Mathiơ 19:21 - Sră Goh 2018

²¹ Yàng Jesu đơs mơ khai lah: “Dilah mê kòñ gơs wil tơl, gen lòt tĕ tac jơh ală phan mơna mê dê mơ tòmpà cau rƀah lơòi in, gen mê rơp geh phan màng hơđang trồ; lồc behơ̆ tus tĕ jat Añ.”

Mathiơ 19:21 交叉參考

Sơnròp Gơlik Gơs 17:1

Tòm tŭ Abram neh tơl sin jơt sin nam, gen Yàng Jehôwa tơlik mat mơ khai mơ đơs lah: “Añ la Yàng Tom Trồ Gơnap Gơnoar Làm Jơh, mê lòt tĕ di đap Añ mơ lơh gơs dô nă cau wil tơl.

Sơnròp Gơlik Gơs 6:9

Do la jơi bơtiàn Nôe dê. Nôe tòm rài khai la dô nă cau song ring mơ wil tơl ngan, mơ khai lòt bal mơ Yàng Tom Trồ.

Sră Jop 1:1

Tòm lơgar Us, gơs dô nă cau sơnđan la Jop. Cau hơ̆ la wil tơl mơ song ring, duh rngòt di Yàng Tom Trồ mơ pleh ngài di bơta iơh bơsak.

Đơs Crih 37:37

Ai tĕ nùs kơlôi di cau ò gơs tiah geh lah pơrhơng, mơ sền tĕ di cau song ring, Bơh cau ring lơngai geh kòn sau rơ̆sơmpài ràipơjềng.

Mathiơ 16:24

Chòp Yàng Jesu đơs mơ ală cau bơtê lah: “Dilah cau lơi kòñ jat Añ, gen pơndang sang tĕ să he, tui chi pơng he mơ jat Añ.

Mathiơ 19:20

Cau pơnu hơ̆ đơs lah: “Añ neh prap gàr ală bơta hơ̆ rau, bơta lơi añ gam siơ̆u taih?”

Mathiơ 19:22

Mơya dơ̆ kơno jơnau hơ̆, gen cau pơnu moat jrùng mơ lòt, bơh khai gơs oă ngan phan mơna.

Mathiơ 19:28

Yàng Jesu ho lah: “Di ngan Añ đơs mơ bol mê, tus di tŭ jơh ală bơta gơs wơl pa, la tŭ Kòn Mơnus rơp nggui hơđang sơbàn gơklŏ Kơnràñ dê, gen bol mê la cau neh jat Añ kung rơp nggui hơđang jơt bàr nơm sơbàn mơ cahrña jơt bàr jơi bơtiàn làng bol Israel.

Mathiơ 4:19

Kơnràñ đơs mơ bol khai lah: “Jat tĕ Añ; Añ rơp lơh bol mê in gơlik gơs cau dang bơtơng cau.”

Mathiơ 5:48

Behơ̆ bol mê gơlik gơs tĕ wil tơl, be Bèp bol mê hơđang trồ la wil tơl.”

Mathiơ 8:22

Mơya Yàng Jesu đơs lah: “Jat tĕ Añ, lòi cau chơt tơp cau chơt bol khai dê.”

Mathiơ 9:9

Yàng Jesu lòt bơh tềng hơ̆, gŏ dô nă cau sơnđan la Mathiơ nggui tòm tiah boh dia, gen sồr khai lah: “Jat tĕ Añ.” Khai ñă ntào mơ jat Kơnràñ.

Jơnau Niam Jat Mak 10:21

Yàng Jesu sền di khai mơ kòñ gơboh, gen đơs lah: “Mê gam siơ̆u dô bơta lơm. Lòt tĕ tac jơh ală phan mơna mê dê mơ tòmpà cau rƀah lơòi in, gen mê rơp geh phan màng hơđang trồ; lồc behơ̆ tus tĕ jat Añ.”

Jơnau Niam Jat Mak 2:14

Tòm tŭ lòt gan, Kơnràñ gŏ Lebi kòn Alphe nggui tòm tiah boh dia, gen đơs mơ khai lah: “Jat tĕ Añ.” Khai ñă ntào mơ jat Kơnràñ.

Jơnau Niam Jat Mak 8:34

Chòp Kơnràñ hòi mpồl làng bol bal mơ cau bơtê tus mơ đơs lah: “Dilah cau lơi jat Añ, gen pơndang sang tĕ să he, tui chi pơng he mơ jat Añ.

Luka 12:33

Tac tĕ phan bol mê nàng pà gòi; rcang tĕ he in kơldung priă ò klar siar, phan màng ò roh hơđang trồ, la tiah cau kơñau ò rgơi tus rềp, mŏ tu ò lơh ồm lề.

Luka 14:33

Kung behơ̆ sơl, dilah cau lơi tòm bol mê ò sang lòi jơh ală bơta he gơs, gen ò rgơi lơh gơs cau bơtê Añ jê.

Luka 16:9

Añ đơs mơ bol mê, ngui tĕ priă jền ò song ring nàng jòi lơh oh mi bơyô, tồ tŭ gơ neh jơh gen bol khai wă rò bol mê mut tòm hìu gam sùm sùm.

Luka 18:22

Yàng Jesu kơno bơta hơ̆ gen đơs mơ khai lah: “Mê gam siơ̆u dô bơta: Tac tĕ jơh ală phan mơna mê dê mơ tòmpà cau rƀah lơòi in, gen mê rơp geh phan màng hơđang trồ; lồc behơ̆ tus tĕ jat Añ.”

Luka 5:27

Tơnơ̆ mơ hơ̆, Yàng Jesu lik lòt, gŏ dô nă cau dar dia sơnđan la Lebi nggui tòm tiah boh dia, gen sồr khai lah: “Jat tĕ Añ.”

Luka 6:40

Cau bơtê ò lin rlau mơ cau bơto, mơya dilah cau bơtê geh bơto wil tơl gen rơp be cau bơto.

Luka 9:23

Chòp Kơnràñ đơs mơ tơl nă cau lah: “Dilah cau lơi kòñ jat Añ, gen pơndang sang tĕ să he, kòp ngai tui chi pơng he dê mơ jat Añ.

Jang 10:27

Belàt Añ kơno jơnau Añ, Añ git bol gơ mơ bol gơ jat Añ.

Jang 12:26

Dilah cau lơi duh broă Añ, gen pal jat Añ, mơ Añ ơm tiah lơi gen cau duh broă Añ kung rơp ơm tềng hơ̆ sơl. Dilah cau lơi duh broă Añ, gen Bèp Añ rơp sền khai màng ryŭ.”

Broă 2:45

Bol khai tac jơh phan mơna sre brê bol khai dê nàng tòmpà bal jat be bơta ngui sa kòp nă cau dê.

Hebrơ 10:34

Bơh oh mi neh gơs nùs nđàc sơngit ală cau kong jàm, gơs nùs hòn chò bulah roh phan mơna, bơh oh mi git he gơs phan mơna niam rlau gam sùm sùm.