Jeremi 7:20 - Sră Goh 2018

²⁰ Gen tàng Jehôwa Yàng Tom Trồ đơs be do: “Bơta gơjrañ mơ bơta gơhào gơjrañ dờng Añ jê rơp tuh hơđang lơgar do, hơđang jơi kòn mơnus mơ phan poan jơng, hơđang chi che tòm ƀlàng mơ plai bơkào ù tiah dê, gơ rơp chu pơrguc mơ ò tŭ lơi đơp chơt.”

Jeremi 7:20 交叉參考

II Ală Bơtau 22:17

Tài bơh làng bol Juda neh sang lòi Añ, chu kơlhô ală yàng ndai in, bơrcek Añ gơjrañ bơh ală broă tê bol khai dê, gen tàng bơta gơjrañ Añ rơp gơhào khuh mơ tiah do, ò tŭ lơi rài.

Esai 10:17

Bơta àng Israel dê rơp gơlik gơs dô nơm ồs, mơ Bơtau Sàng Goh khai dê be lơmpiat ồs, tòm dô ngai gơ rơp chu pơrguc ală tòm lò mơ lò mrơt khai dê.

Esai 42:25

Behơ̆ tàng Kơnràñ neh tuh hơđang bol khai bơta gơjrañ duh hơng Kơnràñ dê, la bơta gơhào gơjrañ bơta kơlìn dê. Gơ gơrwàng bol khai tòm ồs, mơya khai kung ò git wă; gơ chu pơrguc khai, mơya khai kung ò ơn nùs bơh bơta hơ̆.

Esai 66:24

Bol khai rơp lik lòt mơ sền gŏ ƀồc chơt ală cau tòmdră mơ Añ; tu rhài bol khai dê rơp ò chơt, ồs bol khai dê kung rơp ò tŭ lơi chơt; mơ bol khai rơp la dô bơta ƀơ̆ ƀơl cù kìr jơh jơi poac să in.”

Jeremi 11:16

Yàng Jehôwa neh sơnđan mê la ‘chi ôlibe tơlir, gơlik plai niam mơnĕ!’ Mơ do tòm bơta nggồr càl rbut dờng Kơnràñ chu gơ mơ ồs, mơ ală ntê gơ rơp gơkòl chu pơrguc.

Jeremi 12:4

Nđò jŏ tòm lơgar kong moat jrùng, mơ ñhơt tòm ƀlàng sre ro jrùh taih? Tài bơh làng bol iơh bơsak ơm tềng hơ̆, Gen tàng ală jơi phan poan jơng mơ jơi sềm kòl pơs jơh. Bơh bol khai đơs lah: “Yàng Tom Trồ rơp ò gŏ gùng dà bol he lơh.”

Jeremi 14:16

Ală cau mơ bol khai yal jơnau đơs hwơr hơ̆ in, bal mơ bau ùr, kòn klau, kòn ùr bol khai rơp gơkòl sơrbì tòm gùng ƀòn dờng Jerusalem dê kong đào tà mơ jơgloh rung. Tềng hơ̆ ò gơs cau lơi tơp bol khai, să tòm bol khai, ală bau ùr bol khai dê, ală kòn klau mơ ală kòn ùr bol khai dê. Añ rơp tuh bơta iơh bol khai dê hơđang bol khai!

Jeremi 17:27

Mơya dilah bol mê ò bài iat Añ nàng ơn is ngai Saƀat gơlik gơs ngai sàng goh, mơ tòm ngai Saƀat tui ơnòng mơ mut tòm mpồng ƀòn dờng Jerusalem, gen Añ rơp ơn ồs di mpồng theng, ồs hơ̆ rơp chu pơrguc gơlang bơtau tòm Jerusalem, mơ rơp ò geh đơp chơt ò.’”

