Jeremi 4:19 - Sră Goh 2018

¹⁹ Bơta jê sồt añ jê! Bơta jê sồt añ jê! Bơta jê sồt tơryoat añ; Plai nùs añ gơpiah pràn ngan. Añ ò rgơi ơm mŏ; Bơh añ neh kơno ntas kơlwòk, Jơnau yal tơnggit bơh bơta kơlìn tòmlơh.

Jeremi 4:19 交叉參考

Sơnròp Gơlik Gơs 49:6

Dan bañ ai hwềng añ jê dô nùs bal tòm bơta bơyai bol khai dê. Bañ lòi añ gơs pơnah bal mơ mpồl jơnum bol khai dê. Bơh bơta gơjrañ bol khai neh tơnchơt cau, Mơ bơh nùs is bol khai neh sreh kơjòn ală kơnrồ dam.

II Ală Bơtau 4:19

khai hòi lah mơ bèp khai lah: “Ah, bồ añ jê! Bồ añ jê!” Bèp khai sồr cau dong broă lah: “Cèng tĕ khai rê hơ mè khai.”

II Ală Bơtau 8:11

Cau Yàng Tom Trồ sền trol di Hajael jŏ ngan tian gơs khai gơlik ƀàssìl, gen cau Yàng Tom Trồ ñìm.

Đơs Crih 103:1

Ơ hwềng soàn añ jê, jòng ro tĕ Yàng Jehôwa; Jơh ală bơta lơi ơm tòm añ, jòng ro tĕ sơnđan sàng goh Kơnràñ dê!

Đơs Crih 116:7

Ơ hwềng soàn añ jê, rê wơl tĕ di tiah rlô bol mê dê, Tài bơh Yàng Jehôwa neh gơwèt niam mơ mê.

Đơs Crih 119:136

Añ hòr dà mat oă ngan, Tài bơh kòn mơnus ò bài prap gàr bơta boh lam Yàng dê.

Đơs Crih 119:53

Añ gơjrañ ngan tài bơh cau iơh bơsak sang lòi bơta boh lam Yàng dê.

Đơs Crih 146:1

Jòng ro Yàng Jehôwa! Ơ hwềng soàn añ jê, jòng ro tĕ Yàng Jehôwa!

Đơs Crih 16:2

Añ đơs mơ Yàng Jehôwa lah: “Kơnràñ la Yàng añ jê, Rlau mơ Kơnràñ gen añ ò gơs bơta niam lơi.”

Esai 15:5

Nùs añ ñìm rac bơh Môap; cau ntoat dô pleh khai dê tus hơ Joar, mơ tus hơ Eglat Selisia. Bơh tòm gùng guh tus hơ Luhit, bol khai guh ndang ñìm ndang, tòm gùng hơ Hôrônaim, bol khai ñìm rac ròc bơh bơta tơnroh.

Esai 16:11

Nùs Añ tài bơh Môap mơ rac ròc kung be kơñi rơs, tòm hwềng nùs Añ kung behơ̆ tài bơh Kir Hareset.

Esai 21:3

Gen tàng but añ jê sồt ngan, ală bơta jê neh gơrwàng añ, kung be bơta jê deh cau ùr dê; añ kun tơmù gen tàng añ ò rgơi kơno, Añ rngòt rngơt gen tàng añ ò rgơi gŏ!

Esai 21:4

Nùs añ ò suk ơm, bơta rngòt lơh añ in dơrcul; rìng àng drim mơ añ kơp gơn neh gơlik gơs bơta rngòt rơm să añ in.

Esai 22:4

Gen tàng añ đơs lah: “Pleh mat tĕ bơh añ, lòi añ ñìm rac ròc sràt bơtang. Bañ pơnđơl nàng pơndòm pơniang añ, tài bơh bơta tơnroh cau kòñ gơboh làng bol añ jê.”

Jeremi 13:17

Mơya dilah bol mê ò bài iat, Hwềng soàn añ rơp ñìm òm bơh bơta jòng să bol mê dê. Mat añ rơp ñìm rac sràt bơtang, mơ dà mat añ gơhòr sùm, Bơh mpồl belàt Yàng Jehôwa dê neh kong kup cèng gơs dĭ.

