Jeremi 50:2 - Sră Goh 2018

² Yal tơnggit, yal tơlik tĕ ală lơgar in, Bơtào bồng bi; yal tơnggit tĕ, Bañ pồn gơ; đơs tĕ lah: “Babilôn neh kong alah; Bel bềng bơta ƀàssìl; Merôdak kong rngòt rngơt; Rùp gơ kong ƀàssìl ƀàsso, Rùp ràk gơ kong phà tơrlah!

Jeremi 50:2 交叉參考

Đơs Crih 64:9

Gen jơh ală cau rơp rngòt; Bol khai rơp yal tơlik broă lơh Yàng Tom Trồ dê, Mơ kơlôi sơnơng bơh broă Kơnràñ neh lơh.

Đơs Crih 96:3

Yal tơlik tĕ bơta gơklŏ Kơnràñ digùl ală lơgar, Yal tơlik ală broă crih crài Kơnràñ dê digùl jơh ală làng bol!

Đơs Crih 97:7

Jơh ală cau duh khoai rùp pac sềr rơp kòl ƀàssìl, Bol khai jòng să bơh ală rùp ràk ò kwơ; Jơh ală yàng ndai cùn khoai di đap Kơnràñ.

Esai 12:4

Mơ bol mê rơp đơs tòm ngai hơ̆ lah: “Ưnngài tĕ Yàng Jehôwa, hòi dan tĕ di sơnđan Kơnràñ; yal tơnggit tĕ ală broă Kơnràñ neh lơh digùl ală làng bol, mơ yal tơlik tĕ lah sơnđan Kơnràñ geh yò tơngguh.

Esai 13:2

Bơtào tĕ bồng bi hơđang bồ mơnơm kơlờl, hòi tĕ dờng jơnau mơ bol khai; kwài tĕ tê lơh tềl bol khai in mut tòm ală mpồng dờng ală cau ryŭ ryơm dê!

Esai 21:9

Sền ne, gơs cau ling hào ơseh tus, cau hào ơseh mơ yô mơ yô! Khai ho lah: ‘Babilôn neh tơrlơm rau, neh tơrlơm rau! Jơh ală rùp ràk yàng gơ dê, bic bơcah lề hơđang ù tiah!’”

Esai 37:19

sơrbì ală yàng bol khai dê tòm ồs mơ tơnroh jơh tài bơh bol gơ ò di la ală yàng ngan, mơya mìng chi mơ lŭ bơh tê kòn mơnus mòn gơs.

Esai 39:1

Tòm tŭ hơ̆, Bơtau Babilôn la Merôdak Baladan, kòn bơtau Baladan, sồr cau kong lòt pơyoa sră mơ phan pà bơtau Ejekia in; tài bơh bơtau neh kơno khai kòp jê mơ geh sơmbòi.

Esai 46:1

Bel kun tơmù, Nebô gơpừ; ală rùp ràk bol khai dê geh pơdiang hơđang phan poan jơng mơ kơnrồ. Ală rùp duh khoai bol mê tùng tơnàñ kơnjơ̆ hơđang ală phan poan jơng òsô.

Esai 48:20

Lik tĕ bơh di Babilôn! Dô tĕ bơh di cau Kalđe! Ai tĕ jơnau driau chò mơ yal jơnau do, mơ yal tơnggit tĕ tus di ală tiah lồi dut plai ù; Đơs tĕ lah: “Yàng Jehôwa neh tơwài Jakôp, la cau duh broă Kơnràñ dê.”

Esai 48:6

Bol mê neh kơno ală bơta do; rmê sền tĕ di jơh ală bơta hơ̆, mơ bol mê rơp ò yal wơl ơ? Bơh do jơl hìng nau, Añ rơp yal bol mê in ală bơta pa, ală bơta pồn ndơp mơ bol mê òhềt git.

Jeremi 10:11

Bol mê pal đơs mơ bol khai lah: ‘Ală yàng ò rgơi crơng ală trồ mơ ù tiah, rơp kong tơnroh thit bơh di ù tiah hơđơm ală tap trồ.’

Jeremi 10:15

Bol gơ ò kwơ, mìng la bơta blac pơrlồm; Tòm ngai lơh glài bol gơ rơp kong roh rui.

Jeremi 31:10

Ơ ală làng bol, iat tĕ jơnau Yàng Jehôwa dê; Yal tơlik tĕ jơnau hơ̆ tòm ală lơgar ngài rò gah dàlềng Đơs tĕ: ‘Bơtau neh lơh nrah nring Israel rơp pơjum tơrgòm bol khai wơl, Mơ rơp ê gàr bol khai be dô nă cau ê belàt.’

Jeremi 4:16

Yal tơnggit tĕ ală lơgar in, “Gơs bol khai tềng do! Yal tĕ Jerusalem in lah: ‘Cau gơrwàng tus bơh tiah ngài, driau nggà tòmdră mơ ală ƀòn dờng Juda dê.