Jeremi 17:4

Bơh broă lơh să tòm bol mê dê Bol mê rơp lơh roh sre brê Añ neh ai mê in; Añ rơp kup mê duh broă cau sò tơm mê Tòm dô nơm lơgar mơ mê òhềt git; Bơh tòm bơta gơjrañ Añ jê be ồs neh sing mơ rơp sa hơng sùm sùm.

Jeremi 18:23

Ơ Yàng Jehôwa, Kơnràñ git jơh kai gơrmơ̆i bol khai dê nàng tơnchơt añ. Dan bañ toh bơta iơh bơsak bol khai dê, Bañ jùt tồi glài bol khai dê bơh di đap mat Kơnràñ; Lòi bol khai gơtup pừ di đap Kơnràñ; Dan lơh di bol khai tòm ngai gơhào gơjrañ Kơnràñ dê!

Jeremi 21:12

Ơ hìu Dabit! Yàng Jehôwa đơs be do: Tŭ àng drim lơh tĕ bơta song ring. Dong tă cau kòl kup bơklơn lik klàs bơh tê cau rồn bơklơn, Rngòt bơh bol mê lơh bơta iơh bơsak, Mơ bơta gơjrañ dờng Añ jê hìt be ồs, ò gơs cau lơi rgơi đơp chơt gơ.’

Jeremi 42:18

Ngan behơ̆, Yàng Jehôwa Gơnap Gơnoar, Yàng Tom Trồ Israel dê, đơs be do: ‘Kung be bơta gơjrañ mơ bơta gơjrañ dờng Añ jê neh dùh hơđang làng bol Jerusalem mbe lơi, gen tŭ bol mê mut tòm Ejiptơ, bơta gơjrañ Añ kung rơp tuh tơlik bol mê in kàr hơ̆; tềng hơ̆ bol mê rơp lơh kai cau in srat sơntơm, cù kìr, srat rma, mơ sền òsơp; mơ bol mê kung rơp ò gŏ tiah do tai.’

Jeremi 44:6

Gen tàng bơta gơjrañ mơ bơta gơjrañ dờng Añ jê neh tuh tơlik kung be ồs chu ală ƀòn Juda dê mơ ală gùng ƀòn dờng Jerusalem dê; mơ bol gơ kong phà tơrlah ngềt ngơt jơl tus ngai do.

Jeremi 6:11

Mơya Añ bềng bơta gơjrañ Yàng Jehôwa dê, Añ bòl glar bơh gơ ơm tòm Añ. “Tuh tơlik tĕ gơ hơđang ală kòn dềt tòm gùng, mơ hơđang ală cau pơnu tơrgòm bal di sơl; jơh bau klau mơ bau ùr rơp gơkòl kup cèng, cau kra mơ ală cau jòng sơnam.

Jeremi 6:12

Ală hìu bol khai dê rơp gơrê mơ cau ndai, ală sre bol khai dê mơ ală bau ùr dô bă bal sơl; Bơh tê Añ rơp pò tơlik tê Añ jê, tòmdră mơ làng bol ơm tòm ù tiah do.” Yàng Jehôwa đơs behơ̆.

Jeremi 8:13

Yàng Jehôwa đơs: “Tòm tŭ Añ kòñ tơrgòm bol khai wơl. Ò gam plai ño hơđang chi ño; Ò gam plai ƀal hơđang chi ƀal; Tian gơs ală nha kung rơp ro jrùh; Mơ ală bơta Añ neh ai bol khai in, rơp kòl tă tơlik jơh bơh bol khai!”

Ñìm Rac 4:11

Yàng Jehôwa neh lơh bềng tơl bơta gơjrañ Kơnràñ dê, mơ tuh tơlik bơta gơjrañ dờng duh hơng Kơnràñ dê; Kơnràñ neh sing ồs tòm Siôn, chu pơrguc mơnàng gơ.

Ejekiel 22:22

Be priă lề lac tòm bơnhă ồs gen bol mê kung rơp lề lac tòm gùl ƀòn dờng hơ̆, mơ bol mê rơp git lah Añ, Yàng Jehôwa, neh tuh bơta gơjrañ dờng Añ jê hơđang bol mê.’”

