Jeremi 43:2 - Sră Goh 2018

² gen Ajaria kòn klau Hôsaya, Jôhanan kòn klau Kareah, bal mơ ală cau pơnhừ să đơs mơ Jeremi lah: “Mê đơs blac! Jehôwa Yàng Tom Trồ bol hi òhềt tŭ lơi sồr mê yal bol hi in lah: ‘Bañ lòt hơ lơgar Ejiptơ mơ ơm tềng hơ̆.’

Jeremi 43:2 交叉參考

Sơnròp Gơlik Gơs 19:14

Gen Lot lik lòt mơ đơs mơ ală bơrtơu rơp tòmbau mơ ală kòn ùr khai lah: “Ñă lik lòt tĕ bơh dê tiah do, bơh Yàng Jehôwa rơp tơnroh ƀòn.” Mơya ală bơrtơu tồnlah khai đơs kơnhơl.

II Yal Yau 36:13

Khai kung tòmdră mơ bơtau Nebukatnessar la bơtau neh sồr khai srat să ho nền tòm sơnđan Yàng Tom Trồ dê. Khai kơldang bồ mơ kơldang nùs ò bài rê wơl hơ Yàng Jehôwa la Yàng Tom Trồ Israel dê.

Đơs Crih 119:21

Yàng lah pơrhơng cau pơnhừ să, la cau pal srat rma, La cau tìs nrah ngài bơh di ală bơta sồr lam Kơnràñ dê.

Đơs Crih 12:3

Dan Yàng Jehôwa tơnroh jơh ală sơndồi rơmhòc, Mơ lơmpiat jak đơs pơnhừ să.

Đơs Crih 123:4

Jŏ ir hwềng soàn bol hi kong Bơta dơñŏ tơnhial cau ơm ru să dê, la bơta sền òsơp cau pơnhừ să dê.

Lik Ejiptơ 5:2

Mơya Pharaôn ho lah: “Jehôwa la ñcau mơ añ pal dòn bơr khai mơ lòi làng bol Israel lik lòt taih? Añ ò git Jehôwa mơ kung rơp ò lòi cau Israel lik lòt.”

Lik Ejiptơ 9:17

Mê gam bơtào is să tòm mê nàng tòmdră mơ Añ, ò lòi làng bol Añ in lik lòt.

Jơnau Pơnđik 16:5

Cau pơnhừ să ai lơh cù kìr Yàng Jehôwa in; Di ngan, bol khai rơp ò geh klàs bơh bơta lơh glài.

Jơnau Pơnđik 30:9

Rngòt tŭ hòm lai añ pơndang sang Yàng, mơ lah: Yàng Jehôwa la ñcau taih? Mơ pơrlơ̆ wơl dilah añ rƀah lơòi, gen ntung kơñau, mơ lơh ƀơ̆ iơh sơnđan Yàng Tom Trồ añ jê sơl.

Jơnau Pơnđik 6:17

Gar mat pơnhừ să, lơmpiat lac lèo, tê lơh gơhòr mhàm ò gơs glài;

Jơnau Pơnđik 8:13

Bơta duh rngòt di Yàng Jehôwa, hơ̆ la gơjrañ di bơta iơh; Añ gơjrañ bơta pơnhừ să, tràl sơrbil, Añ gơjrañ gùng dà iơh mơ jơnau đơs lac lèo.

Esai 7:9

Bồ Epraim dê la Samari, bồ Samari dê mìng la kòn klau Remalia. Dilah bol mê ò ơm kơ̆ tòm bơta dòn, gen bol mê rơp ò tŭ lơi ntào jai wil tơl.’”

Esai 9:8

Yàng Jehôwa neh yal dô jơnau tòmdră mơ Jakôp, jơnau hơ̆ tus hơđang Israel.

Jeremi 13:15

Kơno tĕ mơ ơn tồr iat, bañ pơnhừ să, Bơh Yàng Jehôwa neh đơs.

