Jeremi 8:2 - Sră Goh 2018

² Cau rơp pràng ală ntìng ƀồc hơ̆ hơđơm mattơngai, mat kơnhai, mơ ală sơmañ hơđang trồ, hơ̆ la ală phan mơ bol khai kòñ gơboh, duh broă; la phan bol khai lòt jat, jòi jat mơ duh khoai. Gơ rơp ò geh tơrgòm wơl hala tơp bồr, gơ rơp kung be è hơđang ù.

Jeremi 8:2 交叉參考

II Ală Bơtau 17:16

Bol khai pơndang sang jơh ală bơta boh lam Jehôwa Yàng Tom Trồ bol khai dê mơ lơh bol khai in rùp pac sềr bàr nơm kòn kơnrồ, bol khai bơtào ală jrong duh khoai Asera, duh khoai jơh ală sơmañ đang trồ, mơ duh broă Baal.

II Ală Bơtau 21:3

Bơh khai bơt bơtào wơl ală tiah jơnhoa mơ Ejekia bèp khai neh phà tơrlah, bơtào wơl cơnòng duh khoai Baal, bơtào rùp ràk Asera tòm toh be Ahap bơtau Israel neh lơh, duh khoai ală sơmañ hơđang trồ mơ duh broă gơ.

II Ală Bơtau 21:5

Khai bơt ală cơnòng duh khoai kòp nơm rùp hơđang trồ, tòm bàr bă tiah ơdŭ mpang hìu duh khoai Yàng Jehôwa dê.

II Ală Bơtau 23:5

Bơtau kung bơtrơh ală cau gơnoar ơn phan duh khoai ală yàng rùp ràk mơ ală cau bơtau Juda neh bơtào gơs, nàng chu kơlhô hơđang ală tiah jơnhoa tòm ală ƀòn Juda mơ tòm ală tiah gùt dar Jerusalem; kung bơtrơh ală cau gơnoar ơn phan pơdơng Baal, mattơngai, mat kơnhai, mơ jơh ală sơmañ hơđang trồ in.

Đơs Crih 53:5

Ne, bol khai rngòt rngơt ngan, tian gơs òhềt tŭ lơi gơs behơ̆, Bơh Yàng Tom Trồ rơp rsìh ntìng cau ò duh rngòt; Bol khai rơp kong ƀàssìl, bơh Yàng Tom Trồ neh sang lòi bol khai.

Đơs Crih 83:10

La cau kong tơnroh tòm Endôr, gơlik gơs phan pơnđồm ù.

Đơs Crih 83:11

Dan lơh ală cau ryŭ ryơm bol khai dê gơlik gơs be Ôrep mơ Jeep; Dan lơh jơh ală kwang dờng bol khai dê gơlik gơs be Jeba mơ Jalmuna,

Cau Bơto 6:3

Dilah dô nă cau tơnggơs dô rhiang nă kòn, mơ kis jŏ sơnam, mơya bulah oă ngai tòm rài kis khai dê, dilah khai ò hòn chò bơh bơta niam tòm rài kis khai dê, hala chơt ò geh tơp, añ đơs lah dô nă kòn gơyò la niam rlau mơ khai;

Jeremi 14:16

Ală cau mơ bol khai yal jơnau đơs hwơr hơ̆ in, bal mơ bau ùr, kòn klau, kòn ùr bol khai rơp gơkòl sơrbì tòm gùng ƀòn dờng Jerusalem dê kong đào tà mơ jơgloh rung. Tềng hơ̆ ò gơs cau lơi tơp bol khai, să tòm bol khai, ală bau ùr bol khai dê, ală kòn klau mơ ală kòn ùr bol khai dê. Añ rơp tuh bơta iơh bol khai dê hơđang bol khai!

Jeremi 16:11

Gen đơs tĕ mơ bol khai lah: Yàng Jehôwa đơs: ‘Hơ̆ la tài bơh ồng pàng bol mê dê neh sang lòi Añ, lòt jat ală yàng ndai, nàng duh broă mơ duh khoai ală yàng hơ̆, mơ neh sang lòi Añ ò prap gàr bơta boh lam Añ jê.

Jeremi 16:4

“Bol khai rơp kong pluh plàng mơ chơt; bol khai rơp ò gơs cau ñìm ƀồc mơ kung ò gơs cau tơp; ƀồc bol khai gam wơl kung be phan jă brê hơđang ù. Bol khai rơp kong tơnroh bơh pềs tà mơ jơgloh rung; ƀồc bol khai dê rơp lơh gơs phan sa sềm trồ mơ jơi phan poan jơng hơđang ù in.”

Jeremi 16:6

“Cau dờng kung be cau dềt rơp chơt tòm lơgar do; ò geh tơp, ò gơs cau lơi ñìm bơh bol khai; cau ò còr is poac he hala siat sŏ bơh bol khai.

Jeremi 19:13

Ală hìu Jerusalem dê mơ hìu gơlang ală cau bơtau Juda neh gơlik gơs ƀơ̆ iơh, kung be tiah Tôphet; ngan, hơ̆ la hơđang rkàng ală hìu hơ̆ cau neh chu kơlhô ală sơmañ đang trồ, mơ ơn phan ơn ñô ală yàng ndai in.’”

Jeremi 22:19

Khai rơp kong tơp kung be dô nơm alàng; Rơp kong hwài mơ sang tơlik bơh di mpồng Jerusalem dê.

