Jôsue 9:1 - Sră Goh 2018

¹ Tòm tŭ ală cau bơtau ơm đah ne hiòng Jordan dê, ơm tòm lơgar kơh mơnơm, mơ tòm tiah liah rò gah Dàlềng Dờng hơ đah Liban, la bơtau làng bol Hetit, Amôrit, Kanaan, Pherijit, Hebit mơ Jebusit, kơno bơh bơta do,

Jôsue 9:1 交叉參考

II Samuel 24:7

mơ lòt tus hơ theng kơ̆ cê Tirơ dê mơ tus hơ jơh ală ƀòn dờng cau Het mơ cau Kanaan. Lồi tơnơ̆ bol khai neh lòt tus hơ Negep tiah Juda tòm Beerseba.

Lik Ejiptơ 23:23

Cau gơnrơh Añ jê rơp lòt hơđap mê mơ cèng mê mut tòm lơgar cau Amôr, cau Hetit, cau Pheres, cau Kanaan, cau Hebit, mơ cau Jebusit, mơ Añ rơp tơnroh jơh hir bol khai.

Lik Ejiptơ 23:31

Añ rơp bơtào kơ̆ nhàr lơgar bol mê dê bơh Dàlềng Pơrhê jơl tus di Dàlềng Philistin, bơh ƀlàng ngềt ngơt tus di Hiòng Ơphrat. Añ rơp jào tòm tê bol mê làng bol ơm tòm lơgar, mơ bol mê rơp ting bơtrơh bol khai lik bơh di đap bol mê.

Lik Ejiptơ 3:17

Mơ Añ neh ho dong tă bol mê lik bơh di bơta bòl glar bol mê dê tòm lơgar Ejiptơ nàng cèng tus hơ lơgar cau Kanaan, cau Hetit, cau Amôr, cau Pheres, cau Hebit, mơ cau Jebusit dê, la dô nơm lơgar gơs lìu làc dà toh mơ dà lơwe.’

Lik Ejiptơ 34:11

Dòn bơr lơh jat tĕ jơnau Añ sồr mê ngai do. Añ rơp ting bơtrơh bơh di đap mê cau Amôr, cau Kanaan, cau Hetit, cau Pheres, cau Hebit, mơ cau Jebusit.

Khà Làng Bol 13:29

Ală cau Amalek ơm đah đơm; ală cau Hetit, cau Jebusit mơ cau Amôr ơm tòm tiah kơh mơnơm; ală cau Kanaan ơm rềp dàlềng mơ rò gah Jordan.”

Khà Làng Bol 34:6

Nhàr đah mattơngai mut lơgar bol mê dê rơp la gah Dàlềng Dờng. Hơ̆ rơp la nhàr lơgar bol mê dê di đah mattơngai mut.

Yal Wơl 1:7

Tă tĕ sàl mơ mut tòm lơgar mơnơm ală cau Amôrit dê; lòt tĕ hơ jơh ală làng bol ơm gùt dar tòm Arabah, tòm ală mơnơm, tòm kơnhwàl Sephelah, tòm kơnhwàl Negep mơ rò gah dàlềng, tòm lơgar cau Kanaan mơ tòm Lebanon, ngài tus hơ hiòng dờng Ơphrat.

Yal Wơl 3:25

Dan ai añ in tiă mơ sền gŏ lơgar niam đah ne Jordan la lơgar mơnơm mơ Liban hàng mơnĕ.”

Yal Wơl 4:49

bal mơ gơ jơh Arabah đah mattơngai lik Jordan, ngài tus di dàlềng kơnhwàl Arabah, hơđơm jơng mơnơm Pisgah.

Yal Wơl 7:1

Tòm tŭ Jehôwa Yàng Tom Trồ bol mê dê cèng bol mê tus di lơgar mơ bol mê rơp mut mơ dòp geh mơ ting bơtrơh bơh di đap bol mê oă làng bol, hơ̆ la ală cau Hetit, Girgas, Amôr, Kanaan, Pheris, Heb mơ Jebusit, jơh ală la poh làng bol dờng rlau mơ pràn kơldang rlau mơ bol mê,

Jôsue 1:15

jơl tus di tŭ Yàng Jehôwa ai ală oh mi bol mê in bơta rlô lơngai kung be neh ai bol mê in, mơ bol khai kung dòp geh sre brê mơ Jehôwa Yàng Tom Trồ ai bol khai in. Gen bol mê rơp rê wơl hơ ù tiah bol mê dê mơ dòp sre brê gơ dê, ù tiah mơ Môise cau duh broă Yàng Jehôwa dê neh ai bol mê in đah mattơngai lik hiòng Jordan.”

