Ñìm Rac 1:1 - Sră Goh 2018

¹ Mbe ƀòn dờng ơm nggui is dô nă, hơ̆ la ƀòn bơh lài òr neh gơs bềng cau! Mbe khai gơlơh be dô nă cau ùr bơnrau, Yau òr khai la dờng digùl ală làng bol! Yau òr khai la kwang at bồ digùl ală kơnhwàl lơgar, tŭ do khai gơlik gơs dô nă cau duh broă cau ndai in!

Ñìm Rac 1:1 交叉參考

I Ală Bơtau 4:21

Salômôn at bồ hơđang jơh ală lơgar bơh hiòng Ơphrat tus di lơgar Philistin, ngài tus di nhàr lơgar Ejiptơ. Ală lơgar hơ̆ dap dia mơ dòn duh hơđơm gơnoar Salômôn dê jơl jơh rài kis khai dê.

II Ală Bơtau 23:33

Pharaôn Nekô kup jàm khai tòm Ripla, tòm tiah Hamat, tồ khai in ò at bồ tòm Jerusalem tai. Mơ bơklơn lơgar ơn dô rhiang talơng priă mơ dô talơng màh.

II Ală Bơtau 23:35

Jehôyakim ai priă mơ màh Pharaôn in. Mơya khai tă dia di lơgar nàng tơl khà priă mơ Pharaôn neh sồr ơn. Khai lơh nền tòm toh khà priă mơ màh bơh di làng bol tòm lơgar, kòp nă pal dap; gen jào gơ Pharaôn Nekô in.

II Yal Yau 9:26

Khai at bồ hơđang jơh ală cau bơtau bơh Hiòng Ơphrat tus hơ lơgar Philistin, mơ tus di nhàr lơgar Ejiptơ dê.

Ejra 4:20

Jerusalem neh gơs ală cau bơtau gơs gơnoar pràn at bồ làm jơh Đah Ne Hiòng, mơ làng bol neh dap dia bơh jơh ală bơta ală cau bơtau hơ̆ in.

Nehemi 5:4

Kung gơs cau ndai đơs lah: “Bol hi neh càn priă hơđang mìr sre mơ suơn ño bol hi dê nàng geh priă boh dia bơtau in.

Nehemi 9:37

Bơta gơlik cồng nha tơngkah tơngkañ neh gơrê mơ ală bơtau mơ Kơnràñ neh bơtào hơđang bol hi, tài bơh tồi glài bol hi dê. Bol khai gơs gơnoar hơđang să bol hi mơ hơđang ală phan poan jơng bol hi dê jat nùs bol khai kòñ. Bol hi ơm tòm bơta bòl glar ngan.

Đơs Crih 122:4

Ală jơi bơtiàn làng bol Yàng Jehôwa dê guh hơ ƀòn hơ̆, Jat be bơta lơh nền cau Israel dê, nàng ưnngài sơnđan Yàng Jehôwa.

Esai 14:12

Ơ sơmañ àng drim, kòn klau àng drim dê, mbe gơlơh mê neh dùh bơh đang trồ, mê la cau neh tơmù ală lơgar, mbe gơlơh mê neh kong tơndùh tòm ù tiah taih!

Esai 22:2

Ơ ƀòn dờng bềng jơnau driau dờng, la ƀòn dờng nggồr nggàc mơ ñô sa rui ràm? Ală cau kòl tơnchơt mê dê ò di chơt bơh đào, kung ò chơt tòm bơta tòmlơh.

Esai 3:26

Ală mpồng Siôn dê rơp ñìm rac mơ pơt wòl; Khai rơp be dô nă cau ùr nggui tòm ù ngềt ngơt.

Esai 49:21

Gen bol mê rơp đơs tòm nùs bol mê dê lah: ‘Ñcau neh tơnggơs añ in ală kòn do taih? Añ neh ñìm ƀồc mơ ơm kơnền; Añ neh kong kup cèng mơ ơm tiah ngài. Ñcau neh ròng siam ală kòn do taih? Añ neh gơkòl sang lòi ơm is dô nă, mơya ală kòn do neh tus bơh lơi taih?’”

