală cau ơm tòm thòng Aben, bal mơ cau at gai gơnoar at bồ tòm Bet Eden. Làng bol Aram rơp kong kup cèng gơs dĭ tòm Kir.” Yàng Jehôwa đơs behơ̆.

Yal Wơl 28:36

Yàng Jehôwa rơp ting bơtrơh bol mê mơ cau bơtau mơ bol mê neh bơtào hơđang bol mê tus di dô nơm lơgar mơ bol mê bal mơ ală ồng pàng bol mê dê òhềt git. Tềng hơ̆ bol mê rơp duh khoai ală yàng ndai, la ală yàng mơ chi mơ lŭ.

Yal Wơl 28:63

Kung be Yàng Jehôwa neh niam nùs lơh bol mê in gơlik gơs rơ̆sơmpài ràipơjềng gen Kơnràñ kung rơp niam nùs lơh bol mê in roh rui mơ tơnroh bol mê. Bol mê rơp kong tă tơlik bơh lơgar mơ bol mê neh mut nàng dòp geh.

I Samuel 28:6

Khai hòi lùp Yàng Jehôwa, mơya Yàng Jehôwa ò ho wơl khai in bơh bơta mpau, hala bơh Urim, hala bơh ală cau gơnoar hwơr.