Jôsue 1:4

Bơh ƀlàng ngềt ngơt mơ tiah Liban do jơl tus di hiòng dờng, la hiòng Ơphrat, mơ jơh ù tiah làng bol Hetit dê, tus di Dàlềng Dờng đah mattơngai mut la ù tiah bol mê dê.

Jôsue 10:23

Gen bol khai lam pram nă cau bơtau hơ̆ lik lòt tus hơ Jôsue, hơ̆ la ală bơtau Jerusalem, Hebrôn, Jarmut, Lakis mơ Eglôn.

Jôsue 11:17

bơh mơnơm Halak guh hơ đah Seir, tus hơ Baal Gat tòm thòng Liban di jơng mơnơm Hermôn. Khai kup jơh ală bơtau bol gơ dê pòng lơh mơ tơnchơt jơh bol khai.

Jôsue 13:5

mơ lơgar làng bol Gebalit, mơ jơh Liban tus hơ đah mattơngai lik, bơh Baal Gat ơm hơđơm mơnơm Hermôn tus di Lebô Hamat,

Jôsue 15:12

Nhàr đah mattơngai mut lòt rò gah Dàlềng Dờng. Hơ̆ la nhàr lơgar gùt dar làng bol Juda jat ală mpồl hìu nhă bol khai dê.

Jôsue 22:4

Tŭ do Jehôwa Yàng Tom Trồ bol mê dê neh ai ală oh mi bol mê in bơta rlô lơngai jat be Kơnràñ neh ho pơgon. Gen tàng rê tĕ hơ sàl bol mê dê tòm ù tiah gơs sre brê bol mê dê la tiah Môise cau duh broă Yàng Jehôwa dê, neh ai bol mê in đah ne hiòng Jordan.

Jôsue 22:7

Tŭ hơ̆ Môise neh ai nggùl jơi bơtiàn Manase in dô pơnah sre brê tòm Basan; mơya nggùl jơi bơtiàn ne Jôsue neh ai dô pơnah sre brê di gah oh mi Israel bol khai tòm ù tiah đah mattơngai mut hiòng Jordan. Mơ tòm tŭ Jôsue sồr bol khai rê hơ sàl bol khai dê, gen ai lơngai bol khai in,

Jôsue 23:4

Añ neh jào bol mê in pơnah sre brê jơi bơtiàn bol mê in jơh ală lơgar gam wơl, bal mơ ală lơgar añ neh tòmpìt ai bơh di hiòng Jordan tus hơ Dàlềng Dờng đah mattơngai mut.

Jôsue 24:11

Lồc behơ̆ bol mê neh tiă hiòng Jordan mơ tus hơ Jerikô. Làng bol Jerikô tòmlơh mơ bol mê, kung be ală làng bol Amôrit, Pherijit, Kanaan, Hetit, Girgasit, Hebit mơ Jebusit, mơ Añ neh jào bol khai tòm tê bol mê dê.

Jôsue 3:10

Bơh bơta do bol mê rơp git Yàng Tom Trồ la Bơtau kis gam sùm sùm ơm digùl bol mê, mơ ngan la Kơnràñ rơp ting bơtrơh bơh di đap bol mê làng bol Kanaan, làng bol Hetit, làng bol Hebit, làng bol Pherijit, làng bol Girgasit, làng bol Amôrit mơ làng bol Jebusit:

Jôsue 3:17

Ală cau gơnoar ơn phan duh khoai tùng Đài Bơta Ho Bal Yàng Jehôwa dê ntào kơ̆ hơđang ù rañ rsơh digùl hiòng Jordan, jơl tus tŭ jơh làng bol Israel lòt gan hơđang ù rañ rsơh jơl tus di tŭ jơh làng bol neh tiă hiòng Jordan sir rau.

Jôsue 5:1

Tòm tŭ jơh ală bơtau làng bol Amôr ơm đah mattơngai mut hiòng Jordan dê, bal mơ jơh ală bơtau cau Kanaan ơm rò gah dàlềng, kơno bơh bơta Yàng Jehôwa neh lơh rañ rsơh dà hiòng Jordan di đap làng bol Israel jơl tus di tŭ bol khai neh tiă hiòng, gen ală cau bơtau hơ̆ gơdô nùs jơh, mơ hwềng nùs tòm bol khai ò gam tai, tài bơh làng bol Israel.

Jôsue 6:27

Behơ̆ Yàng Jehôwa ơm bal mơ Jôsue, mơ khai geh tiơng pơnro tòm làm lơgar.

Jôsue 9:7

Cau Israel đơs mơ ală cau Hebit lah: “Digơlan bol mê ơm rềp mơ bol hi; behơ̆ gen mbe bol hi rgơi lơh bơta tòmho bal mơ bol mê taih?”