Ejekiel 7:12

Tŭ jơ neh tus, ngai neh tus rềp. Bañ lòi cau blơi chò hòp hala cau tac moat jrùng, bơh gơs bơta gơjrañ dờng neh dùh hơđang jơh mpồl làng bol.

Ejekiel 7:14

Bulah bol khai uh kơlwòk mơ rcang sir jơh ală bơta, ò gơs dô nă cau lik lòt tòmlơh, bơh bơta gơjrañ dờng Añ jê neh dùh hơđang jơh mpồl làng bol.

Daniel 9:11

Jơh tơl nă cau Israel neh lơh tìs mơ bơta boh lam Kơnràñ dê mơ dô pleh, nàng ò dòn bơr Kơnràñ. Behơ̆, bơta srat sơntơm, mơ bơta lơh glài neh cih tòm bơta boh lam Môise la cau duh broă Yàng Tom Trồ dê, neh tuh hơđang bol hi, tài bơh bol hi neh tìs glài tòmdră mơ Kơnràñ.

Lebi 26:28

gen tòm bơta gơjrañ Añ jê, Añ rơp tòmdră mơ bol mê, mơ să tòm Añ rơp lơh glài bol mê kơnjơ̆ poh dơ̆ rlau tai.

Nahum 1:6

Ñcau rgơi ntào jai di đap bơta gơhào gơjrañ Kơnràñ dê taih? Ñcau rgơi kong jai bơta gơhào khuh gơjrañ Kơnràñ dê taih? Bơta gơjrañ dờng Kơnràñ dê gơhòr lik be ồs; ală pơnai lŭ bơcah lề di đap Kơnràñ.

Sôphôni 1:2

Yàng Jehôwa đơs: “Añ rơp pơs jơh ală bơta bơh di plai ù,”

Sôphôni 1:3

“Añ rơp pơs jơh kòn mơnus bal mơ ală phan poan jơng, añ rơp pơs jơh sềm hơđang trồ bal mơ ală ka tòm dàlềng. Añ rơp lơh cau iơh bơsak in gơtup pừ. Añ rơp tơnroh jơi kòn mơnus bơh di plai ù.” Yàng Jehôwa đơs behơ̆.

Sacari 7:12

Bol khai lơh nùs bol khai dê kră kung be lŭ tơrneh, nàng ò iat bơta boh lam mơ ală jơnau Yàng Jehôwa Gơnap Gơnoar Dờng Làm Jơh dê neh đơs bơh Hwềng Kơnràñ dê kơnòm di ală cau gơnoar hwơr tòm rài yau. Behơ̆ Yàng Jehôwa Gơnap Gơnoar Dờng Làm Jơh gơjrañ dờng ngan.

Malaci 4:1

“Sền tĕ, ngai hơ̆ rơp tus, gơ sa hơng kung be bơnhă ồs. Jơh ală cau pơnhừ să bal mơ cau lơh bơta iơh bơsak rơp kung be rhe, mơ ngai hơ̆ rơp tus be ồs sa pơrguc bol khai,” Yàng Jehôwa Gơnap Gơnoar Dờng Làm Jơh đơs behơ̆. “Gen tàng rơp ò gam dô nơm ryas hala dô nơm ntê lơi lòi wơl bol khai in.

Mathiơ 3:12

Tê Kơnràñ at đồng, rơp puh làn goh ngan, chŏ kòi mi ơn tòm đam, ai nsiap gen chu tòm ồs hơng sùm.”

Yal Tơlik 14:10

gen cau hơ̆ kung rơp ñô tơrnòm bơta gơjrañ dờng ò crài Yàng Tom Trồ dê mơ êt di mơngàn bơta gơjrañ Kơnràñ dê, mơ khai rơp kong jê sồt tòm ồs mơ siau di đap ală cau gơnrơh sàng goh mơ di đap Belàt Kòn.