Esai 50:5

Yàng Jehôwa la Yàng Tom Trồ neh pò tồr Añ, Añ ò gam tòmdră, Añ neh ò ruc wơl.

Esai 52:2

Guh tĕ, rtuh tĕ să tòm bol mê bơh thul ơmul, Ơ Jerusalem tiah gơkòl kup cèng. Ơ kòn ùr Siôn la cau kòl kup cèng, hồ tĕ che kơt bơh di ngko ai dê.

Esai 52:7

Hàng mơnĕ ò git nđò hơđang ală mơnơm, ală mpàng jơng ală cau cèng jơnau niam, bơto yal bơta lơngap lơngai, yal tơlik bơta dong klàs, mơ đơs mơ Siôn lah: “Yàng Tom Trồ mê at bồ!”

Esai 54:4

Bañ rngòt, bơh ai rơp ò kòl ƀàssìl. Bañ ruc wơl bơh ai rơp ò gơkòl sền òsơp; Ai rơp hŭi bơta ƀàssìl tŭ ai gam ơruh, mơ ò tai kah bơta sền òsơp tòm tŭ ai ơm bơnrau.

Jeremi 31:7

Yàng Jehôwa đơs be do: “Đơs chò dờng tĕ chò hòp bơh Jakôp; Driau chò tĕ bơh cau lam bồ ală lơgar. Yal tơlik tĕ bơta jòng ro mơ đơs lah: ‘Khoai Yàng Jehôwa, dan dong klàs làng bol Kơnràñ, La làng bol gam wơl Israel dê.’

Jeremi 40:9

Gedalia, kòn klau Ahikam, sau Saphan, ngui jơnau srat să ho nền mơ ală cau hơ̆ bal mơ ală cau mơ bol khai lah: “Bañ rngòt duh broă cau Kalde; ơm tĕ tòm lơgar mơ duh broă bơtau Babilôn, gen rơp gơs niam bol mê in.

Jeremi 42:2

neh tus đơs mơ Jeremi lah: “Dan dòp jơnau bol hi dan, mơ hòi dan ala mơ Jehôwa Yàng Tom Trồ ồng dê bol hi in, hơ̆ la ală cau gam wơl in. Mơ tai, bol hi bơh lài ngan la oă cau, ngai do gam wơl dô êt ngan, kung be mat ồng neh gŏ.

Jeremi 44:2

Yàng Jehôwa Gơnap Gơnoar, Yàng Tom Trồ Israel dê đơs be do: “Bol mê neh gŏ ală bơta rung rài mơ Añ neh tơndùh hơđang Jerusalem mơ ală ƀòn Juda dê. Ne, ală ƀòn hơ̆ ngai do gơkòl sang lòi ngềt ngơt ò gơs cau ơm,

Jeremi 44:6

Gen tàng bơta gơjrañ mơ bơta gơjrañ dờng Añ jê neh tuh tơlik kung be ồs chu ală ƀòn Juda dê mơ ală gùng ƀòn dờng Jerusalem dê; mơ bol gơ kong phà tơrlah ngềt ngơt jơl tus ngai do.

Jeremi 50:23

Mbe lơi dô nơm mut pòng jơh làm ù, Neh kong dơrpă rau! Mbe Babilôn neh gơlik gơs rngòt rngơt! Digùl ală lơgar

Jeremi 9:11

“Añ rơp lơh Jerusalem in gơlik gơs dô gơnru tơrlah tơrlơm, Trồm ơm so rhau dê; Mơ lơh ală ƀòn dờng Juda dê gơlik gơs tiah lòi srau, ò gơs cau ơm.”

Ñìm Rac 1:19

Añ neh hòi ală cau kòñ gơboh añ jê, mơya bol khai pơrlồm añ. Ală cau gơnoar ơn phan duh khoai mơ kwang kra añ jê neh roh rui tòm ƀòn dờng. Tòm tŭ jòi phan sa nàng geh wơl bơta pràn kơldang bol khai dê.