Jeremi 25:33

Ală cau mơ Yàng Jehôwa neh tơnchơt tòm ngai hơ̆, rơp bềng hơđang ù bơh bồ tus di lồi plai ù; Bol khai rơp ò gơs cau ñìm, ò gơs cau tơrgòm, hala tơp, bol khai rơp gơlik gơs phan pơnđồm ù!

Jeremi 31:40

Jơh tiah tòm thòng gơs ală ƀồc mơ bùh, jơh ală ƀlàng sre tus di Thòng Kidrôn mơ tus di mum Mpồng Ơseh bơh đah mattơngai lik, gen rơp geh ơn is goh Yàng Jehôwa in. Gơ rơp ò kong dus sang hala kong tơnroh tai.”

Jeremi 36:30

Tài bơh hơ̆, do la jơnau Yàng Jehôwa đơs bơh Jehôyakim bơtau Juda: ‘Ò gơs cau lơi gơrê bal mơ khai rơp nggui hơđang sơbàn Dabit; ƀồc khai rơp kong duh mattơngai tòm trồ ngai, mơ kong mrềt dà tŭ tòm trồ mang.

Jeremi 9:20

Ơ ală cau ùr, iat tĕ jơnau Yàng Jehôwa, Lòi tĕ tồr bol ai dòp jơnau bơr Kơnràñ đơs. Bơto tĕ ală kòn ùr bol ai in dô bơta ñìm rac; Kòp nă bơto tĕ cau gơp ƀòn he rac ròc!

Jeremi 9:21

Bơh bơta chơt neh tus di mpồng dềt bol he dê, gơ neh mut tòm ală gơlang bol he dê, Tơnchơt ală kòn dềt tòm ală gùng, Mơ cau pơnu ơruh digùl hìu drà.

Jeremi 9:22

Đơs tĕ: “Yàng Jehôwa đơs be do: ‘Ƀồc cau chơt rơp gơpừ Kung be phan pơnđồm tòm ƀlàng sre, Mơ be sơnđùng kòi neh rung bơh ngkòi cau toès; mơ ò gơs cau lơi dòñ bol gơ wơl!’”

Ejekiel 29:5

Añ rơp sơrbì mê tòm ƀlàng bràs, mê bal mơ jơh ală ka tòm ală hiòng dà mê dê. Mê rơp gơpừ hơđang ƀlàng dờng mơ rơp ò geh tơrgòm wơl hala dòñ wơl. Añ rơp lơh mê in gơlik gơs phan sa ală jơi phan poan jơng hơđang ù mơ jơi sềm par tòm pah gòi.

Ejekiel 39:5

Mê rơp gơpừ tòm ƀlàng sre be Añ neh đơs,’ Jehôwa Yàng Tom Trồ đơs behơ̆.

Ejekiel 6:5

Añ rơp lòi ală ƀồc chơt cau Israel dê di đap ală rùp ràk bol khai dê, mơ Añ rơp rsìh ală ntìng bol mê dê gùt dar ală cơnòng duh khoai bol mê dê.

Ejekiel 8:16

Tơnơ̆ mơ hơ̆, Kơnràñ cèng añ mut tòm rơng đah dơlam hìu Yàng Jehôwa dê; mơ tềng hơ̆, di di gùng mut tòm hìu duh khoai Yàng Jehôwa, digùl mpồng rơng mơ cơnòng duh khoai, añ gŏ gơs pơgap bàr jơt pram nă cau klau. Bol khai wèt ngkòi hơ đah hìu duh khoai Yàng Jehôwa mơ wèt mat hơ đah mattơngai lik, bol khai cùn khoai mattơngai đah mattơngai lik.

Sôphôni 1:17

Añ rơp cèng bơta rung rài hơđang kòn mơnus, bol khai rơp lòt kung be cau jơngo mat, tài bơh bol khai neh tìs glài tòmdră mơ Yàng Jehôwa. Mhàm bol khai rơp tuh tơlik kung be thul, mơ poac bol khai kung be è.

Sôphôni 1:5

Mơ ală cau kun bồ hơđang rkàng hìu mơ duh khoai ală mpồl ling hơđang trồ, ală cau kun bồ ai sơnđan Yàng Jehôwa mơ srat să mơ kung ai sơnđan Milkom mơ srat să;

Broă 7:42

Yàng Tom Trồ đìu ngkòi di bol khai mơ phi bol khai duh khoai ală mpồl ling hơđang trồ, be neh cih tòm sră ală cau gơnoar hwơr lah: ‘Ơ hìu Israel, bol mê neh ơn phan pơdơng mơ phan ơn duh khoai Añ in, Tòm poan jơt nam tòm ƀlàng bràs sơl?

Yal Wơl 17:3

duh khoai ală yàng ndai, mơ cùn khoai bol gơ hala mattơngai hala mat kơnhai hala ală sơmañ hơđang trồ, la ală bơta añ ò sồr,

Yal Wơl 4:19

Mơ tòm tŭ bol mê tơnggòr sền hơđang trồ mơ gŏ mattơngai, mat kơnhai mơ ală sơmañ, jơh ală gơnap gơnoar hơđang trồ, gen bañ gơkòl ơniai mơ kun bồ duh khoai ală phan mơ Jehôwa Yàng Tom Trồ bol mê dê neh tòmpà jơh ală làng bol in ơm hơđang ù.