Jôel 3:4 - Sră Goh 2018

⁴ Ơ Tirơ mơ Sidôn, mơ jơh ală kơnhwàl lơgar Philistin dê, ñchi bơta bol mê tơm wơl Añ in taih? Bol mê kòñ sal wơl di Añ bơh ală broă Añ neh lơh ơ? Dilah bol mê sal wơl di Añ, Añ rơp sơrbac sơrbang mơ mhar tuh wơl hơđang bồ bol mê ală bơta bol mê neh lơh.

Jôel 3:4 交叉參考

II Yal Yau 21:16

Yàng Jehôwa tơngguh bơta gơjrañ cau Philistin mơ cau Arap ơm rềp mơ cau Kus tòmdră mơ Jehôram.

Esai 14:29

“Ơ jơh ală cau Philistin, bañ hòn chò tài bơh gai pù ơlih bol mê neh pă; bơh di jơi bơs hơ̆ rơp tơnggơs dô nơm bơs prào, bơh hơ̆ rơp tơnggơs dô nơm bơs ồs dờng par.

Esai 34:8

Bơh Yàng Jehôwa neh gơs dô ngai nàng sal tê, gơs dô nam nàng lơh cơng bơh bơta gơrềng tus di Siôn.

Esai 59:18

Kơnràñ rơp tơm wơl jat be broă bol khai neh lơh: bơta gơjrañ dờng hơđang ală cau sò tơm di Kơnràñ, mơ bơta sal tê di ală cau tòmdră mơ Kơnràñ; Kơnràñ rơp tơm wơl ală bồt pơlào in.

Jeremi 47:1

Do la jơnau bơh Yàng Jehôwa đơs mơ cau gơnoar hwơr Jeremi bơh cau Philistin, lài mơ tŭ Pharaôn òhềt brồ lơh Gaja.

Jeremi 47:4

Tài bơh ală ngai hơ̆ neh tus nàng tơnroh jơh làng bol Philistin Mơ tă tơlik bơh Tirơ mơ Sidôn Ală cau dong kòl ală cau gam wơl. Bơh Yàng Jehôwa tơnroh làng bol Philistin, Hơ̆ la ală cau gam wơl tòm bồt pơlào Kaptôr.

Jeremi 51:6

Dô tĕ bơh digùl Babilôn, Kòp nă dong klàs tĕ bơta kis he dê! Bañ tài bơh tồi glài gơ mơ kong chơt roh. Bơh do la tŭ tơngai sal tê Yàng Jehôwa dê, Kơnràñ tơm wơl gơ in di pal.

Jôel 2:10

Ù gơlơnggơr di đap bol gơ, ală tap trồ wañ lơnggơh, mattơngai mơ mat kơnhai gơlik klam jơngo, ală sơmañ ò àng tai.

Jôel 2:2

Dô ngai klam jơngo, mơ ngềt ngơt, dô ngai bềng mhwal mơ jơngo cik. Be bơta jơngo jù cik gòm hơđang ală mơnơm, dô mpồl ling dờng mơ pràn kơldang lòt tus; bơta behơ̆ bơh rài yau òhềt tŭ lơi gơs, mơ kung rơp ò tŭ lơi gơs behơ̆ tòm rài tơnơ̆ rơp tus sơl.

Mathiơ 11:21

“Bòl glar mê in, ơ Kôrajin! Bòl glar mê in, ơ Betsaida! Bơh ală broă gơnap gơnoar neh geh lơh gơs digùl bol mê, dilah geh lơh gơs tòm Tirơ mơ Sidôn, gen bol khai neh soh ào bài sơnò kiat, ơm tòm bùh mơ gơjrañ sang glài neh jŏ rau.

Mathiơ 11:22

Mơya Añ đơs mơ bol mê, tòm ngai cahrña, Tirơ mơ Sidôn rơp kong nggòc rlau mơ bol mê.

Luka 10:13

“Bòl glar mê in, ơ Kôrajin! Bòl glar mê in, ơ Betsaida! Bơh ală broă gơnap gơnoar neh lơh gơs digùl bol mê, dilah geh lơh gơs tòm Tirơ mơ Sidôn, gen bol khai neh soh ào bài sơnò kiat, nggui tòm bùh mơ gơjrañ sang glài neh jŏ rau.

Luka 10:14

Behơ̆ tòm ngai cahrña, Tirơ mơ Sidôn rơp kong nggòc rlau mơ bol mê.

Luka 18:7

Behơ̆, Yàng Tom Trồ ò di ò cahrña song ring ală cau geh sac rwah Kơnràñ in, la ală cau ngai mơ mang hòi dan mơ Kơnràñ, mơ òbat ho mơ bol khai ơ?

Broă 9:4

Khai gơplơ̆ tòm ù, mơ kơno jơnau đơs mơ khai lah: “Ơ Sol, Sol, ñchi bơh tài mê kup kơryan Añ taih?”

Yal Wơl 32:35

Bơta sal tê gơrê mơ Añ, Añ rơp tơm wơl, bơh tŭ jơng bol khai rơp ntiar; tài bơh ngai rung rài bol khai dê neh tus rềp, mơ khà lơh nền rài kis bol khai dê neh tus mhar.”

II Tesalônika 1:6

Bơh dilah bơta song ring Yàng Tom Trồ dê la ai bơta jê sồt bòl glar sal tê ală cau neh lơh jê sồt bòl glar di oh mi,

Ală Kwang Cahrña 11:12

Gen Jepthe sồr cau kong sồr lòt tus hơ bơtau Ammôn mơ lùp lah: “Ñchi jơnau gơs digùl mê mơ añ mơ mê neh tus tòmlơh tòmdră mơ lơgar bol hi taih?”