Mathiơ 16:21 - Sră Goh 2018

²¹ Bơh tŭ hơ̆, Yàng Jesu sơntòm yal ală cau bơtê in git Kơnràñ pal lòt tus hơ Jerusalem, pal kong oă bơta jê sồt bòl glar bơh ală cau kwang kra, ală cau gơnoar lam bồ ơn phan duh khoai, ală cau bơto bơta boh lam, mơ pal kong tơnchơt, tus dê ngai pe gen geh kis wơl.

Mathiơ 16:21 交叉參考

Nehemi 12:7

Salu, Amok, Hilkia, mơ Jedayah. Do la ală cau at bồ ală cau ơn phan duh khoai mơ ală oh mi bol khai dê tòm rài Jesua.

Mathiơ 12:40

Be Jôna neh ơm tòm kơndul ka dờng tòm pe ngai mơ pe mơnang, Kòn mơnus kung rơp ơm tòm kơnàng ù tòm pe ngai mơ pe mơnang behơ̆ sơl.

Mathiơ 16:22

Pier lam Kơnràñ lik is mơ lah pơrhơng lah: “Ơ Yàng, Yàng Tom Trồ ò kòñ behơ̆ ò. Bơta hơ̆ ò tŭ lơi tus di Kơnràñ ò.”

Mathiơ 16:28

Di ngan Añ đơs mơ bol mê, tòm ală cau ntào tềng do, gơs cau rơp ò chơt lài mơ tŭ gŏ Kòn Mơnus tus tòm lơgar Khai dê.”

Mathiơ 17:12

mơya Añ đơs mơ bol mê lah Eli neh tus rau, mơya cau ò git đal khai, mơ lơh di khai jat nùs kòñ bol khai dê, Kòn Mơnus kung rơp kong bòl glar jê sồt bơh bol khai behơ̆ sơl.”

Mathiơ 17:9

Tòm tŭ mù bơh mơnơm, Yàng Jesu bơkơŭ bol khai lah: “Bañ yal bơta gơtơnggŏ hơ̆ cau lơi in, jơl tus di tŭ Kòn Mơnus kis wơl bơh bơta chơt.”

Mathiơ 20:28

Kung be Kòn Mơnus neh tus ò di nàng cau duh broă Khai in, mơya nàng duh broă cau in, mơ phi bơta kis Khai lơh gơs phan tơwài oă cau.”

Mathiơ 26:2

“Bol mê git lah gam bàr ngai tai, gen tus di bơta pơjum sa Lòt Gan, mơ Kòn Mơnus rơp gơkòl bơtào nàng pơng di chi pơng.”

Mathiơ 26:47

Tòm tŭ Kơnràñ gam đơs, gen Juda la dô nă cau tòm jơt bàr nă cau bơtê, tus bal mơ dô mpồl cau oă at đào mơ gai, tus bơh ală cau gơnoar lam bồ ơn phan duh khoai mơ ală cau kwang kra làng bol dê.

Mathiơ 27:12

Tòm tŭ ală cau gơnoar dờng lam bồ ơn phan duh khoai mơ ală cau kwang kra yă Kơnràñ, Kơnràñ ò ho dô êt lơi.

Mathiơ 27:63

mơ đơs lah: “Ơ ồng, bol hi kah cau blac pơrlồm do tòm tŭ gam kis đơs lah: ‘Tơnơ̆ mơ pe ngai gen Añ rơp kis wơl.’

Mathiơ 28:6

Kơnràñ ò ơm tềng do, Kơnràñ neh kis wơl rau, be jơnau Kơnràñ neh đơs. Tus tĕ sền tiah Kơnràñ neh bic.

Jơnau Niam Jat Mak 8:31

Tŭ hơ̆ Yàng Jesu sơntòm bơto bol khai lah: Kòn Mơnus pal kong oă bơta bòl glar, pal kong ală cau kwang kra, ală cau gơnoar lam bồ ơn phan duh khoai mơ ală cau gơnoar cih sang tơlik, mơ kong cau tơnchơt, tơnơ̆ mơ pe ngai gen kis wơl.

Jơnau Niam Jat Mak 9:12

Kơnràñ ho lah: “Ngan Eli pal tus lài bơtào wơl jơh ală bơta. Ai jơnau neh cih bơh Kòn Mơnus lah Kơnràñ pal kong oă bơta bòl glar mơ gơkòl sền òsơp gen mbe lơi taih?

Luka 17:25

Mơya lài ngan Kơnràñ pal kong oă bơta bòl glar mơ gơkòl cau rài do sang lòi.

Luka 24:46

mơ đơs mơ bol khai lah: “Gơs jơnau cih lah Bơtau Krist pal kong bòl glar, mơ tòm ngai pe kis wơl bơh bơta chơt,

Luka 9:31

Bol khai tơlik să tòm bơta gơklŏ, đơs bơh bơta chơt Kơnràñ dê mơ Kơnràñ rơp lơh wil tơl tòm Jerusalem.