Jeremi 20:9

Dilah añ đơs: “Añ rơp ò đơs bơh Kơnràñ tai, hala ai sơnđan Kơnràñ mơ đơs tai,” gen tòm dơlam nùs añ kung be ồs sa hơng, gơkrơ̆ kơ̆ tòm ntìng añ, Mơ añ bòl glar bơh ơm mŏ mŏ, mơ añ ò jai kong tai.

Jeremi 23:9

Bơh ală cau gơnoar hwơr: Nùs añ lề lac tòm añ; Nting añ gơ mprơm; Añ kung be cau bơñul ñô, Kung be cau swing bồ bơh alak, Tài bơh Yàng Jehôwa mơ ală jơnau sàng goh Kơnràñ dê.

Jeremi 4:21

Nđò jŏ tai añ pal sền di bồng bi, Mơ kơno ntas kơlwòk taih?

Jeremi 4:5

Yal tơlik tĕ tòm Juda, yal tơnggit tĕ tòm Jerusalem lah: “Uh tĕ kơlwòk làm lơgar, driau dờng tĕ mơ đơs lah: ‘Pơjum dô bă bal tĕ, mơ bol he lòt lă mut tòm ală ƀòn dờng kơ̆ cê!’

Jeremi 42:14

mơ đơs lah: ‘Ò, bol hi kòñ tus tòm lơgar Ejiptơ, la tiah bol hi ò gŏ kơlìn gơtoă tai, rơp ò kơno jơnau ntas kơlwòk tai, tềng hơ̆ bol hi rơp ò siơ̆u piang lă; hơ̆ la tiah bol hi rơp ơm,’

Jeremi 49:2

Yàng Jehôwa đơs: “Gen tàng, ală ngai rơp tus nền cê ngan, Tòm tŭ Añ rơp yal jơnau tơnggit bơh kơlìn gơtoă Tòmdră mơ Rapbah cau Ammôn dê, Gơ rơp gơlik gơs dô gơnru tơrlah tơrling; ală ƀòn gùt dar rơp kong chu mơ ồs, Tŭ hơ̆ Israel rơp tòmpìt ai sre brê ală cau neh tòmpìt sre brê khai.” Yàng Jehôwa đơs behơ̆.

Jeremi 50:22

“Jơnau driau tòmlơh nggồr tòm lơgar; Bơta tơnroh tơnrui dờng ngan.

Jeremi 6:24

“Bol he neh kơno jơnau yal bơh bol khai, Tê bol hi gơrung ò gơs bơta dong kòl; Bơta jê sồt sơmbat kup bol hi, Bơta jê sồt be dô nă cau ùr deh kòn.

Jeremi 8:18

Bơta hòn chò añ jê neh roh, bơta moat jrùng jê sồt ơm hơđang añ! Nùs añ kòp jê!

Jeremi 8:21

Bơh bơta jê sồt làng bol añ jê, añ kung jê sồt; Añ moat jrùng jê sồt mơ rngòt rngơt sơmbat kup añ.

Jeremi 9:1

Ôih! Kơp kòñ bồ añ la dô nơm croh dà, Mat añ la dô nơm tồ dà cat dà mat! Nàng añ in ñìm sùm mang mơ ngai Bơh làng bol añ jê gơkòl tơnchơt.

Jeremi 9:10

Añ rơp ñìm rac pơt wòl bơh ală mơnơm, mơ ñìm rac ròc moat jrùng bơh ƀlàng ñhơt ƀlàng ngềt ngơt dê, Tài bơh gơ neh kong sang lòi srau gòi, tian gơs ò gơs cau lơi lòt gan, mơ ò gam kơno sap kơnrồ, Sềm trồ bal mơ phan poan jơng neh dô lik jơh.

Ñìm Rac 1:16

Behơ̆ tàng añ ñìm rac; mat añ gơhòr dà mat; Bơh cau pơndòm pơniang neh ngài bơh añ, ò gơs cau lơi ai wơl bơta khin cha añ in. Kòn sau añ kong ơm is, bơh cau sò tơm neh pha rlau.