Jeremi 4:6

Yò tơngguh tĕ bồng bi wèt hơ Siôn! Ntoat dô nàng geh dong tă, bañ lơh òbat! Bơh Añ cèng bơta rung rài bơh đah đang, mơ dô bơta gơprah gơpring dờng.

Jeremi 46:14

“Yal tơlik tĕ tòm Ejiptơ; yal Mikdôl in, Yal tơnggit Nôp mơ Tahpanhes in, đơs lah: ‘Mut ơm tĕ tòm toh di tiah ơm, mơ rcang kơp, Bơh đào neh loan gùt dar mê.’

Jeremi 50:46

Kơno jơnau Babilôn gơkòl kup, ù tiah gơlơnggơr, mơ sap driau geh kơno digùl ală lơgar.

Jeremi 51:12

Bơtào tĕ bồng bi Tòmdră mơ ală dơrñang Babilôn dê! Bơt tiah kơp gàr tĕ, bơtào tiah ală cau ling kơp gàr, rơndap ling kơp mòc! Bơh Yàng Jehôwa neh rơndap nền mơ neh lơh gơs Bơta Kơnràñ neh đơs bơh làng bol Babilôn.

Jeremi 51:27

“Bơtào tĕ bồng bi tòm lơgar; Uh kơlwòk tòm ală lơgar; Rcang sir ală làng bol tòmlơh mơ gơ! Pơjum tĕ ală lơgar Ararat, Mini, Askena, tus lơh gơ! Bơtào tĕ dô nă kwang at bồ mpồl ling! Cèng tĕ ală ơseh guh kung be srah nting!

Jeremi 51:31

Ling jun sră do tìp mơ ling jun sră ne, Cau kong sồr do tìp cau kong sồr ne Yal bơtau Babilôn in git lah ƀòn dờng bơtau hơ̆ dê neh gơkòl tòmpìt jơh hir,

Jeremi 51:44

Añ rơp lơh glài Bel tòm Babilôn, Rơp tă phan khai neh loan lik bơh bơr khai dê; Ală lơgar rơp ò ràn tus mơ khai tai. Dơrñang theng Babilôn kung rơp tơrlah tơrlơm!

Jeremi 51:47

Dô bă nền cê ngan, ală ngai rơp tus, Añ rơp lơh glài ală rùp ràk Babilôn dê; Jơh lơgar gơ rơp kong ƀàssìl ƀàsso; Ală cau kong tơnchơt rơp gơpừ digùl gơ.

Jeremi 51:52

Gen tàng, Yàng Jehôwa đơs: “Ală ngai rơp tus nền cê ngan, Añ rơp lơh glài ală rùp ràk Babilôn dê; tòm làm jơh lơgar gơ dê, Ală cau kong sồt rơp rơnđơh.

Jeremi 51:8

Babilôn nisơna kong tuh tơlup mơ bơcah lề lac. Ñìm rac tĕ bơh gơ! Ai tĕ sơnơm ƀô sơm bơta jê sồt gơ; Digơlan gơ rơp geh sơmbòi

Jeremi 52:31

Nam dơ̆ pe jơt poh, tơnơ̆ mơ tŭ bơtau Juda la Jehôyakin kòl kup, hơ̆ la nam dơ̆ sơnròp bơtau Babilôn la Ebinmerôdak pa nggui hơđang sơbàn, ngai bàr jơt pram kơnhai jơt bàr, bơtau do ai bơta nđàc Jehôyakin bơtau Juda in, mơ cèng tơlik bơh hìu jàm;

Jeremi 6:18

Gen tàng, ơ ală lơgar iat tĕ! Ơ ală mpồl jơnum, git tĕ ñchi bơta rơp gơlik tus mơ bol khai.

Daniel 1:2

Yàng Jehôwa jào Jehôyakim bơtau Juda tòm tê Nebukatnessar bal mơ dô pơnah ală phan ngui tòm hìu duh khoai Yàng Tom Trồ dê. Bơtau Babilôn sồr cèng ală phan ngui hơ̆ tus tòm tiah Sinar, mơ prap tòm đam jàr hìu duh khoai ală yàng khai dê.

Daniel 3:14

Bơtau Nebukatnessar đơs mơ bol khai lah: “Ơ Sadrak, Mesak, mơ Abetnegô, ngan sơl la bol mê gơs nùs lơh nền ò duh ală yàng añ mơ ò cùn khoai rùp ràk mơ màh mơ añ neh bơt bơtào?

Sôphôni 2:11

Yàng Jehôwa rơp gơlik gơs bơta rngòt rngơt bol khai in; Kơnràñ rơp tơnroh jơh ală yàng tòm ù dê. Ală làng bol ơm di gah dàlềng mơ ală bồt pơlào, tòm lơgar bol khai dê, rơp duh khoai Kơnràñ.

Yal Tơlik 18:2

Khai hòi driau dờng lah: “Babilôn dờng neh tơrlah tơrlơm, tơrlah tơrlơm rau! Gơlik gơs tiah ơm ală cà dê, rsòn jơh ală cà ƀơ̆ iơh, mơ rsòn jơh ală jơi sềm ƀơ̆ ƀơl cù kìr,