Jeremi 18:18

Gen bol khai đơs lah: “Tus tĕ, bol he bơtào tĕ kai nàng tòmdră mơ Jeremi; bơh cau gơnoar ơn phan duh khoai ò siơ̆u bơta boh lam, cau jak chài ò siơ̆u bơta cri bơyai, cau gơnoar hwơr ò siơ̆u jơnau đơs hwơr. Bol he tus tĕ, ai jơnau đơs bol he tòmdră mơ khai, bañ ơn tồr iat jơnau khai dô êt lơi.”

Jeremi 40:8

Gen bol khai tus hơ Gedalia tòm Mispa. Hơ̆ la Ismael, kòn klau Nethania, Jôhanan mơ Jônathan, kòn klau Kareah, Seraya, kòn klau Tanhumet, ală kòn klau Ephai ơm tòm Netôpha, mơ Jesania, kòn klau Maaka, bal mơ ală cau lòt bal mơ bol khai.

Jeremi 41:16

Jôhanan, kòn klau Kareah, bal mơ ală cau at bồ ling jat khai, bal mơ mpồl cau pa geh dong tă bơh tê Ismael, kòn klau Nethania, tơnơ̆ mơ tŭ khai neh tơnchơt Gedalia, kòn klau Ahikam. Jơh ală ling, ală cau ùr, ală kòn dềt, ală kwang kơndời, neh geh Jôhanan cèng rê bơh Gabaôn.

Jeremi 41:18

tài bơh cau kalde; bơh bol khai rngòt cau Kalde, tài bơh Ismael, kòn klau Nethania, neh tơnchơt Gedalia, kòn klau Ahikam, la cau mơ bơtau Babilôn neh pồ bơtào lơh gơs kwang at bồ hơđang lơgar.

Jeremi 42:1

Tŭ hơ̆ ală cau at bồ mpồl ling, Jôhanan kòn klau Kareah, Jesania, kòn klau Hôsaya, mơ jơh làng bol, bơh cau dềt tus cau dờng,

Jeremi 42:20

Tài bơh oh mi neh lơh bơta tìs sơbơng rơng ngan. Bơh oh mi neh sồr añ tus mơ Jehôwa Yàng Tom Trồ oh mi dê, mơ đơs lah: ‘Dan tài bơh bol hi hòi dan ala mơ Jehôwa Yàng Tom Trồ bol hi dê, mơ yal bol hi in git kòp bơta mơ Jehôwa Yàng Tom Trồ bol hi đơs; gen bol hi rơp lơh jat.’

Jeremi 42:5

Ală cau hơ̆ đơs mơ Jeremi lah: “Dilah bol hi ò lơh jat kòp jơnau Jehôwa Yàng Tom Trồ ồng dê rơp sồr ồng yal bol hi in, dan Yàng Jehôwa la song ngan, dòn song lơh cơng digùl bol he!

Jeremi 43:1

Tòm tŭ Jeremi neh sir yal wơl jơh ală jơnau bơh Jehôwa Yàng Tom Trồ bol khai in, la jơnau Jehôwa Yàng Tom Trồ bol khai dê neh sồr khai yal wơl bol khai in iat,

Jeremi 44:16

“Bơh bơta ồng ai sơnđan Yàng Jehôwa đơs mơ bol hi, gen bol hi ò bài iat ò.

Jakơ 4:6

Mơya Kơnràñ ai bol he in bơta nđàc oă rlau tai. Behơ̆ tàng Sră Goh cih lah: “Yàng Tom Trồ tòmdră mơ cau pơnhừ să, mơya ai bơta nđàc cau tơnliah să in.”

I Pier 5:5

Kung behơ̆ sơl, ơ ală cau kơnòm să, dòn duh tĕ ală cau kwang kra. Jơh tơl nă pal soh tĕ bơta pơndêt să gơwèt bal mơ gơp, bơh Yàng Tom Trồ sòdră di cau pơnhừ să, mơya ai bơta nđàc cau pơndêt să in.