Ñìm Rac 2:1

Mbe tòm bơta gơjrañ dờng Yàng Jehôwa dê neh lơh ƀàssìl kòn ùr Siôn dê! Kơnràñ neh sơrbì bơh đang trồ tus tòm ù bơta gơklŏ ryŭ ryơm Israel dê. Kơnràñ neh ò kah kơrnòl ơn jơng Kơnràñ dê, tòm ngai gơjrañ dờng Kơnràñ dê.

Ñìm Rac 2:10

Ală cau kwang kra kòn ùr Siôn dê ơm nggui mŏ mŏ tòm ù; Bol khai tuh thul hơđang bồ, mơ soh ƀào sơnò kiat. Ală kòn ơruh Jerusalem dê kun bồ bol khai tus tòm ù.

Ñìm Rac 4:1

Mbe lơi màh gơlik lu li, mbe lơi màh ngan neh gơtòmgơl! Ală pơnai lŭ sàng goh ơm nrah nring tòm ală bơr gùng!

Ñìm Rac 5:16

Sơgơn bơtau dùh bơh bồ bol hi, Bòl glar bol hi in, bơh bol hi neh tìs glài!

Ejekiel 26:16

Gen jơh ală cau kwang bơtau at bồ rò gah dàlềng rơp mù bơh di sơbàn bol khai dê; hồ ală ào kwang bơtau mơ tă ală ồi ào jing bơka hàng mơnĕ bol khai dê. Bol khai rơp soh să tòm bol khai mơ bơta rngòt rngơt, bol khai rơp nggui tòm tiah, rơm să ò dơh, mơ rngòt rngơt bơh mê.

Ejekiel 26:2

“Ơ kòn mơnus, tài bơh Tirơ neh đơs bơh Jerusalem lah: ‘Ha ha! Mpồng dờng ală làng bol dê neh tơrlah rau! Ală mpồng gơ dê neh pò añ in; tŭ do gơ neh kòl tơnroh jơh hir mơ añ rơp geh gơbơtơl tai.’

Ejekiel 5:5

Yàng Jehôwa đơs be do: “Do la Jerusalem, Añ neh ơn gơ digùl ală làng bol, bal mơ ală lơgar ơm gùt dar gơ.

Lebi 26:31

Añ rơp lơh ală ƀòn dờng bol mê dê gơlik gơs ală gơnru tơrlah tơrlơm mơ lơh ală tiah sàng goh bol mê dê gơlik gơs tiah sang lòi srau gòi, mơ Añ rơp cù kìr di ƀô bơlhu ală phan ơn bol mê dê.

Lebi 26:33

Añ rơp rsìh bol mê tòm gùl ală làng bol mơ Añ rơp tă đào ting jat bol mê. Lơgar bol mê dê rơp gơkòl sang lòi srau gòi, mơ ală ƀòn dờng bol mê dê rơp kong tơnroh.

Sôphôni 2:15

Do ngan la dô nơm ƀòn dờng ò càng kơlôi rcang, ơm lơngap lơngai. Gơ đơs is tòm nùs lah: “Añ do, rlau mơ añ gơs cau lơi ndai tai sơl ơ”? Mơya gơ neh gơlik gơs tiah sang lòi ngềt ngơt, la tiah ơm ală phan poan jơng tòm brê! Jơh ală cau lòt gan gơ rơp hwac mơ rtơs tê.

Yal Tơlik 18:7

Khai neh jòng is să he mơ lơh gơlềng gơlàng kàr lơi, gen lơh tĕ di khai jê sồt bòl glar mơ ñìm rac kàr hơ̆ sơl. Bơh tòm nùs khai kơlôi lah: ‘Añ nggui hơđang sơbàn bơtau ùr, añ ò di la cau ùr bơnrau, añ rơp ò gơs tŭ lơi gŏ bơta ñìm rac ò.’