Ñìm Rac 1:20

Khoai Yàng Jehôwa, dan wèt sền, bơh añ tìp bơta bòl glar ò git lơh! Klung añ jê gơ nggồr; Nùs añ gơjơlềt tòm añ, tài bơh añ neh tòmdră sùm! Tòm gùng gơs đào tơnroh, tòm hìu gơs bơta chơt.

Ñìm Rac 2:11

Mat añ siar roh bơh hòr dà mat, klung añ gơ nggồr; Klung klòm añ gơtuh tơlik tòm ù, tài bơh bơta tơnroh làng bol añ jê. Ală cau kơnòm dềt mơ kòn se, bòl glar òsô tòm ală gùng tòm ƀòn dờng.

Daniel 4:19

Tŭ hơ̆ Daniel sơnđan la Beltesassar, ò rgơi đơs tòm dô êt jŏ, mơ ală bơta kơlôi sơnơng lơh khai in rngòt rngơt. Gen cau bơtau đơs mơ khai lah: “Ơ Beltesassar, bañ lòi bơta mpau mơ jơnau gơtha gơ dê lơh mê in rngòt rngơt.” Beltesassar ho lah: “Ơ bơtau, kơp kòñ bơta mpau do gơtơntus di ală cau sò tơm di bơtau, mơ jơnau gơtha gơ dê gơlik gơs di ngan di ală cau tòmdră mơ bơtau.

Daniel 7:15

“Añ, Daniel, ơm ò suk mơ gơs hwềng nùs rngòt rngơt bơh ală bơta gơtơnggŏ hơ̆ tòm dơngoh añ.

Daniel 7:28

Behơ̆, do la lồi dut jơnau hơ̆. Añ, Daniel, ală bơta kơlôi sơnơng añ jê lơh añ in dơrcul rngòt ngan. Muh mat añ gơtòmgơl, mơya añ prap kah ală bơta hơ̆ tòm nùs añ.”

Daniel 8:27

Tŭ hơ̆, añ, Daniel, añ gơpừ chơt yơh mơ kòp jê tòm jŏ ngai. Gen añ guh mơ duh broă cau bơtau. Añ ai lơh krơi ngan bơh bơta gơtơnggŏ hơ̆; mơya ò gơs cau lơi git wă jơnau gơtha gơ dê.

Amôs 3:6

Dô nơm kơlwòk uh tòm ƀòn dờng, gen làng bol ò rngòt ơ? Tòm tŭ bơta rung rài gơdùh tòm dô nơm ƀòn dờng, mìng la Yàng Jehôwa neh lơh gơlik gơs ò ơ?

Habakuk 3:16

Añ kơno mơ añ rơm să tòm añ, Kơno ntas gen sơndồi añ gơ mprơm; Bơta ồm lề gơmut tòm ntìng añ, mơ jơng añ gơrơm hơđơm añ. Behơ̆ añ rơp kơ̆ nùs kơp gơn ngai bơta rung rài la ngai gơ rơp tus hơđang lơgar brồ lơh bol hi.

Khà Làng Bol 10:9

Tòm tŭ bol mê lik lòt tòmlơh tòm lơgar tòm bol mê dê tòmdră mơ cau sò tơm rồn bơklơn bol mê gen uh tĕ ală kơlwòk ntas dờng. Gen Jehôwa Yàng Tom Trồ bol mê dê rơp kah wơl bol mê mơ dong tă bol mê bơh di ală cau sò tơm bol mê dê.

Rôma 10:1

Ơ oh mi, bơta kơp kòñ tòm nùs añ mơ bơta añ hòi dan mơ Yàng Tom Trồ, hơ̆ la tồ làng bol Israel in geh dong klàs.

I Kôrintô 14:8

Bơh dilah uh kơlwòk sơlồng sơlàng, mbe cau git rcang nàng lòt tòmlơh taih?

Galati 4:19

Ơ ală kòn dềt añ jê, bơh ală kòn tàng añ kong tai bơta jê sồt kung be cau jê deh, jơl tus di tŭ Bơtau Krist gơs rùp să tòm ală kòn;

Ală Kwang Cahrña 5:21

Hiòng dà Kisôn neh cèng pơrdô bol khai, hơ̆ la hiòng dà Kisôn bơh yau. Ơ hwềng soàn añ jê, gơs tĕ bơta pràn kơldang mơ lòt tus tĕ!