Jeremi 7:32 - Sră Goh 2018

³² Gen tàng, Yàng Jehôwa đơs: “Tòm ngai rơp tus nền ngan, tŭ hơ̆ ò gam sơnđan Tôphet mơ thòng kòn klau Hinôm tai, mơya la thòng bơta sreh tơnchơt; bơh cau rơp tơp ală cau chơt tòm Tôphet tian gơs ò tang tiah tơp.

Jeremi 7:32 交叉參考

II Ală Bơtau 23:10

Khai kung lơh ƀơ̆ ƀơl Tôphet tòm thòng Ben Hinôm, nàng ò gơs cau lơi chu kòn klau hala kòn ùr he tòm ồs, be dô nơm phan ơn rùp ràk Molok in tai.

Jeremi 19:11

mơ đơs mơ bol khai lah: Yàng Jehôwa Gơnap Gơnoar đơs be do: ‘Añ rơp pòng bơcah làng bol do mơ ƀòn dờng do kung be pòng bơcah gri mơ ù, ò rgơi lơh niam wơl; cau rơp tơp ƀồc tòm tiah Tôphet, tian gơs ò tơl tiah nàng tơp.’

Jeremi 19:13

Ală hìu Jerusalem dê mơ hìu gơlang ală cau bơtau Juda neh gơlik gơs ƀơ̆ iơh, kung be tiah Tôphet; ngan, hơ̆ la hơđang rkàng ală hìu hơ̆ cau neh chu kơlhô ală sơmañ đang trồ, mơ ơn phan ơn ñô ală yàng ndai in.’”

Jeremi 19:2

mơ lòt tus tòm thòng kòn klau Hinôm, rềp gùng mut tòm Mpồng Ù Glah; tềng hơ̆, yal tĕ ală jơnau Añ rơp đơs mơ mê.

Jeremi 19:6

Behơ̆ gen, Yàng Jehôwa đơs: ‘Ne, ngai tus, tŭ hơ̆ tiah do rơp ò sơnđan la Tôphet, kung ò sơnđan la thòng kòn klau Hinôm tai, mơya la Thòng Bơta Tơnchơt.

Jeremi 31:40

Jơh tiah tòm thòng gơs ală ƀồc mơ bùh, jơh ală ƀlàng sre tus di Thòng Kidrôn mơ tus di mum Mpồng Ơseh bơh đah mattơngai lik, gen rơp geh ơn is goh Yàng Jehôwa in. Gơ rơp ò kong dus sang hala kong tơnroh tai.”

Jeremi 7:31

Bol khai neh bơt ală tiah jơnhoa Tôphet dê, tòm thòng kòn klau Hinôm dê, nàng chu kòn klau kòn ùr he tòm ồs, hơ̆ la bơta Añ òhềt sồr, la bơta Añ òhềt kơlôi sơnơng.”

Ejekiel 6:4

Ală cơnòng duh khoai bol mê dê rơp kong tơrlah tơrlơm, ală cơnòng chu kơlhô bol mê dê rơp kong pòng bơcah lề; Añ rơp sreh tơnchơt bol mê di đap ală rùp ràk bol mê dê.

Lebi 26:30

Añ rơp tơnroh ală tiah jơnhoa duh khoai bol mê dê, koh sang ală cơnòng chu kơlhô bol mê dê mơ tơƀù ală ƀồc bol mê dê hơđang ală rùp ràk ò gơs bơta kis bol mê dê, mơ Añ rơp cù kìr di bol mê.